Yohanis 19:15 - Suri Latin

¹⁵ Na yɔk yoktɛsɛ Bhilatos lɔgɔ goore na seyɛsɛ, “Ɔgɛ ilaga! Ɔgɛ ilaga! Ilaga so!” Na nɔng ghinu na sɛɛsɛ, “Komoruya nu kìlaga dha?” Na yɔk gɔldangɛa bibiyo doraa Tumu barara yaktɛsɛ na seyɛsɛ, “Agge komoruya nayo a komoruya Rome sɔng, Kona ninggɛ dhul.”

Yohanis 19:15 ပူးပေါင်းရင်းမြစ်များ

Lɔgɔ Sabba 49:10

Na nɔng lalanga komorumo bhɛa nunu ngagaraso, na ale sɛrɛɛ chɔɔ :ashaa gunyu ko bhee ale kunɛ :Komoruya ku ɛna allinɛnɛa bhorinya kumulɔng.

Matiyos 22:17

Na mɛa ga yogogiytɔ! Ngangaye Kesar gharata, maya kàgadhiyɔ oo ngakàgadhiyo?

Yohanis 18:31

Na nɔng yagɛsɛ na sɛɛsɛ, “Aytɛ na lɔga gɛnyɛ kedhdhigi damiya nu.” Na yɔk seyɛsɛ, “Na kèe agge bhee kegedhdhɛo lɔgɔ na kattiyɛo zugo rɛsɛyɔ ninggɛ ke ngaya damiya Rome bhɛa nayo anɛ kullɛye.”

Yohanis 19:6

Na yɔk gɔldangɛa bibiyo doraa Tumu barara ko zuga bhɛkkɛa doraa Tumu hunaa orrɛa Yesuse, yokto lɔgɔ goore na se, “Ilaga! Ilaga so!” Na nɔng Bhilatos sɛɛsɛ, “Hunde hinnoye aytɛ na ilagayɛ. Anye nɔng ngahirra lɔkte gɛrsi bɔɔ ɛddɛ :nɛa na kattiɛ ngani kɔ̀jɔɛsɛo dhul.”

Zuga Kèkko 13:28

Na yɔk ogolo Bhilatos na kɔgɔdhɔ Yesus hunde chɔɔ lɔga ɛddɛana kènno kɔ̀gɔndɛ nɔng ninggɛye.

Zuga Kèkko 21:36

Na ngazuktonu bu mɛr wa kɔbhbhɛye ara wuy na se, “Tɔgɔdhɔyɛ na kere!”

Zuga Kèkko 22:22

Na zugo kumulɔng chirara nɔng ko bhee yokkonɛ ngalɔkta. Na koo ara wuy goore na se, “Hirre ku ngangaye, any kere! Maya basseyɔ ngaiho!”