Yohanis 20:17 - Suri Latin

¹⁷ Na sɛɛsɛ :Yesusi, “Ga ngaibhbhonyi ke ngaya mɛa bhɛa Babaa nanu ngani kàbanɛo na kɔ̀gɛoye. Na nɔng mɛa ga ok na yogɛsɛ gochonginyaa ganyu na sɛɛsɛ, ‘Wa seaganyɔ, “Mɛa anye kani nganda kabansi na kɔgɔ bhɛa Babaa nanu ko naa nuye, ko bhɛa Tumu Komoruya nanu ko naa nuye.”’”

Yohanis 20:17 ပူးပေါင်းရင်းမြစ်များ

Matiyos 12:50

ke ngaya inde shik lɔga Babaa nanu iho tumɔ na bhɛkte, anɛ gochonga nanu ko ngɔnaa nanu ko mama nanuye.”

Matiyos 25:40

“Na nɔng Komoru ale yagɛsɛn na senɛsɛn, ‘Ga shigitɔ! Nɔng igge huna bere mesɛsɛno ngazukta chichi ku gochonginya ko ngɔnanyaa ganyuye ngalɔkta ɛanɛo zugoye, ngangaye ngalɔktonu messogonyu anye rɛ.’

Matiyos 28:7

Na igge mɛa ago ke tiri na yoktɛsɛ zuga kɔbhbhɛa nɔng na seyɛsɛ, ‘Nɔng dhaa banaa rɛsɛyɔ na aynde jim Gelilagiyeye. Na aleo orro ngonu.’ Nɔng anye mɛa wa koyogogungɔ.”

Markos 12:26

Chɔɔ lɔga dhugunnogiyɛa bhɛa zugo ale bansanɛa rɛsɛyɔ gena, a lɔga bere kɔdhdhɛsɛna :Muse dadaba nɛnɛ toye. Yɔk ngalɔktonu agga bere kòyogɛsɛna kala bere ihɛa :Tumu kuzubiyɔ toye na kèsenɛsɛna, ‘Anye kani Tumu Komoruya Awurahami ko na Isaki ko na Yaykobi.’ Na igge ngalɔkta bere ngani toyito?

Markos 16:19

Na Komoru Yesus hunaa yogɛsɛa ngalɔkta na tewa ushaye, kàytɛ tumɔ na koo tɛu bay bhɛa Tumu sɛtɛn.

Yohanis 13:1

Na huna bere unga Gibiriya Basika dhɔynɛna dhɔnɛɔ, nɔng Yesus bere ɛlla ko zuga kɔbhbhɛa nɔng kari. Na dha bere nɔng gayɔ hunde kolea senno kɔdhɔyɛ ngabaya na kɔgɛ bhɛa Babaa nɛnɛ i jaaye. Na a bhee bere ibhɛsɛn zuga gɛnyɛ kɔbhbhɛa nɔng bhakkɛa ba hini na yelɛ gooreye.

Yohanis 13:3

Na Yesus nɔng hunde a hira ajjɛa :Babaa nɛnɛ buyna lɔkkuny kumulɔng na kunno bhɛa Babaa nɛnɛ na ale wokko sɛgɛnde, dha bere gayɔ.

Yohanis 14:2

Doraa Babaa nanu hana kàbhakka a mɛri. Yɔk ngalɔkta hunde dhere ngaani, anda bere koyogogungɔ. Na mɛa anye ale kijimi sabbɔ na kojjogung hana bhakko kɔk.

Yohanis 14:28

“Yɔk ngalɔkta wa koyokkogung na kesennagung, ‘Nɔng anye ale kɔgɔ na kowokkon na kassanungge’ annaa shikto. Igge hunde te zuga ibhbhaganyu hinisi dhere, anda ngaya keni kɔ̀gɛ bhɛa Babaa nanuye hinisiya gu a hɔli ke ngaya Baba nanu anɛ na jorrononyi anyeye.

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 16:28

Nɔng anye annaa bere kabansani bhɛa ihɛa Babaa nanu na kuguni chɔɔ ba. Na mɛa ale kɔdhɔyi ba na kowogi bhɛa Babaa nanu sɛgɛn.”

Yohanis 17:11

Nɔng mɛa anye ale kokka na kassainyɔ inye. Bay gɔrra dirr ale ngani ngakihiyo. Na yɔk zuga ganyu ale ngani bhakkɛ ba gɔrra. Na mɛa Baba Nanu Kullɛna Ridhing Ninggɛninyiye, bhɛk yɔk shɛɛ barartina sara gunyu bere ajjanyi anye, na ko yɔk kete dhɔnɛ ngadamita naye.

Yohanis 17:25

“Baba nanu Ridhing Ninggɛninyiye, nɔng inye ko hunde zuga bhakkɛa ba kumulɔng ngagainyɛ, anye kaggainydɔ. Na chɔɔ ko yɔk ngazukta bere ajjanyde, gaɛyɔ hunde bere ekkonony :inyoye.

Yohanis 17:5

Na mɛa Babaye, hunde ngani kɛ̀l kari ngayaye, dhɔngany na any diram damiya bere kɔlɔmɛi sabbɔ huna ba ko tumu ngani kètegenydoayo.

Yohanis 20:27

Na sɛɛsɛ Tomas, “Ga wo gɔny sɛna ganyu na kum hallagiyɔ. Na ga ittono siyɔ na ichɔrɛsɛ kullubhbheni toye bhɛa bɔɔ kɔ̀gɔdhdhanyi. Anye hunde ngani kani basiye mɛa yɛbh hung na ko hini ngadhaginɛno!”

Yohanis 7:33

Na nɔng Yesus sɛɛsɛ zugo, “Anye ale kɛllana ko igge kari bhe chinyi na kɔgɔ bhɛa Tumu, hira bere ekkononyi.

1 Yohanis 3:2

Ngazukta gany kibhbhagung hiniye, agge mɛa kan erroa Tumu. Na nɔng ale kingi hunde kan zukte ku ɛnɛngge, mɛa ngani kìmaktɔ, ke ngaya Tumu ngani kudhugunogɛiytoye. Na nɔng hunde ale Kirisos wokkono baye, ngakoleonu ale kòr na kàggayɔ hunde nɔng a hirre ku ɛnɛng na ko agge kɛ̀hɛt ko nɔngge.