Yohanis 19:6 - Suri Latin

⁶ Na yɔk gɔldangɛa bibiyo doraa Tumu barara ko zuga bhɛkkɛa doraa Tumu hunaa orrɛa Yesuse, yokto lɔgɔ goore na se, “Ilaga! Ilaga so!” Na nɔng Bhilatos sɛɛsɛ, “Hunde hinnoye aytɛ na ilagayɛ. Anye nɔng ngahirra lɔkte gɛrsi bɔɔ ɛddɛ :nɛa na kattiɛ ngani kɔ̀jɔɛsɛo dhul.”

Yohanis 19:6 ပူးပေါင်းရင်းမြစ်များ

Matiyos 26:58

Na nɔng Betiros tɛa wurtɔ ko rɛna na kɔbhbhɛ wurtɔ wurtɔ ko bhee dogɛ tu kɛnga gɔldanga bo doraa Tumu barara. Na koo tunnugu tu kɛngɔ na tɛa bay bhɛa ɛlɛa zuga bhɛginɛna na kar Yesus hunde dha se kemesigi ɛnɛngge.

Matiyos 27:22

Na nɔng ghinu yɔk na sɛɛsɛ, “Na ngahirra kèe Yesus Kirisose, kème ɛnɛng?” Na yɔk kumulɔng yaktɛsɛ na seyɛsɛ, “Nɔng ilaga!”

Matiyos 27:24

Na nɔng Bhilatos aru ngalɔkta gɛye na tagu hunde bhee bhɔdhɛ lɔga ɛsɛdhdhɛa :yɔkku ninggɛ na chɔɔ se kobhori baye. Na ibha ma na tonyɛ sɛnɔ bhɛa sɛrɔ ɔdhdha na sɛɛsɛ zugo, “Anye bhɛa nyawaa ngahirra, kani hɔli. Na mɛa lɔgɔ te ga gu!”

Yohanis 18:3

Na nɔng koo dhigana bholisa Rome ko zuga bhɛkkɛa doraa Tumu gen dhaa ekkonɛa :gɔldangɛa bibiyo doraa Tumu barara ko zuga kɔbhbhɛa damiya Bhɛrɛsi na hoya chɔɔ ngakɔshitonu. Yɔk bere anna ga bo terinyonɛa gochina kalkanyaye ko gala hɛtta ko bililinya na lɔmmanɛa bɛrra.

Yohanis 18:31

Na nɔng yagɛsɛ na sɛɛsɛ, “Aytɛ na lɔga gɛnyɛ kedhdhigi damiya nu.” Na yɔk seyɛsɛ, “Na kèe agge bhee kegedhdhɛo lɔgɔ na kattiyɛo zugo rɛsɛyɔ ninggɛ ke ngaya damiya Rome bhɛa nayo anɛ kullɛye.”

Yohanis 18:38

Na ghinu :Bhilatosi sɛgɛn na sɛɛsɛ, “Lɔga ku dhere a bhɛa kènɛa ɛnɛng?” Na hunaa ghinna na tewa ushaye, bhonu bhɔ na assa zuga Ayhudhi sɛgɛn na sɛɛsɛ, “Anye ngahirra lɔkte gɛrsi ɛddɛi na kàttiyɛ ngani kɔ̀jɔɛsɛo.

Yohanis 19:15

Na yɔk yoktɛsɛ Bhilatos lɔgɔ goore na seyɛsɛ, “Ɔgɛ ilaga! Ɔgɛ ilaga! Ilaga so!” Na nɔng ghinu na sɛɛsɛ, “Komoruya nu kìlaga dha?” Na yɔk gɔldangɛa bibiyo doraa Tumu barara yaktɛsɛ na seyɛsɛ, “Agge komoruya nayo a komoruya Rome sɔng, Kona ninggɛ dhul.”

Yohanis 19:4

Na Bhilatos bhonu bhɔ sɛgɛn na sɛɛsɛ zugo, “Anye keni kòbhoniseogung ngahirra ke ngaya keni taktɛ nɔng hunde lɔkte gɛrsi bɔɔ ɛddɛ :nɛa na kàttiyɛ ngani kɔ̀jɔɛsɛo dhulde.”

Zuga Kèkko 2:23

Nɔng a hira bere ajjungu ꞉Tumu damiya bere gaana ꞉nɛa na ɛsɛdhdhana sabbɔ. Na igge ko zuga marrɛa Tumu annaa ɛsɛdhto lɔgɔ na ilakto na dhaktɛsɛo sɛnɔ ko jagarɛ muddɛn na erra.

Zuga Kèkko 7:52

Na bhɛa kokonginyaa gu inde zuga yogɛsɛnɛa zugo lɔga dhugunono ꞉Tumu ngani kɔgɔraoye a nɛng? Yɔk chɔɔ bere kɔdhdhɛa zuga yokkonɛa lɔga ale kunɛa ꞉Hira Ridhing Ningginɛna. Na ko igge ibhtao nɔng na ayɛo mirɔga na tɔgɔdhɔyɛ.