Yohanis 3:32 - Suri Latin

³² Nɔng yokkono lɔga orrono kawarre ko ga shikkana nyabha na yɔk zukte hinnɛ lɔga gɛnyɛ ninggɛ.

Yohanis 3:32 ပူးပေါင်းရင်းမြစ်များ

Matiyos 7:8

Anye bhee kesennagɛung ngangaye, a ngaya gee ogollɛ nɔng kumulɔngge, ale kàjjɛ lɔkte ogollɛye. Na gee lamiɛ lɔga hinnɛa bhɛa nɛnɛye, ale jɔanɛye. Na ko yɔk gee elɛɛye, ale kòssɛn tutukte.

Yohanis 1:11

Nɔng bere kunno na assana zuga gɛnyɛ bere bhɛllana, na yɔk ngani kalambaayo.

Yohanis 15:15

Na igge kalda wurtɔ anye gaymanya ngani ngakeleungo ke ngaya gaymay lɔga messo :gulsaa nɛnɛ imagɛye. Na mɛa anye keleung dehunyɛa ganyu ke ngaya wa kudhugunnogɛung lɔga bɔɔ kishikkani bhɛa Babaa nanu kumulɔngge.

Yohanis 18:37

Na nɔng Bhilatos sɛɛsɛ, “Yee! Noo, dhaa ani Komoru!” Na nɔng yagɛsɛ na sɛɛsɛ, “Ee! Nɔng ngaya sennagɛany Komoruye, seni shɛɛ chi. Nɔng anye bhee bere kìrrittonɛany na kugunɛ baye, kèe kɔ̀ɔbhɛsɛ zugo kumulɔng lɔga ku dhere. Na gee hinnɛ lɔga ku dhereye kumulɔng, lɔga koyokkoni :anyo shikkɛyɔ.”

Yohanis 3:11

A challi. Ga shiktɔ! Lɔga kaggao :aggeu, a gee koyogɛsɛno zugoye. Na ga korrono kawarre, a gee kɔɔbhɛsɛno zugo dibte. Na yɔk lɔga korrono :aggeu kawarre, igge ngahinnoo.

Yohanis 3:26

Na zuga kɔbhbhɛa Yohanis hoya na assa nɔng na seyɛsɛ, “Hira Madhdhiye, hira bere ɛllo Yordanosɔ tandɔ kari na inye kɔbhbhagiy lɔga gɛnyɛ, ko nɔng mɛa a ngandonu chur zugo na zugo kumulɔng hɛ bhɛa nɛnɛye.”

Yohanis 3:33

Na hunde hir kona tɛhɛnu ngalɔkta yokkono :ngahirra kun tumɔye, ngangaye dhugunnono bhɛa Tumu anɛa dhere dib.

Yohanis 5:20

Nɔng Baba Tumu ibhɛsɛn Eriya Nɛnɛ hini na dhɔlɛsɛn lɔga messo kumulɔng. Na chɔɔ ale dhɔlɛsɛn lɔga bo jorronɛa ngalɔkta na iwachinɛnoyɔ.

Yohanis 8:26

Yɔk lɔkte kɔlɔmi :anyo na keni kòyogogung na kùjjugayɛungge a mɛri. Na nɔng hira bere ekkononyi a hira yokkono lɔga ku dhere. Na lɔga bere kishikkani bhɛa nɛnɛ, anye mɛa koyogɛsɛn zuga bhakkɛa ba kumulɔng.”