Yohanis 6:39 - Suri Latin

³⁹ Na lɔga Babaa nanu bere ajjanyi na ekkonɛanyi a ɛnɛnggeo, kèe kɛ̀bhɛk zuga bere ajjanyi kumulɔng na chɔɔ dhɔnɛ ngakiggarisi na kala ale wurtune kɔ̀dhɔngnga rɛsɛyɔ.

Yohanis 6:39 ပူးပေါင်းရင်းမြစ်များ

Matiyos 10:15

Ga shigitɔ! Ɔrre zugo messɛ ngangaye, kolea ale kedhdhɛa :Tumu lɔga zugony, ale kàtti na bhɛa attiya nɛnɛ, chali attiya bere kàttiyɛa Sodom ko Gomora.

Matiyos 18:14

Na ko nɔng Baba nu iho tumɔ bhɛa senno kagartɛ :ngagiya chichiye konnɔ ngahinno.

Yohanis 12:48

Nɔng hirre marrany anye na lɔga ganyu ngahinnoye, hira ale kedhdho lɔga gɛnyɛ ihe. Yɔk ngalɔkta gany bere koyokkonde rɛ a gee ale ujjukkanɛ nɔng kala ale wurtuneye.

Yohanis 17:12

Anye huna bere kɛllo ko yɔk kari annaa kɛbhɛkka barartina sara gunyu bere ajjanyi kɛr. Na bhɛa zuga bere ajjanyi chɔɔ dhɔnɛ ngani kiggarisiyo dhul. Nɔng inde keninya na garase a eriya ku kuhuyagiya bere kènno kurruknyɛsɛ :lɔga bere kɔ̀gɔdhdhɛsɛna Dadabinyaa Lɔga Gunyu.

Yohanis 17:2

ke ngaya bere ajjɛ buyna allinɛnɛa zugo kumulɔng na ko nɔng kibha basseya iho dhul na kaynɛ zuga bere ibhbhani :inyo na ajjɛi nɔng kumulɔngge.

Yohanis 17:24

“Na mɛa Babaye, ngazukta bere ajjanyde keni kɛ̀tɛldo ko anye kari bhɛa kihɛi na kargi dirama nanu bere ajjanyi :inyo ke ngaya bere ibhbhagɛany anye hini huna ba ko tumu ngani kètegenydoayoye.

Yohanis 17:6

“Yɔk zuga bere bɛrrani bhɛa zuga bhakkɛa ba ngaya na ajjanyi, annaa bere kudhugunɛsɛu hunde ani hir inongge. Yɔk bere anna zuga gunyu na koo aanyɔ anye. Na mɛa yɔk a ngagiya bɔɔ bhɛkta lɔga gunyu shɛɛye.

Yohanis 17:9

“Na mɛa kogolliny inye na tɔlɔ ngazukta bere ajjanyde. Bhee kogollɛiny lɔga gɛye, a ngaya anɛ zuga gunyuye. Yɔk lɔga zuga marrinyɛa, ngakogollinyo.

Yohanis 18:9

Nɔng bhee bere senɛ ngangaye, dha bere se kurruknyɛsɛ lɔga bɔɔ yokkono na senno, “Bhɛa zuga bere ajjanyi chɔɔ dhɔnɛ ngani kiggarisiyo dhul.”

Yohanis 5:28

“Na igge ngaiwachi ngalɔkta. Nɔng kolea ale shigɛa :zuga bere rɛsɛa ɛlla igingo lɔga yokkono :Eriya Tumu ale kun na yɔk bansanɛ rɛsɛyɔ. Na ga bere messɛa lɔga challa ale bansanɛ na kajjɛ bhɛa ɛlɛa basseyɔ. Na yɔk ga bere messɛa lɔga gɛrsa ale bansanɛ na kùjjukkana na kàttiyɔ.

Yohanis 6:37

Na yɔk zuga ajjanyi :Babaa nanu kumulɔng ale hony gɔra nanu. Na gee honyde ngakahangiyo

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

Yohanis 6:44

Nɔng inde kun bhɛa nanuye a hira lammana :Babaa Nanu bere ekkononyi sɔng. Na hunde kun gɔra nanuye, anye kala ale wurtune, kɔdhɔngngan rɛsɛyɔ.

Yohanis 6:54

Na nɔng inde am ayuga rɛa nanu na ma nyawaa ganyuye, lɔ basseya iho dhul. Na ale kala wurtune kɔdhɔngngan rɛsɛyɔ

2 Timotiyos 2:19

Na nɔng ko hunde lɔgɔ kete nganga, yɔk zuga yɛbhbhɛa Tumu dhere iriy :nɛa na dhandal na hɛt ko bɛa bo dhandala immo :Tumu gig. Na ngabɛtonu lɔ lɔga kɔdhdhɛsɛna :Tumu sennɛa, “Nɔng Komoru zuga gɛnyɛ gayɔ,” ko ga sennɛa “Gee elɛɛ sara Komoruynyde kumulɔng, maya kɛnganɛ rɛhi bhɛa lɔga ku kuhu na ɛl rɛna.”

Yaykob 5:15

Hunde kògol Tumu na kɛ̀yɛbh hinisɔye, hira ilagasa ibbaysi :Komoruyɔ Tumu na bassɔ. Na hunde bere me lɔga gɛrsaye, ujjuk :Tumu na garsɛyɔ.

Yihudha 1:1

Ngadadabta kɔgɔdhan :anyo Yihudha, hira ku gochonga Yaykobi kagayi Yesus Kirisos. Na kɔgɔdhdhagung igge, zuga bere ibhbhagungu :Babaa Na Tumu hini na eleongu na bhɛkkungu na ale lɔmmungu :Yesus Kirisosi.