Yohanis 21:17 - Suri Latin

¹⁷ Na koo tɔrɛ ke jagarɛ kɛngi sizzi na ghinu sɛgɛn na sɛɛsɛ, “Eriya Yona Simone, ngangaye ibhbhagany hini chi dha?” Na nɔng Betiros munyuu ke ngaya kìghinɛ jagarɛ kɛngi sizzi na kèsenɛsɛn, “Ngangaye ibhbhagany hini chi dhaye?” Na yagɛsɛ na sɛɛsɛ, “Komorue, inye ani na gai lɔgɔ kumulɔng na chɔɔ hunde kibhbhaginy hiniye, gayɔ.” Na sɛɛsɛ :Yesusi, “Ee, hunde a ngangaye, iwo mɛdɛrniya ganyu na bhɛk shɛɛ ni!

Yohanis 21:17 ပူးပေါင်းရင်းမြစ်များ

Matiyos 25:40

“Na nɔng Komoru ale yagɛsɛn na senɛsɛn, ‘Ga shigitɔ! Nɔng igge huna bere mesɛsɛno ngazukta chichi ku gochonginya ko ngɔnanyaa ganyuye ngalɔkta ɛanɛo zugoye, ngangaye ngalɔktonu messogonyu anye rɛ.’

Markos 14:72

Na nɔng hunde chinyi ngani yokkono lɔgɔ ngangaye, kobiya ku sabba rɔgu ke tiri sɛgɛn. Na nɔng kadha lɔgaa yogɛsɛna :Yesusi na senɛsɛna, “Inye koo hunde kobiya ku sabba kɛngi ramman ngani kɔrɔkkoye, imaggany jagarɛ kɛngi sizzi.” Na turu sak sak.

Yohanis 12:8

Yɔk bhoyoga ɛllo ko igge kari tii. Nɔng anye ko igge kari tii ngakɛllo.”

Yohanis 13:38

Na Yesus yagɛsɛ na sɛɛsɛ, “Inye seni errɛany anye dhere? A challi. Ga shiktɔ! Nɔng inye hunde kobiya ku sabba ngani kɔrɔkkoye, koo imaggany jagarɛ kɛngi sizzi.”

Yohanis 14:15

“Hunde ibhtaganyu anye hinisi dhere, anda bhɛkko lɔga kajjungu :anyo.

Yohanis 15:10

Nɔng hunde mesigi lɔga kajjungu :anyo, anda kɛ̀l kari na kibhbhagung hini ngadamita bere ko anye kemesɛ lɔga ajjanyi :Babaa Nanu na ko mɛa toye ngani ibhbhagɛany hiniye.

Yohanis 16:30

Na mɛa wa katakto hunde inye dhaa ani hira gai lɔgɔ kumulɔng, na chɔɔ bhee ghinnɛinynyɛ :zugu lɔga lɔmmɛa hinisichinne ninggɛye. Na ngaya gaɛ lɔgɔ ngangaye, wa dhugunogiyɔ bhɛa bere kunɛi bhɛa Tumu na kɛyɛbhto.”

Yohanis 18:27

Na Betiros timagu sɛgɛn na kobiya ku sabba rɔgu ke tiri.

Yohanis 18:4

Na nɔng Yesus tagu hunde anda ale ngazuktonu nɔng messɛ ɛnɛngge, na ogu na ghinu na sɛɛsɛ, “Lameo nɛng?”

Yohanis 21:18

A challi, mɛa ga shigonydɔ! Nɔng inye huna bere ngani dhakkani ngo, ruminyaa gunyu rɛ annaa bere chibɛsɛni :ɛna na chɔɔ kɔi gɔrre hiniye. Na nɔng hunde ale teu hiriye, bhanyi sɛnɔ na ruminya chibbaginy :hiriyɔ tɔllɔng na chɔɔ dhiganniny gɔrre ngahinioye.”

Yohanis 4:16

Na sɛɛsɛ :Yesusi, “Ga ok, eli hira nunu na dhiyayɔ.”

Zuga Kèkko 1:24

Na alliyɛ ko Tumu na se, “Komorue, inye ani na gayi lɔga ɛsɛdhdhɛa ꞉zugu hinisichinne kumulɔng. Na mɛa bhɛa ngazukta ku rammande, ga dhɔlagiy inde bɛrran ꞉inyo na seni kɛsɛrɛ bhɛa Yihudha na keme lɔga gunyu bortɔ dhɔtta huna kɔa bhɛa bɔɔ hinno na rɛsaye.”

Zuga Kèkko 11:10

Na kòyoktogony ngalɔkta jagarɛ kɛngi sizzi, na ngagalitonu kàyaga tumɔ sɛgɛn.

Zuga Kèkko 15:8

Na Tumu, Komoruya gaa zugo hinisi, dhɔlɛsɛ bhɛa hinɛa yɔk na aynɛ Kuloya nɛnɛ damiya bere ajjɛiy agge.

2 Betiros 3:1

Ngazukta gany kibhbhagung hiniye, ngadadabta kɔgɔdhdhagung :anyoye, mɛa te jagarɛ kɛngi ramman. Na bhɛa anɛa ramman kɔgɔdhdhagung ke bhɛa keni kɛ̀bhɛsiyɛung sabbi na hinisiya gu kɛsɛdhɛ lɔga bere kàmadhdhagungu sabbɔ.