Yohanis 3:15 - Suri Latin

¹⁵ na zukte yɛbhbhɛ nɔngge kumulɔng ale kɔjɔya basseya iho dhul.

Yohanis 3:15 ပူးပေါင်းရင်းမြစ်များ

Matiyos 18:10

“Na mɛa ga kìbbayunggɔ! Ngagiya chichi chichiye kona ngabhasso, ke ngaya zuga ekko :Tumu ɛlla tumɔ bhɛkkɛa yɔk kali kali itinynyanɛnɛ ko Baba nanu iho tumɔye.

Matiyos 25:46

Na ngazukta gɛrɛ ku ngangaye yɔk ale hɛ bhɛa attiya iho dhul ko kingi. Na yɔk ga ridhing ningginɛna ale hɛ bhɛa basseya iho dhul.”

Markos 16:16

Nɔng inde yɛbh ngakamannaya na kùchurte, ale bassɔ. Na nɔng inde ngayɛbhbhoye ale kùjjukkanayɔ.

Yohanis 1:12

Na yɔk ga bere lammanɛa na yɛbhbhɛa nɔng, annaa aynɛa bhɛa anɛa erroa Tumu.

Yohanis 16:33

Na ngaya koyokkogɛung ngalɔktaye keni tɔlɔmɔ zany na tɛldi ke na bo challa ke ngaya yɛbhbhɛanyu anyeye. Nɔng hunde ngani bhakko ba ngayaye, ale chɔllanɛno goore. Na chɔyɛsɛ hinisi bɛna na te dhandali! Nɔng anye wa kɔmɔgga barartina bany kumulɔng.”

Yohanis 20:31

Na yɔk ngalɔkta bere kɔ̀gɔdhdhɛsɛn ngadadabta toyeye, agga bere kɔ̀gɔdhdhɛsɛna na kènno yɛbhtɛ :iggeu bhɛa Yesus anɛa Kirisos ko bhɛa anɛa Eriya Tumu. Na hunde yɛbhbho nɔngge, aynde jɔanɛo basseya iho dhulde.

Yohanis 3:16

“Nɔng Tumu annaa bere ibhɛsɛa zugo kumulɔng hini goore na chɔɔ ibhaa Eriya Nɛnɛ dhɔnɛna na aynɛa. Na gee yɛbhbhɛ Eriya Nɛnɛye kumulɔng ale kɔjɔya basseya iho dhul na ngagarsɛ.

Yohanis 3:36

Na hirre yɛbh Eriya nɛnɛye, lɔ basseya iho dhul. Nɔng inde Eriya nɛnɛ ngayɛbhbhoye, bassey ngajɔanao ke ngaya ngani lɔmɛɛn :Tumu lɔgɔye.”

Yohanis 5:24

“A challi, ga shigitɔ! Inde shik lɔga ganyu na yɛbh hira bere ekkononyiye, ngangaye, tɔlɔmu basseya iho dhul na jaru rɛsɛ na ogo bhɛa basseyny na ale ngani ngakujjukkanao.

Yohanis 6:27

Na mɛa igge zinggoa jɔanɛo amissɛa ale mujjusso na garsa ngamesso. Mesigi zinggoa jɔanɛo amissɛa lɔmma basseya iho dhul ale ɛdhdhɛttannɛungu :Hiriyɔ Hoynɛ. Nɔng a hira bere sennana :Babaa Nɛnɛ Tumu na ajjɛa buyn bhɛa ngalɔkta.”

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

Yohanis 6:47

Na mɛa ga shigi shɛɛ! Inde yɛbhbhany anyeye nɔng lɔ basseya iho dhul.

Zuga Kèkko 13:41

“ ‘Ngazukta bhasso lɔgɔye, ga shigitɔ na iwachi na garayɛ! Anye ale ngabɛrguya nuye kemesi lɔga bu dhandala hunde chɔɔ koyogogung ꞉hir konnɔ, ngayɛbhbhoo.’”

Zuga Kèkko 8:36

Na hunaa ngani hɛaye, dakta bhee lɔ ma. Na gulsa seu, “Yɔk ma a ngagiya ni. Na hunde kùchurrɛ, ahite kanyɛanyi ihe?”

1 Yohanis 2:25

Na hunde kɛ̀l kari ke dhɔnɛye, kɔ̀lɔ basseya iho dhul bere bhiikkagiy :Kirisosi.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.