Yohanis 3:29 - Suri Latin

²⁹ Chɔɔ ga kɛ̀lɛhɛnagung lɔga wololo. Kolea wololo ɛnaa tɛriyny a :roriyɔ. Na bàra dori kùduriyɛa i kɔk na chirar lɔga yogɛsɛna :roriyɔ. Na hunde shikte, dɛl na hini a hɔli. Na mɛa ngadamita dɛlɛ :barte, ko anye bhɛa Kirisosi hini hɔllany goore.

Yohanis 3:29 ပူးပေါင်းရင်းမြစ်များ

Matiyos 22:2

“Yɔk lɔga lɔmɛa :Komoruya tumony zugo hɛt ko lɔkte dha bere me :komoruyte duri eriya nɛnɛ wololoye.

Matiyos 25:1

“Nɔng ale ngakoleonu lɔga lɔmɛa :Komoruya tumony zugo, hɛt ko lɔkte dha bere messɛ :sedhdhee ku tɔmmɔn terinyɛ gochin na bhonsɛ bhɔ na kɔmɔyɔ rorite duri wololoye.

Matiyos 9:15

Na nɔng yagɛsɛ na sɛɛsɛ, “Ngangaye karuy hunde duriye, anda rɔra ɛlla kari munyussɛyɔ? Ngamunyussɛyo. Nɔng kolea kɛ̀hɛyɛa karuy na ko yɔk kari ngaɛlɛayo, ale andanayɔ. Na ngakoleonu yɔk ale chibɛ rɛhi hunynɛn.”

Yohanis 15:11

Nɔng bhee koyokkogɛung ngalɔktaye, a ngaya keni hinisiya gu keteyɛ hɔli goore hunde nande na chɔɔ keteyɛ hɔli goore dhogoniye.

Yohanis 16:24

Nɔng ko mɛa toye lɔk gena sara ganyu ngani ogolotto. Na mɛa ogoloyɛ! Nɔng ale ajjung na dɛllo na hinisi hɔllung goore.

Yohanis 17:13

“Nɔng mɛa anye kani nganda keni kòk na kàssainy inyeye. Na nɔng bhee koyokkogɛiny ngalɔkta hunde ngani kihi bay gɔrraye, a ngaya keni ngazukta ganyde keteɛ ga bo hinisi hɔla hunde nande.

Yohanis 3:30

Nɔng maya jorronony anye na a bu. Na anye bhɛa nɛnɛ maya kani chinyi.

1 Yohanis 1:4

Na bhee kɔ̀gɔdhdhagɛung ngalɔktaye, a ngaya kenno hinisiya ga keteyɛ hɔli goore dhogoniye.

2 Yohanis 1:12

Nɔng anye lɔga keni kɔ̀gɔdhagungɔ ga bo mɛra ngani ɛllɛ. Na nɔng mɛa dadabɔ ngakɔgɔdhdhagungo. Bhee ngakɔgɔdhdhagɛungoye, a ngaya kɔlɔmɛ lɔgɔ hinisɔ na keni kàssayɛung na kɛ̀mɛzziyɛ nigite na hinisiya ga keteyɛ hɔli gooreye.