Yohanis 6:27 - Suri Latin

²⁷ Na mɛa igge zinggoa jɔanɛo amissɛa ale mujjusso na garsa ngamesso. Mesigi zinggoa jɔanɛo amissɛa lɔmma basseya iho dhul ale ɛdhdhɛttannɛungu :Hiriyɔ Hoynɛ. Nɔng a hira bere sennana :Babaa Nɛnɛ Tumu na ajjɛa buyn bhɛa ngalɔkta.”

Yohanis 6:27 ပူးပေါင်းရင်းမြစ်များ

Matiyos 17:5

Na nɔng hunde chinyi ngani yokkono lɔgɔye, idhoa bo hɔla ko na chɛbu yɔk. Na idhogiye toye shigi lɔkte sennɛ, “Erite nan ajjany hini hɔldin kibhɛsɛn hiniye, a nganda. Shigi nɔng!”

Matiyos 25:46

Na ngazukta gɛrɛ ku ngangaye yɔk ale hɛ bhɛa attiya iho dhul ko kingi. Na yɔk ga ridhing ningginɛna ale hɛ bhɛa basseya iho dhul.”

Matiyos 3:17

Na Tumu yogo lɔgɔ surr tumɔ na seu, “Erite nan ajjany hini hɔldin kibhɛsɛn hiniye, a nganda.”

Matiyos 6:19

“Na igge ngashogiyɛsɛ rɛhi aha bay ngaya bu hɛrtɛ aha, lɔ dugùa ammɛa ko ɔgɔrchaga ogorrɛa na hɛyɛaye.

Matiyos 8:20

Na nɔng Yesus yagɛsɛ na sɛɛsɛ, “Yɔk dhokkoli bolkɛna gɛ ɛllɛ. Na ko yɔk shɔa doriyoa gɛ ɛllɛ. Na nɔng Hiri Hoynɛ chɔɔ bhɛa igingo ninggɛ.”

Markos 1:11

Na shigu lɔkte hony tumɔ hunde sennɛ, “Erite nan ajjany hini hɔldin na kibhbhaginy hiniye, ani :inyo.”

Markos 9:7

Na idho ko na chɛbu yɔk dhis. Na idhogiye toye shigi lɔkte sennɛ, “Erite nan kibhɛsɛn hiniye a nganda. Shigi nɔng!”

Yohanis 10:28

Na kajjɛ basseya iho dhul na ngagarsɛ. Na chɔɔ inde ale mayichchonony bhɛa ɛlɛa siya nanu, ninggɛ dhul.

Yohanis 11:42

Na chɔɔ hunde shikkony kali kaliye, anye kaggayɔ. Nɔng anye bhee kesenɛ ngangaye, a ngaya keni ngazukta chillɛ ngayaye kɛyɛbhɛ bhɛa ekkonɛanyi :inyoye.”

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 15:24

Nɔng anye hunde bɔɔ bhɛa nɛ lɔga bo dhandala chɔɔ hir kona ngani kemessao dhul ngakemesi, anda bhee kùjjukkanɛ lɔga gɛ gɛrsa ninggɛ. Na chɔɔ yɔk ko hunde kargi ngalɔkta bu dhandal kemesi :anyoye, yɔk ngani marranyɛ anye ko Baba nanu chi.

Yohanis 17:2

ke ngaya bere ajjɛ buyna allinɛnɛa zugo kumulɔng na ko nɔng kibha basseya iho dhul na kaynɛ zuga bere ibhbhani :inyo na ajjɛi nɔng kumulɔngge.

Yohanis 3:15

na zukte yɛbhbhɛ nɔngge kumulɔng ale kɔjɔya basseya iho dhul.

Yohanis 3:33

Na hunde hir kona tɛhɛnu ngalɔkta yokkono :ngahirra kun tumɔye, ngangaye dhugunnono bhɛa Tumu anɛa dhere dib.

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

Yohanis 6:47

Na mɛa ga shigi shɛɛ! Inde yɛbhbhany anyeye nɔng lɔ basseya iho dhul.

Yohanis 6:51

Tilaa basseyny bere kuguni tumɔ kani :anyo. Na inde am ngatilayaye kàjjɛ basseya iho dhul. Nɔng ngatilaya a ngaayukta nan ale kajjɛ zuga bhakkɛa ba kumulɔng na kɔtɔlɔmɔ basseyte.”

