Yohanis 6:51 - Suri Latin

⁵¹ Tilaa basseyny bere kuguni tumɔ kani :anyo. Na inde am ngatilayaye kàjjɛ basseya iho dhul. Nɔng ngatilaya a ngaayukta nan ale kajjɛ zuga bhakkɛa ba kumulɔng na kɔtɔlɔmɔ basseyte.”

Yohanis 6:51 ပူးပေါင်းရင်းမြစ်များ

Matiyos 20:28

Anye bhee kesennagɛung ngangaye, a ore go! Hiri Hoynɛ huna bere kunno, se katagay zugo na kete yekkuya rɛsɛa zugo ga mɛra. Nɔng bhee bere kunɛ na katagaytɛ :zugu ngayo.”

Yohanis 1:14

Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 1:29

Na bhorre Yohanis aru Yesus hunde kun bhɛà nɛnɛye, na seu, “Ga gɔnyigiyɛ! Mɛdɛra Tumu senno kotonyo ridhinga zuga bhakkɛa ba kumulɔng, a nganda.

Yohanis 11:26

Na ko nɔng hirre i basseyɔ na yɛbhbhany anyeye ale dhul ko kingi ngani ngarɛsso. Na inye ngalɔkta yɛbhiyɔ oo ngayɛbhiyo?”

Yohanis 3:13

Hirre bere kɔ tumɔ na ga lɔga ɛlla ngonu, kona ninggɛ dhul. Ga :Hiriyɔ Hoynɛ sɔng, naa bere kunno ngonu.

Yohanis 3:14

Na damiya bere ilagɛa :Muse kono korugiye, ko nɔng Hiri Hoynɛ maya ale kilak ngadamitonu

Yohanis 3:16

“Nɔng Tumu annaa bere ibhɛsɛa zugo kumulɔng hini goore na chɔɔ ibhaa Eriya Nɛnɛ dhɔnɛna na aynɛa. Na gee yɛbhbhɛ Eriya Nɛnɛye kumulɔng ale kɔjɔya basseya iho dhul na ngagarsɛ.

Yohanis 3:36

Na hirre yɛbh Eriya nɛnɛye, lɔ basseya iho dhul. Nɔng inde Eriya nɛnɛ ngayɛbhbhoye, bassey ngajɔanao ke ngaya ngani lɔmɛɛn :Tumu lɔgɔye.”

Yohanis 5:24

“A challi, ga shigitɔ! Inde shik lɔga ganyu na yɛbh hira bere ekkononyiye, ngangaye, tɔlɔmu basseya iho dhul na jaru rɛsɛ na ogo bhɛa basseyny na ale ngani ngakujjukkanao.

Yohanis 6:33

ke ngaya ngatilaya Tumuye anɛ na kunno tumɔ na ajjɛa zuga bhakkɛa ba kumulɔng basseyte.”

Yohanis 6:35

Na nɔng sɛɛsɛ, “Tilaa basseyny kani :anyo. Na inde kun gɔra nanuye, ale hozzo ngani ngadhakko dhul. Na inde yɛbhbhanyde, ko nɔng huny ale ngani ngadhakko dhul.

Yohanis 6:41

Na hunaa zuga Ayhudhi shikkɛa bhɛa senɛa, “Tilaa bere kunno tumɔ kani :anyoye,” mɛzzi girɔngichinne.

Yohanis 6:47

Na mɛa ga shigi shɛɛ! Inde yɛbhbhany anyeye nɔng lɔ basseya iho dhul.

Yohanis 6:48

Tilaa basseyny kani :anyo.

Yohanis 6:50

Na nɔng tilaa kunno tumɔ na kènno kusigi :zugu na ko kingi ngarɛsɛ, a nganda.

Yohanis 7:38

Inde yɛbhbhany anyeye, maa basseyny dhudhuttanɛ kɛnga nɛnɛ toye huna kidhona taannɛa, damiya bere senɛa :Dadaba Lɔga Tumu.”

Tito 2:14

Nɔng anna bere rɛsɛiy agge na kibbayseiy lɔga gɛrsa kumulɔng na kète zuga gɛnyɛ ridhing ningginɛna na hinisiya ga kɔshɔya na kèmesigi lɔga challa hinno :nɛa.

1 Yohanis 2:2

Na a hira bere ibhbhana :Tumu na sɛrɛa bhɛa na, na rɛsɛiy agge na kotonyo ridhingɛa ga na kagaratɔ. Nɔng bhee bere kìbhbhanɛ na kotonyoiy ridhingɛa ga sɔng ngayo. Bere kènno kotonyo chɔɔ ridhingɛa zuga bhakkɛa ba kumulɔng.

1 Yohanis 4:10

Nɔng ngaya ibhbhagɛiy :Tumu hiniye, ke bhɛa bere kìbhɛsɛna :aggeu hinisi ngayo. A ngaya ibhbhagɛiy :nɛa hini na ittonnonɛ Eriya Nɛnɛ na sɛrɛɛ bhɛa lɔga ga gɛrsa na kàttiyɛ na rɛsɛiy aggeye.

1 Yohanis 4:14

Na chɔɔ nɔng huna bere ibhbhana Eriya Nɛnɛ na ittonnono ba na kibbaysi zugo kumulɔng, agge bere kàrto kawarre na aynde kɔɔbhɛsɛno zugo ngalɔktaye.