Yohanis 6:40 - Suri Latin

⁴⁰ Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

Yohanis 6:40 ပူးပေါင်းရင်းမြစ်များ

Matiyos 10:15

Ga shigitɔ! Ɔrre zugo messɛ ngangaye, kolea ale kedhdhɛa :Tumu lɔga zugony, ale kàtti na bhɛa attiya nɛnɛ, chali attiya bere kàttiyɛa Sodom ko Gomora.

Matiyos 25:46

Na ngazukta gɛrɛ ku ngangaye yɔk ale hɛ bhɛa attiya iho dhul ko kingi. Na yɔk ga ridhing ningginɛna ale hɛ bhɛa basseya iho dhul.”

Markos 16:16

Nɔng inde yɛbh ngakamannaya na kùchurte, ale bassɔ. Na nɔng inde ngayɛbhbhoye ale kùjjukkanayɔ.

Yohanis 1:14

Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 10:28

Na kajjɛ basseya iho dhul na ngagarsɛ. Na chɔɔ inde ale mayichchonony bhɛa ɛlɛa siya nanu, ninggɛ dhul.

Yohanis 11:24

Na nɔng Ngamarta yagɛsɛ na sɛɛsɛ, “Nɔng hunde ale bansana kala wurtune ibbaniseonɛa :Tumu zugoye, kaggayɔ.”

Yohanis 11:25

Na Yesus yagɛsɛ na sɛɛsɛ, “Hira kibbaniseoni zugo rɛsɛyɔ na kajjɛi bassey kani :anyo. Na inde yɛbhbhany anyeye, chɔɔ ko hunde kere, ale bansana na i basseyɔ.

Yohanis 12:45

Na ko nɔng inde orrony anyeye, ngangaye aru chɔɔ hira bere ekkononyi.

Yohanis 12:50

Yɔk ngalɔkta gɛnyde hunde agga ajjiyɛa basseya iho dhulde, anye kaggayɔ. Na aynde koyokkonɛ dib damiya bere yokkogɛanyi :Babaa nanuye.”

Yohanis 14:17

Nɔng ngandonu a Kuloya Tumu dhugunnono lɔga ku dhere. Na yɔk zuga marrɛa Tumu ale marrɛ nɔng ke ngaya ngaorɛo na imagɛye. Na nɔng igge gaoyɔ ke ngaya ɛlɛo ko nɔng kari na anɛo dhɔnɛye.

Yohanis 14:19

Nɔng anye ale kihon ungge muchugi na zuga marrɛa Tumu sɛgɛn ngaorronynyɛo dhul ko kingi. Na nɔng igge ale orronyu sɛgɛn. Na ko igge ale ɛllo basseyɔ ke ngaya anye kihɛ basseyɔye.

Yohanis 17:2

ke ngaya bere ajjɛ buyna allinɛnɛa zugo kumulɔng na ko nɔng kibha basseya iho dhul na kaynɛ zuga bere ibhbhani :inyo na ajjɛi nɔng kumulɔngge.

Yohanis 3:36

Na hirre yɛbh Eriya nɛnɛye, lɔ basseya iho dhul. Nɔng inde Eriya nɛnɛ ngayɛbhbhoye, bassey ngajɔanao ke ngaya ngani lɔmɛɛn :Tumu lɔgɔye.”

Yohanis 4:14

Na nɔng inde ma maye kajjɛ :anyoye, ale huny sɛgɛn ngani ngadhakko dhul. Chɔɔ maye kajjɛ nɔngge ale heo maa ku kawari na dhudhuttanɛ kɛnga nɛnɛ toye ke basseya iho dhul.”

Yohanis 5:24

“A challi, ga shigitɔ! Inde shik lɔga ganyu na yɛbh hira bere ekkononyiye, ngangaye, tɔlɔmu basseya iho dhul na jaru rɛsɛ na ogo bhɛa basseyny na ale ngani ngakujjukkanao.

Yohanis 6:27

Na mɛa igge zinggoa jɔanɛo amissɛa ale mujjusso na garsa ngamesso. Mesigi zinggoa jɔanɛo amissɛa lɔmma basseya iho dhul ale ɛdhdhɛttannɛungu :Hiriyɔ Hoynɛ. Nɔng a hira bere sennana :Babaa Nɛnɛ Tumu na ajjɛa buyn bhɛa ngalɔkta.”

Yohanis 6:39

Na lɔga Babaa nanu bere ajjanyi na ekkonɛanyi a ɛnɛnggeo, kèe kɛ̀bhɛk zuga bere ajjanyi kumulɔng na chɔɔ dhɔnɛ ngakiggarisi na kala ale wurtune kɔ̀dhɔngnga rɛsɛyɔ.

Yohanis 6:44

Nɔng inde kun bhɛa nanuye a hira lammana :Babaa Nanu bere ekkononyi sɔng. Na hunde kun gɔra nanuye, anye kala ale wurtune, kɔdhɔngngan rɛsɛyɔ.

Yohanis 6:54

Na nɔng inde am ayuga rɛa nanu na ma nyawaa ganyuye, lɔ basseya iho dhul. Na ale kala wurtune kɔdhɔngngan rɛsɛyɔ

Yohanis 8:56

Nɔng kokonga nu Awuraham annaa bere dɛlla bhɛa senno karɛ kala ale kugunɛi :anyo na ibhɛsɛna hini. Na koo arra na hini tewa hɔli.”

1 Yohanis 2:25

Na hunde kɛ̀l kari ke dhɔnɛye, kɔ̀lɔ basseya iho dhul bere bhiikkagiy :Kirisosi.

Yihudha 1:21

Na hunde ngani reo kolea ale chirbhisiyɛungu :Komoruya Na Yesus Kirisosi na ajɛungu basseya iho dhulde, tɛldi ko Tumu kari ke dhɔnɛ tii na tagatɔ hunde ibhbhagung hiniye.