Yohanis 6:14 - Suri Latin

¹⁴ Na hunaa zugo orrɛa ngalɔkta bu barar me :Yesusiye, iwachiyɛ na se, “Kèe dhaa nganda a hira bere sennɛa ale kun na yogɛsɛn zugo lɔga dhugunono :Tumu ba kumulɔng dhere chi.”

Yohanis 6:14 ပူးပေါင်းရင်းမြစ်များ

Lɔgɔ Sabba 49:10

Na nɔng lalanga komorumo bhɛa nunu ngagaraso, na ale sɛrɛɛ chɔɔ :ashaa gunyu ko bhee ale kunɛ :Komoruya ku ɛna allinɛnɛa bhorinya kumulɔng.

Matiyos 11:3

Yesus na kighini na keseyɛsɛ, “Hira bere kènno ale kuni, ani :inyo rɛ oo kèreyo kon?”

Matiyos 21:11

Na zugaa bo mɛra dhɛanɛa ko nɔng yaktɛsɛ na seyɛsɛ, “Nganda a Yesus, hira yogɛsɛna zugo lɔga dhugunono :Tumu bere chillana baa Gelila ɔra kèe Naziret.”

Yohanis 1:21

Na yɔk ghini sɛgɛn na seyɛsɛ, “Na inye ani hir inong? Ani Eliyas dha?” Na nɔng yagɛsɛ na sɛɛsɛ, “Ngakaniyo.” Na ghini sɛgɛn na seyɛsɛ, “Na ani hira yogɛsɛni zugo lɔga dhugunono :Tumu bere kènno ale kuni ka?” Na nɔng sɛɛsɛ, “Ngakaniyo!”

Yohanis 11:27

Na Ngamarta sɛɛsɛ, “Ee! Komoru, hunde ani Eriya Tumu ku Kirisos bere kènno ale kuni baye, kɛyɛbhiyɔ.”

Yohanis 2:11

Yɔk ngalɔkta barar me :Yesusi ngaɔrra kèe Kana i baa Gelilaye agga bere sabbune. Na hunaa messa ngalɔktaye, dhɔlɛsɛ zugo dirama nɛnɛ na zuga kɔbhbhɛa nɔng yɛbhɛyɛ.

Yohanis 4:19

Na tɛri seu, “Komoru, inye hunde ani hira yogɛsɛni zugo lɔga dhugunono :Tumuye, wa kataginyɔ.

Yohanis 4:25

Na tɛri seu, “Hira Bɛrrana :Tumu ku Mɛsi kèleo Kirisos hunde ale kunde, nɔng kaggayɔ. Na hunde kunde, ale dhugunnogiy lɔgɔ kumulɔng.”

Yohanis 4:42

Na yɔk seyɛsɛ tɛriyaa gina, “Mɛa agge ke bhɛa bare dhugunnogɛinyi lɔga gunyu sɔng, ngahirra ngakɛyɛbhbhoo. Agge wa kishiktao nyabha hunde nɔng dhaa a Hira Ibbayseo zuga bhakkɛa ba kumulɔngge na katakto dhere.”

Yohanis 6:2

Na zuga bo mɛra kɔbhɔ nɔng ke ngaya wa dhaa orɛ lɔga messo :nɛa bu barara bhɛa zuga ilagassɛaye.

Yohanis 6:26

Na nɔng yagɛsɛ na sɛɛsɛ, “A challi, ga shigitɔ! Igge mɛa bhee lamiyɛanyuye a ngaya wa ammeo amissɛ na chasseoye. Ke bhɛaa orɛo lɔga bu barara kemesi :anyo, ngayo.

Yohanis 6:30

Na yɔk ghini na seyɛsɛ, “Na mɛa agge bhɛa kenno kɛ̀yɛbhtɛiny inye, lɔkte bu barari anda dhɔlagiy na korroye a ɔng? Oo anda lɔkte mesiye a ɔng?

Yohanis 7:40

Na zugo hunaa shikkɛa ngalɔktaye, gena se, “Ngahirra dhaa a Hira Yogɛsɛna Zugo Lɔga Dhugunono :Tumu bere kènno ale kuni chi!”

Zuga Kèkko 7:37

“Na ngahirra kèe Museye, nɔng a hira bere yogɛsɛna zuga Isirayeli lɔgɔ na senɛsɛna, ‘Tumu ale bɛrrana hir kona bhɛa gochonginyaa gu na a hira yogɛsɛna zugo lɔga dhugunono ꞉Tumu hunde nande.’