Yohanis 5:23 - Suri Latin

²³ na zugo kumulɔng kayɛ Eriya Nɛnɛ diram ngadamita ajjɛ chɔɔ Chɔgɔnɛye. Na nɔng inde Eriya Tumu diram ngaajjɛoye, ko nɔng Baba Tumu, hira bere ekkono Eriya Nɛnɛ, ngahirronu diram ngaajjɛo.

Yohanis 5:23 ပူးပေါင်းရင်းမြစ်များ

Matiyos 10:37

“Nɔng inde ibhɛsɛn chɔgɔnɛ oo jɔnɛ hini na jorrono bhɛa ibhbhagɛanyi anyeye, bhee anɛ hira kɔbhbhanyi anye ninggɛ. Na inde ibhɛsɛn liya nɛnɛ oo sedhdheya nɛnɛ hini na jorrono bhɛa ibhbhagɛanyi anyeye, ko nɔng bhee anɛ hira kɔbhbhanyi anye ninggɛ.

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Matiyos 12:21

Na bhorinya kumulɔng ale iddirnɛnɛ sara gɛnyɛ.”

Matiyos 15:8

“‘Ngazukta eterrisananyɛ tugichinne sɔng, na taɛ lɔga ganyu na hinisi dhere ngaibhbhaganyɛo.

Matiyos 28:19

Na mɛa ago madhtɛsɛ bhorinya kumulɔng lɔga ganyu na kete zuga kɔbhbhanyɛa. Na churu sara Babaa na Tumu ko gaa Eriya Nɛnɛ ko gaa Kuloya Nɛnɛ,

Yohanis 14:1

Na Yesus koo sɛɛsɛ zuga kɔbhbhɛa nɔng, “Ngaajjɛo hinisi ke gɛrsi na shurnɛno, yɛbhɛ Tumu na ko anye yɛbhtanyuyɔ!

Yohanis 16:14

Na ale shikkana lɔga ganyu na yokkogung igge. Na hunde me ngangaye, ajjany diram.

Yohanis 17:10

Yɔk zuga kɔlɔmi :anyo kumulɔng ko yɔk agga gunyu. Na ko yɔk ga lɔmi :inyo kumulɔng agga ganyu. Na chɔɔ lɔga messɛa :yɔkku dhugunɛsɛnɛ zugo dirama nanu.

2 Timotiyos 1:12

Yɔk ngalɔkta a gee mɛa kɔchɔllanɛnɛ :anyo gooreye. Na nɔng ko hunde kète nganda kɔchɔllanɛn ngangaye, anye liya ngaamɛanynyo dhul, ke ngaya kaggaɛ hira kɛyɛbhiye. Na chɔɔ lɔga ganyu bere kɛyɛbhɛsɛni nɔng, hunde bhɛk ko bhee ale wokkonɛ :nɛaye, anye kagga shɛɛ.

2 Betiros 1:1

Ngadadabta kɔgɔdhan :anyo Simon Betirosi, hira kagayi Yesus Kirisos, bere bɛrrananyi :nɛa na ekonyi. Na kɔgɔdhdhagung igge, ngazukta bɔɔ ngani yɛbhbhano Yesus Kirisos damiya bere nayoye. Nɔng Yesus Kirisos Komoruya na Ibbayseiy agge, anna ridhing ningginɛna. Na aynde bere ajjɛiy bhɛa kɛ̀yɛbhɛa nɔngge.

2 Betiros 3:18

Na igge mɛdhta na iriytɛ lɔga bere ɛdhɛttanɛiy :Komoruya na Ibbayseiy agge Yesus Kirisosi, ko lɔga gayɛo nɔng. Na mɛa diram any kete na nɛnɛ, na kɔtɔlɔ dhul ko kingi, Amen.

1 Yohanis 2:23

Yɔk zukte imaggɛ Eriya Tumu tɔllɔngge kumulɔng, bhee ɛlɛ ko Baba Na Tumu kari ke dhɔnɛ ninggɛ. Na yɔk gee yɛbhbhɛ Eriya Nɛnɛye ɛl ko Baba Na Tumu kari ke dhɔnɛ.

2 Yohanis 1:9

Yɔk zukte sɛchchɛ lɔga Yesusi na tɔrɛ ga sabbiya gɛ na lɔga bere madhinɛnɛa :nɛa ngamessɛo na mɛdhdhanɛoye kumulɔng, bhee ɛlɛ ko Tumu kari ke dhɔnɛ ninggɛ. Na yɔk gee ngani messɛ lɔga gɛnyɛ na mɛdhdhanɛye, ɛl ko Baba Na Tumu ko Eriya Nɛnɛ Yesus kari ke dhɔnɛ.