Yohanis 5:26 - Suri Latin

²⁶ Nɔng Baba Tumu, a ɛnaa basseyny. Na chɔɔ annaa bere ibhaa Eriya Nɛnɛ na ojja na tewa hira ku ɛnaa basseyny hunde nɛnde.

Yohanis 5:26 ပူးပေါင်းရင်းမြစ်များ

Yohanis 1:4

Na Lɔgɔ a ɛnaa basseyny dhɔnɛnɛ. Na basseya nɛnɛ a hɔldina zugony.

Yohanis 10:18

Na chɔɔ hirre maggagany rɛsɛ na nissonyi ninggɛ. Na ko hunde kère, kɛrɛsi ke ngaya kihinnonɛ :ɛnaye. Nɔng anye kɔlɔmi buyna kɛrɛsɛi ko na kabansanɛi kari ke ngaya anɛ lɔga bere ajjanyi :Babaa nanuye.”

Yohanis 11:25

Na Yesus yagɛsɛ na sɛɛsɛ, “Hira kibbaniseoni zugo rɛsɛyɔ na kajjɛi bassey kani :anyo. Na inde yɛbhbhany anyeye, chɔɔ ko hunde kere, ale bansana na i basseyɔ.

Yohanis 11:26

Na ko nɔng hirre i basseyɔ na yɛbhbhany anyeye ale dhul ko kingi ngani ngarɛsso. Na inye ngalɔkta yɛbhiyɔ oo ngayɛbhiyo?”

Yohanis 14:19

Nɔng anye ale kihon ungge muchugi na zuga marrɛa Tumu sɛgɛn ngaorronynyɛo dhul ko kingi. Na nɔng igge ale orronyu sɛgɛn. Na ko igge ale ɛllo basseyɔ ke ngaya anye kihɛ basseyɔye.

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 4:10

Na nɔng Yesus yagɛsɛ na sɛɛsɛ, “Hunde tag lɔga ɛsɛdhdhana :Tumu na senno kaynɛ zugo hɔlɔng ko ngahirra mɛa ogolliny maye, anda chɔɔ ogoli :inyo na ajjiny maa basseyny.”

Yohanis 6:57

Na damiya bere ekkonɛanyi :Babaa Nanu lɔmma basseya iho dhul na ajjanyi ngabasseytonu, ko nɔng inde am ayuga rɛa nanuye, ale kajjɛ basseya iho dhul.

Yohanis 8:51

A challi, ga shigitɔ! Inde bhɛk lɔga ganyuye ale ko kingi ngani ngarɛsso dhul.”

Zuga Kèkko 17:25

Anna ajjɛa zugo bassey kumulɔng ko hɔngay ko ahaye lɔmmɛye bhoy. Na anna zugo ngaɛanɛayo ke ngaya lɔmɛ aha kumulɔngge.

1 Timotiyos 1:17

Na mɛa Tumu Komoruya dhɔnɛna, ngakorroo iho dhul ko kingi, na ngarɛssao, any kɔdhɔngɛ na kɔtɔlɔ diram kali kali! Amen.

1 Timotiyos 6:16

Nɔng dhɔnɛnɛ anna ngarɛssao dhul ko kingi na bhakka hɔldina bo hɔla chɔɔ hirre dhɔnɛ jaa ngakɔayo. Na chɔɔ hirre dhɔnɛ bere or nɔng oo ale ori, ninggɛ dhul. Na diram ko ɔnney any kete ga gɛnyɛ dhul ko kingi. Amen!