Yohanis 6:53

Na nɔng yagɛsɛ na sɛɛsɛ, “A challi, ga shigitɔ! Hunde Hiri Hoynɛ ayuga rɛa nɛnɛ ngani usigito na nyawaa gɛnyɛ irgitoye, bassey ninggɛnungɔ.

Yohanis 6:54

Na nɔng inde am ayuga rɛa nanu na ma nyawaa ganyuye, lɔ basseya iho dhul. Na ale kala wurtune kɔdhɔngngan rɛsɛyɔ

Yohanis 6:58

Tilaa bere kòhonyɛa tumɔ a nganda. Nɔng ngatilaya ko na kèe Manna bere ammɛa :kokonginyaa gu ngahɛtto. Yɔk zuga bere ammɛa ngatilaonu annaa bere tɛlda na koo erta. Na yɔk gee ammɛ ngatilayaye ale kàjjɛ basseya iho dhul.”

Yohanis 6:62

Na igge hunde mɛa argi Hiri Hoynɛ hunde bana na wok gɔra bere kunɛaye, anda senno se ɛnɛng?

Yohanis 6:68

Na Simon Betiros yagɛsɛ na sɛɛsɛ, “Komorue, anda ale kɛhɛo bhɛa nini? Lɔga ajjiyɛa basseya iho dhul lɔmi :inyo.

Yohanis 8:18

Yɔk zuga bere korrono ngalɔkta ganyde kawarre na kɔɔbhbhano, kanno ramman. Kona kani anye, kona a Baba nanu bere ekkononyi.”

Zuga Kèkko 10:38

Na bɛrgua churɛa zugo ma, Tumu annaa bere uhudhdho Yesusa Nazireti Kuloya nɛnɛ na ajjɛa barartin. Na hande kɔɛye kumulɔng ɛlla ko nɔng na messo lɔga challa. Na chɔɔ ibbayseo zuga chibbo ꞉Moldoyɔ kumulɔng.

Zuga Kèkko 2:22

“Na mɛa zuga Isirayeliye, ga chirara ngalɔkta! Tumu anna bɔɔ ekkono Yesusa Nazireti na ajjɛa lɔgɔ na keme lɔga bo dhandala barara bhɛa nu na iwachi na taga hunde a hira ekkono ꞉Tumuye. Yɔk ngalɔkta kumulɔng hunde a dhereye, igge gaoyɔ.

1 Tɛsɛlongke 1:3

Na kali kali hunde kògollogung Baba na Tumuye, kagadhdhano bhɛa bere yɛbhɛo Yesus na messɛo zinggo shɛɛ, ko bhɛa bere hinisi annɛungu bibi na yelɛo zugo na ɛanɛo, ko ngaya yɛbhɛo bhɛa ale kunɛa :Komoru Yesus Kirisosi na mɛdhdhanɛo lɔga gɛnyɛye.

2 Timotiyos 2:19

Na nɔng ko hunde lɔgɔ kete nganga, yɔk zuga yɛbhbhɛa Tumu dhere iriy :nɛa na dhandal na hɛt ko bɛa bo dhandala immo :Tumu gig. Na ngabɛtonu lɔ lɔga kɔdhdhɛsɛna :Tumu sennɛa, “Nɔng Komoru zuga gɛnyɛ gayɔ,” ko ga sennɛa “Gee elɛɛ sara Komoruynyde kumulɔng, maya kɛnganɛ rɛhi bhɛa lɔga ku kuhu na ɛl rɛna.”

Yaykob 1:11

Na su hunde ujjono na kɔn ngakɛtonu hulende, mudhugu na urutinya na ɛa nɛnɛ bo challa garasɔ. Na ko nɔng ngahirronu bu aha mɛrte, hunde ngani me ngagaymoa nɛnɛye, urutinya na gara nganga.

2 Betiros 1:17

Nɔng Baba Na Tumu Komoruya Bo Lɔmma Diram, huna bere dhɔnga Yesus na ajjɛa diram, bere yogɛsɛna lɔkte sennɛ, “Erite nan ajjany hini hɔldin, kibhɛsɛn hiniye a nganda.”