Yohanis 6:54 - Suri Latin

⁵⁴ Na nɔng inde am ayuga rɛa nanu na ma nyawaa ganyuye, lɔ basseya iho dhul. Na ale kala wurtune kɔdhɔngngan rɛsɛyɔ

Yohanis 6:54 ပူးပေါင်းရင်းမြစ်များ

Yohanis 4:14

Na nɔng inde ma maye kajjɛ :anyoye, ale huny sɛgɛn ngani ngadhakko dhul. Chɔɔ maye kajjɛ nɔngge ale heo maa ku kawari na dhudhuttanɛ kɛnga nɛnɛ toye ke basseya iho dhul.”

Yohanis 6:27

Na mɛa igge zinggoa jɔanɛo amissɛa ale mujjusso na garsa ngamesso. Mesigi zinggoa jɔanɛo amissɛa lɔmma basseya iho dhul ale ɛdhdhɛttannɛungu :Hiriyɔ Hoynɛ. Nɔng a hira bere sennana :Babaa Nɛnɛ Tumu na ajjɛa buyn bhɛa ngalɔkta.”

Yohanis 6:47

Na mɛa ga shigi shɛɛ! Inde yɛbhbhany anyeye nɔng lɔ basseya iho dhul.

Yohanis 6:55

ke ngaya ayuga rɛa nanu anɛ amissɛa ku dhere na nyawaa ganyu anɛ gala kàmatta ku dhereye.

Yohanis 6:63

Nɔng inde ajjɛ zugo basseya iho dhulde, a :Kuloya Tumu. Yɔk lɔga messɛa :zugu sabbiya gɛ na kɔjɔyay basseya iho dhul, hologun ninggɛ. Na yɔk ngalɔkta wa koyokkogung :anyoye agga yokkono :Kuloya Tumu na ajjɛa zugo basseya iho dhul.