Yohanis 2:11 - Suri Latin

¹¹ Yɔk ngalɔkta barar me :Yesusi ngaɔrra kèe Kana i baa Gelilaye agga bere sabbune. Na hunaa messa ngalɔktaye, dhɔlɛsɛ zugo dirama nɛnɛ na zuga kɔbhbhɛa nɔng yɛbhɛyɛ.

Yohanis 2:11 ပူးပေါင်းရင်းမြစ်များ

Yohanis 1:14

Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 1:17

Nɔng Damiya Tumu annaa bere kàjjɛa Muse na koo ajjiy agge. Na yɔk lɔga Tumu ku dhere ko bhɛa ɛdhdhɛttannɛiy :nɛa annaa dhɔlagiyɔ :Yesus Kirisosi.

Yohanis 1:43

Na bhorre Yesus tɛhɛnu wochin na kok baa Gelila. Na koo itinynyandɛ ko Bhilibhos na sɛɛsɛ, “Ga kɔbhaanydɔ.”

Yohanis 1:50

Na sɛɛsɛ :Yesusi, “Nɔng inye mɛa bhee yɛbhbhɛanyde, a ngaya kesennagɛiny wa korrinyi chamochiyɔ sugumɔye. Na yɔk lɔga jorronɛa ngagiya ale ngani oriyɔ.

Yohanis 10:41

Na zuga bo mɛra hoya na assa nɔng na se, “Nɔng Yohanis lɔkte bu barari annaa ngani kemessao dhul. Na yɔk lɔga ngahirra bere yokkogiy :Yohanisi kumulɔng, dha bere a dhere.”

Yohanis 11:15

Na ngaya bɔɔ ngonu ningginɛnɛanyde, anye mɛa hinisa nanu hɔllany goore ke ngaya ale yɛbhbhɛanyu gooreye. Na mɛa banda kago bhɛa nɛnɛ.”

Yohanis 11:47

Na koo gɔldangɛa bibiyo doraa Tumu barara ko zuga kɔbhbhɛa damiya Bhɛrɛsi mukta gulsachina Ayhudhi kedhdhɛa lɔgɔ na daga go na se, “Ngahirra me lɔga bo bararaye, maya kème ɛnɛng?

Yohanis 12:18

Na zuga bo mɛra hoya na kɔmɔtta nɔng ke ngaya bere shigɛ ngalɔkta bu barar ibbaniseonɛ Alazar rɛsɛyɔye.

Yohanis 12:37

Na chɔɔ zugo ko hunde kargi ngalɔkta bu barar me :Yesusiye kumulɔng, yɔk ngani ngayɛbhbhɛo chi.

Yohanis 12:41

Nɔng Isayas ngaya senɛ ngangaye dha bere a ngaya orɛ dirama Yesusi na yokkonɛ chɔɔ lɔga gɛnyɛye.

Yohanis 14:13

Na lɔkte ogollo bhɛa Tumu sara ganyuye kumulɔng, anye ale kurrugɛsɛn ke ngaya Eriya Tumu kèe kɔdhɔngɛ Chɔgɔnɛ na kɔtɔlɔmɛ dirambe.

Yohanis 16:27

Anye bhee kesenɛ ngangaye, a ngaya Baba nanu ibhbhagung igge hini ke bhɛa bere ibhbhagɛanyu hinisi na yɛbhɛo bhɛa bere kugunɛi bhɛa nɛnɛye.

Yohanis 16:30

Na mɛa wa katakto hunde inye dhaa ani hira gai lɔgɔ kumulɔng, na chɔɔ bhee ghinnɛinynyɛ :zugu lɔga lɔmmɛa hinisichinne ninggɛye. Na ngaya gaɛ lɔgɔ ngangaye, wa dhugunogiyɔ bhɛa bere kunɛi bhɛa Tumu na kɛyɛbhto.”

