Yohanis 3:16 - Suri Latin

¹⁶ “Nɔng Tumu annaa bere ibhɛsɛa zugo kumulɔng hini goore na chɔɔ ibhaa Eriya Nɛnɛ dhɔnɛna na aynɛa. Na gee yɛbhbhɛ Eriya Nɛnɛye kumulɔng ale kɔjɔya basseya iho dhul na ngagarsɛ.

Yohanis 3:16 ပူးပေါင်းရင်းမြစ်များ

Lɔgɔ Sabba 22:12

Na sɛɛsɛ ꞉hira kèkko, “Ɔdda! Ngame eri hun kona! Bhɛa anɛi hira ɛngɛrsi Tumu wa katagga ke ngaya eriya nunu dhɔnɛna ngani ushubhbhɛanyoye.”

Lɔgɔ Sabba 22:2

Na sɛɛsɛ ꞉Tumu, “Ga dhuma ngaerita nun ku dhɔnɛ yeli goore kèe Isakte na dhigan baa Moriya. Na ngonu ale kɔdhɔllaginy kutul kona na ibha nɔng na uddulogony anye.”

Matiyos 9:13

Na mɛa igge ga ago maraga lɔga sennɛa, ‘Anye bhɛa zuga uddullogonynyɛa go, goore kihini ga chirbhisiyɛa zugo,’ na taga bhɛa ku hologun. Nɔng anye huna bere kuguni, bere keni kàlamma zuga lɔmmɛa ridhing. Bhee bere kugunɛ na kàlammay zuga ridhing ningginɛna ngayo.”

Markos 12:6

Nɔng dha bere bhɛa zuga ekko :nɛa hira ngani kekkao dhɔnɛ dhɔynɛyɔ. Nɔng ngandonu dha bere a eriya nɛnɛ ibhɛsɛna hini. Na koo wurtɔ ɛsɛdhu lɔgɔ na seu, ‘Ale eriya nanu ɛngɛrsɛyɔ.’ Na ibha na egu.

Yohanis 1:14

Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 1:18

Chɔɔ hirre dhɔnɛ bere or Tumu, ninggɛ dhul. Na nɔng eriya nɛnɛ dhɔnɛna ibhinɛna ko nɔng hinisi annaa bere dhugunogiyɔ agge hunde Tumu a hirre ku ɛnɛngge na kàtakta.

Yohanis 1:29

Na bhorre Yohanis aru Yesus hunde kun bhɛà nɛnɛye, na seu, “Ga gɔnyigiyɛ! Mɛdɛra Tumu senno kotonyo ridhinga zuga bhakkɛa ba kumulɔng, a nganda.

Yohanis 10:28

Na kajjɛ basseya iho dhul na ngagarsɛ. Na chɔɔ inde ale mayichchonony bhɛa ɛlɛa siya nanu, ninggɛ dhul.

Yohanis 3:15

na zukte yɛbhbhɛ nɔngge kumulɔng ale kɔjɔya basseya iho dhul.

Yohanis 3:18

Na hirre yɛbh eriya nɛnɛye nɔng ngakujjukkanao. Na nɔng inde ngayɛbhbhoye bere kùjjuktaa, ke ngaya eriya Tumu dhɔnɛna ngani kɛyɛbhɛoye.

Yohanis 3:36

Na hirre yɛbh Eriya nɛnɛye, lɔ basseya iho dhul. Nɔng inde Eriya nɛnɛ ngayɛbhbhoye, bassey ngajɔanao ke ngaya ngani lɔmɛɛn :Tumu lɔgɔye.”

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

2 Tɛsɛlongke 2:16

Nɔng Komoruya na Yesus Kirisos sabbaa nɛnɛ ko Baba Tumu na bere yelliy na chirbhisiey na irishshey kali kali na kɛ̀yɛbhɛ lɔga ale kɔ̀jɔanɛa basseya iho dhul ko kingi,

Tito 3:4

Na nɔng Tumu, Komoruya na bere Ibbayseiy agge, annaa bere dhugunogiyɔ chaldina nɛnɛ ko bhɛa yellɛiy agge na ibbayseiyɔ. Na ngaya ibbaysiyɛiyte, bhɛa bere kèmesɛa lɔga challa ridhing ningginɛna ngayo. Bere ibbayseiy ke ngaya chirbhisiyɛiy :nɛaye. Na ridhinga bere kɔlɔmma :aggeu annaa tonyoiyɔ :Kuloya Nɛnɛ na agge kɛ̀tɛhɛtta ko zuga ngani kùhudhukkoniy na kɔ̀tɔlɔmba basseya ngani chaga.

1 Yohanis 3:1

Ga gɔnyigi ngaya ibhbhagɛiy :Babaa Na hini na yellɛiy goore na ojjiy na kèliyey erroa Tumuye! Nɔng ngadamita bere ojjɛiy :nɛaye, agge kan erroa gɛnyɛ dhere! Na nɔng bhee imaggɛiyɛ :zuga marrɛa Tumuye, a ngaya imagɛ Baba Na Tumuye.

1 Yohanis 4:19

Nɔng Tumu annaa bere ibhagiyɔ hini sabbɔ, na aynde mɛa ko agge kìbhɛsɛn nɔng ko zugo hinisiye.