Yohanis 6:44 - Suri Latin

⁴⁴ Nɔng inde kun bhɛa nanuye a hira lammana :Babaa Nanu bere ekkononyi sɔng. Na hunde kun gɔra nanuye, anye kala ale wurtune, kɔdhɔngngan rɛsɛyɔ.

Yohanis 6:44 ပူးပေါင်းရင်းမြစ်များ

Matiyos 12:34

Ngahoyaa kurmusinyanyde, na igge hunde anno ngagiya ku kuhuyagaye go, anda lɔga challa yokkono ɛnɛng? Anye bhee kesennagɛung ngangaye, a ngaya lɔga lɔmma :hiriyɔ kɛngɔ, koo dhininyanɛ na yokkonɛ tugɔye.

Matiyos 16:17

Na sɛɛsɛ :Yesusi, “Eriya Yona Simon, inye ani tuhinɛ, ke ngaya ngalɔkta anɛ ga dhugunnogɛinyi :Babaa nanu iho tumɔye. Na ayuk ko nyawa ngani kudhugundoginyo.

Yohanis 12:32

Na nɔng anye hunde ale kɔ̀dhɔnganany bayte, ale kalamman zugo kumulɔng na hony gɔra nanu na yɛbhbhanyɛ anye.”

Yohanis 5:44

Na igge hunde anno ngagiya ajjinɛno diram kɛngɔ na chɔɔ lɔga challa kènno mesigi na kayɛung :Tumu Komoruya dhɔnɛna diram ngamessoo dhulde go, na anda anye yɛbhbhanyu ɛnɛng?

Yohanis 6:43

Na nɔng Yesus yagɛsɛ na sɛɛsɛ, “Kɛngɔ girɔngichinne ngamɛzzeo!

Yohanis 6:45

Yɔk lɔga bere kɔdhdhɛsɛnɛa :zuga yogɛsɛnɛa zugo lɔga dhugunono :Tumu dadab annaa sennɛa, ‘Zugo kumulɔng ale madh :Tumu.’ Na ga kàmadhɛsɛna na shikkɛa lɔga Babaa Nanu kumulɔng ale hony gɔra nanu.

Yohanis 6:65

Na tɔrɛ sɛgɛn na sɛɛsɛ, “Ngaya a bhee wa kesennagɛung, ‘Inde kun bhɛa nanuye a hira lammana :Babaa Nanu sɔngge.’”

Yohanis 8:43

Na bhee lɔga koyokkoni ngaungusɛɛnooye, a ore? A ngaya lɔga koyokkoni :anyo marɛo na ngashigɛoyoye.