Yohanis 21:15 - Suri Latin

¹⁵ Na yɔk hunaa ussa tila na tewa ushaye, nɔng Yesus ghinu Simon Betiros na sɛɛsɛ, “Eriya Yona Simone, ngangaye ibhbhagany hini goore na chɔɔ ngalaluguya jorrondɔ?” Na nɔng yagɛsɛ na sɛɛsɛ, “Mmm! Komoru, anye hunde kibhbhaginy hini gooreye, inye gayɔ.” Na sɛɛsɛ :Yesusi, “Ee, hunde a ngangaye, bhɛk mɛninyaa ganyu na iwo shɛɛ ni!”

Yohanis 21:15 ပူးပေါင်းရင်းမြစ်များ

Lɔgɔ Sabba 33:13

Na Yaykob nɔng sɛɛsɛ, “Gulsae, inye gayɔ hunde erro a tɔlgɔnyiye. Chɔɔ ngabea ko ngamɛdɛrnita ku lamalaye ko yɔk maya kɛbhɛgiyɔ. Hunde ngakalda kizigɛ kali bhɛa bo tiiye, rɛsɛyɔ.

Matiyos 10:37

“Nɔng inde ibhɛsɛn chɔgɔnɛ oo jɔnɛ hini na jorrono bhɛa ibhbhagɛanyi anyeye, bhee anɛ hira kɔbhbhanyi anye ninggɛ. Na inde ibhɛsɛn liya nɛnɛ oo sedhdheya nɛnɛ hini na jorrono bhɛa ibhbhagɛanyi anyeye, ko nɔng bhee anɛ hira kɔbhbhanyi anye ninggɛ.

Matiyos 16:17

Na sɛɛsɛ :Yesusi, “Eriya Yona Simon, inye ani tuhinɛ, ke ngaya ngalɔkta anɛ ga dhugunnogɛinyi :Babaa nanu iho tumɔye. Na ayuk ko nyawa ngani kudhugundoginyo.

Matiyos 18:10

“Na mɛa ga kìbbayunggɔ! Ngagiya chichi chichiye kona ngabhasso, ke ngaya zuga ekko :Tumu ɛlla tumɔ bhɛkkɛa yɔk kali kali itinynyanɛnɛ ko Baba nanu iho tumɔye.

Matiyos 26:33

Na sɛɛsɛ :Betirosi, “Chɔɔ yɔk kumulɔng hunde kɔdhɔttiny na kabhasayɛ ke ngaya orɛ lɔga dokkoni :inyoye, nɔng anye ngakɔdhɔttinyo dhul.”

Matiyos 26:35

Na nɔng Betiros kalda yogɛsɛ Yesus lɔgɔ ke dhandali na sɛɛsɛ, “Chɔɔ ko hunde kàdaga lɔkte bu dhandali kɛ̀rɛsɛ ko inye kari, anye ngakimagginyo dhul.” Na zugaa kɔbhbhɛa Yesus ku gena, ko yɔk kɔbhɔ tuga Betirosi na se nganga kumulɔng.

Markos 14:29

Na nɔng Betiros sɛɛsɛ, “Chɔɔ ko hunde kɔdhɔttiny kumulɔng, nɔng anye ngakɔdhɔttinyo dhul.”

Yohanis 1:42

Na koo dhiganu Simon chɔɔ bhɛa ihɛa :Yesusi. Na Yesus gɔnyu Simon na sɛɛsɛ, “Inye ani eriya Yona kènninyi Simon. Na ngakalda wurtɔ sara gunyu keli Keba.” (Tuga Giriki “Keba” a bhɛa kènɛa “Betiros.”)

Yohanis 13:37

Na Betiros sɛɛsɛ, “Komoru, bhee mɛa ngakɔɔbhbhɛinyoye a orɛ? Hunde chɔɔ daga lɔkte rɛsɛny, anye kɛrɛsɛinydɔ.”

Yohanis 16:27

Anye bhee kesenɛ ngangaye, a ngaya Baba nanu ibhbhagung igge hini ke bhɛa bere ibhbhagɛanyu hinisi na yɛbhɛo bhɛa bere kugunɛi bhɛa nɛnɛye.

Yohanis 21:12

Na koo Yesus sɛɛsɛ yɔk, “Hoya usigi tila!” Na bhɛa zuga kɔbhbhɛa nɔng, chɔɔ inde dhɔnɛ bere gissono nɔng na ghin na senɛsɛn, “Ani nɛng?” bere ningginɛna dhul ke ngaya gaɛ nɔng hunde a Komoruye.

Yohanis 21:7

Na yɔk bhɛa zuga kɔbhbhɛa nɔng, hira ibhɛsɛna :Yesusi hini sɛɛsɛ Betiros, “Ngahirronu childe dhaa a Komoru so!” Na Simon Betiros hunaa shikko bhɛa ngahirronu anɛa Komoruye, ibha ruma nɛnɛ bhone dhaa bhurushana sabbɔ ke bhɛaa mesɛa zinggo na dhakkusu na bɔrrɔyɛsɛ yirisi toye na kok kassa Yesus.

Yohanis 8:42

Na sɛɛsɛ :Yesusi, “Hunde Tumu kete Baba nu, anda ibhbhaganyu hinisi, ke ngaya bere kugunɛ bhɛa nɛnɛ na mɛa kihɛ ngayaye. Anye bere ekkononyi :nɛa. Sabbaa nanu ngani kèseayo na kùgoo.

Zuga Kèkko 20:28

Na igge bhɛgɛ rɛhiya gu. Na zuga bere ajjungu ꞉Kuloya Tumu iwo shɛɛ huna bea gu ikɔlnɛna ke ngaya bere udhuyɛ ꞉eriya Tumu nyawa na yakkanɛ ke zuga gɛnyɛye.

Zuga Kèkko 20:29

Nɔng anye kaggayɔ. Ale hunde kɔgɔye, zuga kɛngi gɛrsa zugo ngachirbhisiyɛayo hony huna yoyany na dhushshɛ zuga yɛbhbhɛa Yesus bhɛkko ꞉iggeu.

1 Yohanis 4:19

Nɔng Tumu annaa bere ibhagiyɔ hini sabbɔ, na aynde mɛa ko agge kìbhɛsɛn nɔng ko zugo hinisiye.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.