Yohanis 6:69 - Suri Latin

⁶⁹ Na chɔɔ hunde ani Hira Kullɛna Bere Bɛrraninyi :Tumuye wa kàtaktinyɔ na kɛ̀yɛbhtinyɔ.”

Yohanis 6:69 ပူးပေါင်းရင်းမြစ်များ

Matiyos 16:16

Na yagɛsɛ :Simon Betirosi na sɛɛsɛ, “Inye ani Kirisos, Eriya Tumu, Komoruya iho basseyɔ.”

Markos 1:1

Ngadadabta anna shigininyanɛa kamannaa challa Eriya Tumu Yesus Kirisosi.

Markos 1:24

“Ngahirra bere chillan Naziretɔ kènniny Yesuse, ko agge kɔlɔmnɛ ɔng? Ngangaye, wa kou na dhiyeytɔ? Nɔng anye kagainydɔ hunde ani hir inongge. Inye ani Hira Kullɛna Barara Bere ekkoninyi :Tumu.”

Markos 8:29

Na nɔng ghinu na sɛɛsɛ, “Na igge senno kani nɛng?” Na yagɛsɛ :Betirosi na sɛɛsɛ, “Inye ani Kirisos.”

Yohanis 1:29

Na bhorre Yohanis aru Yesus hunde kun bhɛà nɛnɛye, na seu, “Ga gɔnyigiyɛ! Mɛdɛra Tumu senno kotonyo ridhinga zuga bhakkɛa ba kumulɔng, a nganda.

Yohanis 1:41

Na Indiriyas ogo na assa gɔynɛ Simon shaw ke tiri na sɛɛsɛ, “Agge wa karto Hira Bɛrrana :Tumu ku Mɛsi!” (“Hira Bɛrrana :Tumu ku Mɛsi” a bhɛa kènɛa “Kirisos.”)

Yohanis 11:27

Na Ngamarta sɛɛsɛ, “Ee! Komoru, hunde ani Eriya Tumu ku Kirisos bere kènno ale kuni baye, kɛyɛbhiyɔ.”

Yohanis 20:28

Na nɔng Tomas sɛɛsɛ, “Inye ani Tumu Komoruya nanu!”

Yohanis 20:31

Na yɔk ngalɔkta bere kɔ̀gɔdhdhɛsɛn ngadadabta toyeye, agga bere kɔ̀gɔdhdhɛsɛna na kènno yɛbhtɛ :iggeu bhɛa Yesus anɛa Kirisos ko bhɛa anɛa Eriya Tumu. Na hunde yɛbhbho nɔngge, aynde jɔanɛo basseya iho dhulde.

Zuga Kèkko 8:36

Na hunaa ngani hɛaye, dakta bhee lɔ ma. Na gulsa seu, “Yɔk ma a ngagiya ni. Na hunde kùchurrɛ, ahite kanyɛanyi ihe?”

1 Yohanis 4:16

Na agge kàggayɔ hunde kan zuga ibhbhagiy :Tumu hiniye. Na ngaya ibhbhagɛiy hiniye kɛ̀yɛbh na kibhagiy tii. Nɔng Tumu anna ibhɛsɛna zugo kumulɔng hini. Na ko nɔng hirre ibhɛsɛn Tumu ko zugo hiniye, ɛl ko Tumu kari ke dhɔnɛ.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.