Yohanis 20:19 - Suri Latin

¹⁹ Na ngakaldonu jhaynɔ yɔk zuga kɔbhbhɛa Yesus bere ɛlla dorigiye kari ke ngaya ɛngɛrsɛ gulsachina Ayhudhiye. Na chɔɔ bere nyugɛsɛnɛa rɛhi dori. Na hunaa ngani ɛlla dorigiye kari ngangaye, Yesus dhula dɛk na chilu kɛrghɛna nɛ na sɛɛsɛ, “Tɔlɔmɔ zany na tɛldi ke na bo challa!”

Yohanis 20:19 ပူးပေါင်းရင်းမြစ်များ

Matiyos 10:13

Na hunde ɛna kɛngɔ te challi na tɔlɔmmung shɛɛye, ayɛ kutu :Tumu na doraa nɛnɛ kɔtɔlɔ chaldinaa issayɛo. Na nɔng hunde kɛngɔ te gɛrsi na shɛɛ ngani ngalɔmmungoye, chaldinaa issayɛo nɔng any kawaga na tɔlɔmɔ :eygo.

Matiyos 18:20

Anye bhee kesennagɛung ngangaye, a ngaya chɔɔ hunde zukte ku ramman oo sizzi kɛtɛldɛ bhee dhɔnɛ ke bhɛa anɛa zuga ganyu, anye kɛlɛo ko yɔk kari ngoonuye.

Markos 16:14

Na koo Yesus dhɔlɛsɛ zuga kɔbhbhɛa nɔng ku 11 rɛ hunde dɔshshɛ bay na aminɛye. Na wologu goore ke ngaya sabbi anɛ dhandali na lɔgaa bansanɛa rɛsɛyɔ yogɛsɛnɛa :zugaa orrɛa nɔng ngayɛbhɛoye.

Yohanis 14:27

Na mɛa anye kɔdhɔttagung zany, na kajjung bhɛa ɛlɛo ko Tumu ke na bo challa hunde nande. Nɔng zanya kajjungu :anyo ko na ajjungɛa :zuga bhakkɛa ba ngaya, ngahɛtto. Na igge ngashurnɛno na ɛngɛrso bho.

Yohanis 16:22

Na ko igge mɛa lɔga gu a nganga. Nɔng mɛa munyussoyɔ. Na nɔng ale kòrnɛ sɛgɛn na dɛllo goore. Na chɔɔ hirre ale kedhdhung hinisi na ajjung munyusey, ninggɛ dhul.

Yohanis 16:33

Na ngaya koyokkogɛung ngalɔktaye keni tɔlɔmɔ zany na tɛldi ke na bo challa ke ngaya yɛbhbhɛanyu anyeye. Nɔng hunde ngani bhakko ba ngayaye, ale chɔllanɛno goore. Na chɔyɛsɛ hinisi bɛna na te dhandali! Nɔng anye wa kɔmɔgga barartina bany kumulɔng.”

Yohanis 20:21

Na koo tɔrɛ sɛgɛn na sɛɛsɛ, “Tɔlɔmɔ zany na tɛldi ke na bo challa! Na mɛa ko anye kekkung damiya bere ekkonɛanyi :Babaa nanu.”

Yohanis 20:26

Na yɔk hunaa tɛlda ungo issabbay na tewa ushaye koo muktɛ dorigiye ko Tomas kari damiya bɔɔ sabbune. Na ngakaldonu, dori bere anna nyuginɛ. Na ko hunde dori kete nyuginɛ nganga, nɔng Yesus koo dhula na chilu kɛrghɛna nɛ na sɛɛsɛ, “Tɔlɔmɔ zany na tɛldi ke na bo challa!”

Yohanis 21:1

Na kali kona Yesus dhɔlɛsɛ zuga kɔbhbhɛa nɔng rɛ sɛgɛn yirisiya kèe Tibirado. Na huna dhɔlɛsɛna yɔk rɛ, bere anna ɛnɛnggeo,

Yohanis 21:14

Nɔng Yesus huna bere bansana rɛsɛyɔ na dhɔlɛsɛna zuga kɔbhbhɛa nɔng rɛ, mɛa hunde kɔ̀tɔrɛ ngandaye, te jagarɛ kɛngi sizzi.

Yohanis 7:13

Na chɔɔ ko hunde kete nganga, hirre bere dhugunnono lɔga gɛnyɛ bhɛa sɛrɔ ɔdhdha bere ningginɛna dhul, ke ngaya ɛngɛrsɛ gulsachina Ayhudhiye.

Zuga Kèkko 1:3

Na nɔng anna bere sabbɔ rɛsayɔ na banaa na koo dhɔlɛsɛ yɔk rɛ kɛngi mɛri ungo zugo ramman na kataga bhɛa ihɛa basseyɔ dhere. Na hunaa dhɔlɛsɛna rɛ na ɛlla kariye, madhɛsɛ bhɛa Tumu lɔmɛa zugo.

2 Tɛsɛlongke 3:16

Komoruya yakkana ba chaldin sabbaa nɛnɛ, tɛldi ko igge kari kumulɔng kali kali. Na any kutuhong na kaung bhɛa bhagɛo ba ko bhɛa messɛo lɔgɔ kumulɔng ke na bo challa.

3 Yohanis 1:14

Kɔlɔmi lɔga keni kɔ̀ggɔnyɛiny ke tiri na ale kɛ̀mɛzzi nigite.