Yohanis 5:22 - Suri Latin

²² Nɔng mɛa Baba Tumu lɔga zugony ngakedhdho. Buyna kedhdhɛa lɔgɔ kumulɔng annaa bere aynɛa Eriya Nɛnɛ

Yohanis 5:22 ပူးပေါင်းရင်းမြစ်များ

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Matiyos 16:27

Anye bhee kesenɛ ngangaye, a ngaya Hiri Hoynɛ ale lɔmmanɛ dirama Babaa nɛnɛ na dhɛanɛ ko zuga ekko :nɛa, na ɛdhdhɛttanɛ zugo bhiy bhiy damite lɔkte bere messɛ :yɔkkuye.

Matiyos 28:18

Na nɔng ko gɔrre nɛye, na sɛɛsɛ, “Buyna kɔlɔmɛi zugo ko aha kumulɔng, tumɔ ko bay bere kàyanyɔ anye.

Yohanis 17:2

ke ngaya bere ajjɛ buyna allinɛnɛa zugo kumulɔng na ko nɔng kibha basseya iho dhul na kaynɛ zuga bere ibhbhani :inyo na ajjɛi nɔng kumulɔngge.

Yohanis 3:35

Nɔng Baba Tumu ibhɛsɛn Eriya Nɛnɛ hini na aynde bere ibhbhanɛ lɔgɔ kumulɔng na ajjɛ nɔng na mɛa lɔmɛ siya nɛnɛye.

Yohanis 5:27

Na chɔɔ annaa bere aynɛa buyna kedhdhɛa lɔga zugony ke ngaya anɛ Hiri Hoynɛye.

Yohanis 9:39

Na Yesus sɛɛsɛ, “Anye huna bere kuguni ba ngaya, bere kuguni na kègen lɔga zugony kumulɔng na ga kawarɛ chaga kargi bho, na gee orrɛ bhoye kawarɛ kidhitɛyɔ.”

Zuga Kèkko 10:42

Nɔng anna bere ayiyɔ lɔgɔ na kàmadhtɛsɛo zugo kamannaa nɛnɛ. Na kòyoktɛsɛo zugo hunde Tumu bere bɛrrana Yesus na kete hira kedhdho lɔga zuga rɛssɛa ko ga zuga ɛlla basseyɔ kariye.

Zuga Kèkko 17:31

Nɔng anna lagunya bharraa unga ale kedhdhɛa lɔga zugony kumulɔng. Na ale ngakoleonu hira bere bɛrrana ꞉nɛa ken lɔgɔ dib. Yɔk ngalɔkta hunde a dhereye, annaa dhɔlɛsɛa zugo kumulɔng huna ibbaniseonɛa ngahirra bere bɛrranaye rɛsɛyɔ.”

2 Timotiyos 4:1

Na mɛa lɔkte kɔdhɔttaginy bhɛa kɛ̀lɛa ko Tumu ko Yesus Kirisos, hira ale kedhdho lɔga zuga ngani ɛlla basseyɔ ko ga zuga bere rɛssɛa, na lɔmma zugo hunde ale wokkonoye a ɛnɛnggeo,