Yohanis 3:35 - Suri Latin

³⁵ Nɔng Baba Tumu ibhɛsɛn Eriya Nɛnɛ hini na aynde bere ibhbhanɛ lɔgɔ kumulɔng na ajjɛ nɔng na mɛa lɔmɛ siya nɛnɛye.

Yohanis 3:35 ပူးပေါင်းရင်းမြစ်များ

Lɔgɔ Sabba 41:44

Na komoru sɛɛsɛ Yoseb, “Anye ko hunde kète komoru bhɛa ngazukta Gibsiye, inye hunde ngani seyaoye, hirre chɔɔ dhɔngngana siyɔ oo buchchono jagari ninggɛ.”

Lɔgɔ Sabba 41:55

Na hunaa hozzo Gibsigiye mɛdhaye, zugo turtɛsɛ komoruya Gibsi na kaynɛ amissɛ. Na koo komoru sɛɛsɛ, “Ago bhɛa Yosebi na mesigi lɔkte yokkogung :nɛaye.”

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Matiyos 17:5

Na nɔng hunde chinyi ngani yokkono lɔgɔye, idhoa bo hɔla ko na chɛbu yɔk. Na idhogiye toye shigi lɔkte sennɛ, “Erite nan ajjany hini hɔldin kibhɛsɛn hiniye, a nganda. Shigi nɔng!”

Matiyos 28:18

Na nɔng ko gɔrre nɛye, na sɛɛsɛ, “Buyna kɔlɔmɛi zugo ko aha kumulɔng, tumɔ ko bay bere kàyanyɔ anye.

Matiyos 3:17

Na Tumu yogo lɔgɔ surr tumɔ na seu, “Erite nan ajjany hini hɔldin kibhɛsɛn hiniye, a nganda.”

Yohanis 13:3

Na Yesus nɔng hunde a hira ajjɛa :Babaa nɛnɛ buyna lɔkkuny kumulɔng na kunno bhɛa Babaa nɛnɛ na ale wokko sɛgɛnde, dha bere gayɔ.

Yohanis 15:9

“Na damiya bere ibhbhagɛanyi :Babaa nanu hini, ko anye annaa bere kibhagungngɔ hini. Na mɛa kìbhtɛ hinisi na kɛ̀tɛldi kari ke dhɔnɛ.

Yohanis 17:2

ke ngaya bere ajjɛ buyna allinɛnɛa zugo kumulɔng na ko nɔng kibha basseya iho dhul na kaynɛ zuga bere ibhbhani :inyo na ajjɛi nɔng kumulɔngge.

Yohanis 17:23

Nɔng ngaya kesenɛ ngangaye, a bhɛa kenɛi anye kɛllo ko yɔk na kanno dhɔnɛ na inye kɛ̀l ko anye na kan dhɔnɛ. Na mɛa aynɛ yɔk bhɛa anɛa dhɔnɛ dhul na zuga marrinyɛa kataga hunde bere ekkonony :inyo na chɔɔ ibhɛsɛn zuga kɔbhbhanyɛa anye hini damiya bere ibhbhagɛanyi anyeye.

Yohanis 17:26

Nɔng anye annaa bere kudhugunɛsɛu yɔk lɔga gunyu na chɔɔ ale ngani kudhugunɛsɛn dirr, na ko yɔk kibhtɛsɛ zugo hinisi ngadamita ibhbhagɛany anyeye. Na kɛ̀tɛldo ko yɔk kari na kèteo dhɔnɛ.”

Yohanis 5:20

Nɔng Baba Tumu ibhɛsɛn Eriya Nɛnɛ hini na dhɔlɛsɛn lɔga messo kumulɔng. Na chɔɔ ale dhɔlɛsɛn lɔga bo jorronɛa ngalɔkta na iwachinɛnoyɔ.

Yohanis 5:22

Nɔng mɛa Baba Tumu lɔga zugony ngakedhdho. Buyna kedhdhɛa lɔgɔ kumulɔng annaa bere aynɛa Eriya Nɛnɛ