Yohanis 5:30 - Suri Latin

³⁰ Yɔk lɔkte kemesi :anyo bhichang ninggɛ. Anye kegedhdhi lɔga kishikkani sɔng na yɔk ɛl dib ke ngaya kemesɛ lɔga hinno :hira bere ekkononyi sɔng na ga kihinnoni :anyo ngakemesɛoye.

Yohanis 5:30 ပူးပေါင်းရင်းမြစ်များ

Lɔgɔ Sabba 18:25

Anye bhɛa keni dhiyɛ zuga ku kuhuyaga ko ga ridhing ningginɛna ke dhɔnɛ ngakɛsɛdhiyo. Na nɔng hunde dhiyuye, ngangaye dhiyu zuga ridhing ningginɛna ko ga ku kuhuyaga kari ke dhɔnɛ ni! Nɔng inye ani Komoruya bo kedhdhi lɔga zugony kumulɔng shɛɛ na zuga ridhing ningginɛna ko zuga ku kuhuyaga anye heo ke dhɔnɛ ngadhiiyo.”

Matiyos 26:39

Na nɔng sɛyɛ ko rɛna bhe chinyi na dhagɛ rɛ ba ke shura na mumɔ tɔgɔdhɛ ba na alliyɛ ko Tumu na seu, “Babae! Hunde ɔande, isogɛ ngakombita chɔllaunyde bhɛa nanu. Na nɔng any kubhugnyɛsɛ :lɔga sennani :inyo. Ga kesennani :anyo ngabhugnyɛsɛnɛ.”

Yohanis 14:10

Ngangaye hunde anye ko Baba nanu kanno dhɔnɛye, inye ngayɛbhiyo? Yɔk ngalɔkta koyokkogung :anyoye ga sabbaa nanu ngayo. Agga messo :Babaa nanu. Nɔng chɔɔ a nganda mɛa kɛllo ko anye kari, na ngani me lɔga gɛnyɛye.

Yohanis 17:4

Nɔng anye wa kɔdhɔnginyɔ na kɔdhɔlɛsɛu zuga bany kumulɔng dirama nunu ke ngaya kurrugɛsɛn lɔga bere ajjanyi :inyoye.

Yohanis 18:11

Na Yesus nɔng sɛɛsɛ Betiros, “Yagɛsɛ masha shebbel! Inye seni chɔllaa bere ajjanyi :Babaa nanu na kɔ̀chɔllayɛi, ale ngakɔchɔllanɛno ka?”

Yohanis 4:34

Na nɔng yagɛsɛ na sɛɛsɛ, “Anye hunde kigomɛsɛn hira bere ekkononyi na kurrugɛsɛn lɔga gɛnyɛ bere ajjanyiye, ngandonu a amissɛte nande.

Yohanis 5:19

Na Yesus yagɛsɛ na sɛɛsɛ, “A challi, ga shigitɔ! Lɔkte me :Eriya Tumu bhichang ninggɛ. Nɔng me lɔga orrono bhɛa Chɔgɔnɛ sɔng. Yɔk lɔkte me :Chɔgɔnɛye ko nɔng messɔ.

Yohanis 6:38

ke ngaya bere kugunɛ tumɔ na kùrrugɛsɛ lɔga ekkonɛanyi :Tumuye. Bhee bere kugunɛ na kèmesɛ lɔga sabbaa nanu, ngayo.

Yohanis 8:28

Na koo sɛɛsɛ :Yesusi, “Igge hunde ale ibhbhano Hiri Hoynɛ na ilakkoye, ngakaldonu ale ungusɛɛno hunde dhaa kani hira bere kudhugunnogungu rɛa nanu hunde kani nɛng, ko hunde chɔɔ ngalɔkta koyokkogungge agga bere madhdhaganyi :Babaa nanu dibte. Yɔk lɔkte kɛsɛdhdhan na kemesi sabbaa nanu ninggɛ.

Yohanis 8:42

Na sɛɛsɛ :Yesusi, “Hunde Tumu kete Baba nu, anda ibhbhaganyu hinisi, ke ngaya bere kugunɛ bhɛa nɛnɛ na mɛa kihɛ ngayaye. Anye bere ekkononyi :nɛa. Sabbaa nanu ngani kèseayo na kùgoo.

Yohanis 8:50

Nɔng anye bhɛa keni kɔdhɔnggɛany :zugu na kayɛany diram ngakalamiyo. Na nɔng hira hinno bhɛa senno zugo kayɛany diram ihe. Nɔng chɔɔ a Hira Kedhdho Lɔga Zugony.