Yohanis 2:1

Na unga ku sizzi, ɔra kènno Kana iho baa Gelila bere lɔmma wololo. Na mama Yesusi

Yohanis 2:23

Na nɔng huna bere iho Yerusalemɔ kolea Gibiriya Basika, yɔk zuga bo mɛra annaa bere arta lɔga bo barara messo :nɛa na yɛbhta nɔng.

Yohanis 3:2

Na barɔ ogu na assa Yesus na sɛɛsɛ, “Hira Madhdhiy, hunde ani hira ekkoninyi :Tumu na madhdhagiy lɔgɔye, kaggaoyɔ ke ngaya mesɛ ngalɔkta bu bararte. Inde ajjiny bhɛa mesɛi ngalɔktaye a Tumu sɔng. Kona ngayo.”

Yohanis 4:3

Na hunaa Komoru Yesus shikko zuga Bhɛrɛsi hunde sennɛ ngangaye, dhɔyu baa Yudha na wagu baa Gelila.

Yohanis 4:46

Na hunaa ngani iho Gelilagiye ngonuye, koo wagu Kanagiye, ɔra bere bhɔdhɛa ma ke chuttaya woynuny. Nɔng dha bere jaa ngonu lɔ ɔrre kèe Kibirom bhak :gulsa konnɔ. Na dha bere liya nɛnɛ ilaga goore.

Yohanis 4:54

Yɔk ngalɔkta barar bere me :Yesusi huna kunno baa Yudha na kɔa baa Gelilaye, a jagarɛ kɛngi ramman.

Yohanis 5:23

na zugo kumulɔng kayɛ Eriya Nɛnɛ diram ngadamita ajjɛ chɔɔ Chɔgɔnɛye. Na nɔng inde Eriya Tumu diram ngaajjɛoye, ko nɔng Baba Tumu, hira bere ekkono Eriya Nɛnɛ, ngahirronu diram ngaajjɛo.

Yohanis 6:14

Na hunaa zugo orrɛa ngalɔkta bu barar me :Yesusiye, iwachiyɛ na se, “Kèe dhaa nganda a hira bere sennɛa ale kun na yogɛsɛn zugo lɔga dhugunono :Tumu ba kumulɔng dhere chi.”

Yohanis 6:2

Na zuga bo mɛra kɔbhɔ nɔng ke ngaya wa dhaa orɛ lɔga messo :nɛa bu barara bhɛa zuga ilagassɛaye.

Yohanis 6:26

Na nɔng yagɛsɛ na sɛɛsɛ, “A challi, ga shigitɔ! Igge mɛa bhee lamiyɛanyuye a ngaya wa ammeo amissɛ na chasseoye. Ke bhɛaa orɛo lɔga bu barara kemesi :anyo, ngayo.

Yohanis 6:30

Na yɔk ghini na seyɛsɛ, “Na mɛa agge bhɛa kenno kɛ̀yɛbhtɛiny inye, lɔkte bu barari anda dhɔlagiy na korroye a ɔng? Oo anda lɔkte mesiye a ɔng?

Yohanis 7:31

Na bhɛa zuga ɛlla ngonu, ga bo mɛra yɛbhɛ nɔng na se, “Hunde Kirisos ale kunde, anda lɔga bo barara jorronɛa ngalɔkta me :ngahirraye, messɔ? Ngamesso.”

Yohanis 9:16

Na zuga kɔbhbhɛa damiya Bhɛrɛsi gen se, “Ngahirra me ngangaye, hira ekkono :Tumu ngaanno ke ngaya damiya Kala Ayawsuny ngabhɛgɛoye.” Na yɔk gen se, “Na hunde kete hirre me lɔga gɛrsa, anda ngalɔkta bu bararte me ɛnɛng?” Na ɛkkɛnyandɛ na kendɛ kɛngɔ.

1 Yohanis 5:13

Ngazukta yɛbhbho sara Eriya Tumuye, anye bhee kɔgɔdhdhagɛung ngalɔktaye a ngaya kèni taktɛ bhɛa lɔmɛo basseya iho dhulde.