Yohanis 6:68 - Suri Latin

⁶⁸ Na Simon Betiros yagɛsɛ na sɛɛsɛ, “Komorue, anda ale kɛhɛo bhɛa nini? Lɔga ajjiyɛa basseya iho dhul lɔmi :inyo.

Yohanis 6:68 ပူးပေါင်းရင်းမြစ်များ

Matiyos 16:16

Na yagɛsɛ :Simon Betirosi na sɛɛsɛ, “Inye ani Kirisos, Eriya Tumu, Komoruya iho basseyɔ.”

Markos 8:29

Na nɔng ghinu na sɛɛsɛ, “Na igge senno kani nɛng?” Na yagɛsɛ :Betirosi na sɛɛsɛ, “Inye ani Kirisos.”

Yohanis 12:49

Anye huna bere koyogɛsɛni zugo lɔgɔ, ga sabbaa nanu ngani kòyogɛsɛo. Bere koyogɛsɛni ga ajjanyi :Babaa nanu ekkononyi sɔng. Na ngalɔktonu hunde a lɔk giyong na kèe kòyogɛsɛ ɛnɛngge bere madhdhaganyi :nɛa na ajjanyiyɔ.

Yohanis 12:50

Yɔk ngalɔkta gɛnyde hunde agga ajjiyɛa basseya iho dhulde, anye kaggayɔ. Na aynde koyokkonɛ dib damiya bere yokkogɛanyi :Babaa nanuye.”

Yohanis 17:8

Nɔng anye annaa bere kaynɛu yɔk lɔga bere ajjanyi :inyo na ko yɔk tɛhɛnda na takta bhɛa bere kugunɛi bhɛa nunu dhere na chɔɔ yɛbhta bhɛa bere ekkonɛanyi :inyo.

Yohanis 5:24

“A challi, ga shigitɔ! Inde shik lɔga ganyu na yɛbh hira bere ekkononyiye, ngangaye, tɔlɔmu basseya iho dhul na jaru rɛsɛ na ogo bhɛa basseyny na ale ngani ngakujjukkanao.

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

Yohanis 6:63

Nɔng inde ajjɛ zugo basseya iho dhulde, a :Kuloya Tumu. Yɔk lɔga messɛa :zugu sabbiya gɛ na kɔjɔyay basseya iho dhul, hologun ninggɛ. Na yɔk ngalɔkta wa koyokkogung :anyoye agga yokkono :Kuloya Tumu na ajjɛa zugo basseya iho dhul.

Zuga Kèkko 13:26

“Igge ashaa Awurahami ko ngabhorra ana ɛngɛrso Tumuye, ngakamannaya basseynyde anna bere kàjjiy agge na kàbayɛyɔ.

Zuga Kèkko 4:12

“Hira bere ekkono ꞉Tumu na kabayɛ ꞉zugu a Yesusi dhɔnɛnɛ. Sarre bassɛ ꞉zugu lɔga gɛ gɛrsa bay ngaya, gena ninggɛ dhul.”

Zuga Kèkko 5:20

Na sɛɛsɛ, “Ago na chili doraa Tumu barara tu kɛngɔ na yoktɛsɛ zugo lɔga basseya iho dhul.”

Zuga Kèkko 7:38

Na nɔng a hira bere ɛlla ko zuga Isirayeli mukkinyana korugiye ko kokonginyaa ga na itinynyanɛna ko hira ekkono ꞉Tumu kutula kèe Sina na kòyogɛsɛna lɔga Tumu ajjiyɛa bassey na kamadhagiy agge.

Zuga Kèkko 8:37

Na nɔng Bhilibhos yagɛsɛ na sɛɛsɛ, “Hunde yɛbhi hinisɔ dhereye, churnɛndɔ.” Na gulsa seu, “Yesus hunde a eriya Tumu bere kɛ̀bɛrrana ku Kirisose, kɛyɛbhiyɔ.”