Yohanis 19:11 - Suri Latin

¹¹ Na nɔng Yesus yagɛsɛ na sɛɛsɛ, “Hunde Tumu buyna kènno alliyɛany anye ngaajjinyi, anda mɛa inye ngaallinɛnɛanyo. Na nɔng inde bɔɔ ibhbhanany anye na ajjinɛnɛany bhɛa nunuye, nɔng aynde jorroniny inye na me lɔga bo gɛrsa dhandalaye.”

Yohanis 19:11 ပူးပေါင်းရင်းမြစ်များ

Matiyos 26:65

Na gɔldanga bo doraa Tumu barara dɛbu na ɛrrɛyu ruma nɛnɛ na sɛɛsɛ zugo, “Na kèe nɔng wa dhɔmma Tumu! Na agge bhee kàlamɛɛ zuga orronɛa lɔgɔ kawarreye, a ore? Ga argitɔ! Nɔng igge annaa shiktao nyabha hunde dhɔm Tumuye.

Matiyos 27:2

Na koo ibhta na chɛbɛ na ayɛsɛ Bhilatos, hira allinɛnɛa zuga ngabaonu.

Matiyos 6:13

Ngaɔddagiy lɔkte illobbiyɛ. Bhɛgiy na Moldoy ngatiranyɛiy [ke ngaya komorumo ko barartin ko diram anɛ ga gunyu kali kaliye. Ee!]

Markos 14:44

Nɔng hira kɔdhdhɛsɛna Yesus mirɔga dhaa sabbɔ dogɛsɛn zugo go na senɛsɛn, “Hirre ginaye aynde aleo kisai na kɔchɔmiye. Na igge ibhigi na kidhigana :bholisɔ shɛɛ.”

Yohanis 18:13

Na koo ibhta na sabbɔ aytɛ bhɛa kɔna Kayama kèe Hanas. Nɔng ngabɛrguonu Kayama bere anna gɔldanga bo doraa Tumu barara.

Yohanis 18:3

Na nɔng koo dhigana bholisa Rome ko zuga bhɛkkɛa doraa Tumu gen dhaa ekkonɛa :gɔldangɛa bibiyo doraa Tumu barara ko zuga kɔbhbhɛa damiya Bhɛrɛsi na hoya chɔɔ ngakɔshitonu. Yɔk bere anna ga bo terinyonɛa gochina kalkanyaye ko gala hɛtta ko bililinya na lɔmmanɛa bɛrra.

Yohanis 19:10

Na sɛɛsɛ :Bhilatosi, “Na lɔgɔ ngayakkaganynyo? Anye hunde kɔlɔmi buyna kɔkkanɛinyi oo kilakkɛinyiye, imagiyɔ?”

Yohanis 3:27

Na nɔng Yohanis yagɛsɛ na sɛɛsɛ, “Tumu hunde hiri lɔga kènno keme ngani kaynɛoye, bhee mesɛ ga sabbaa nɛnɛ ninggɛ.

Yohanis 7:30

Na nɔng bere senno kibhigi :zugu. Na hirre dhɔnɛ idhdhar nɔng garu ke ngaya kolea nɛnɛ sennanɛa :Tumu dha bere ngani keteyɛoye.

Yohanis 9:41

Na sɛɛsɛ :Yesusi, “Hunde kawarɛ keteung chagi, anda ridhing ngalɔmmoo. Na nɔng ngaya mɛa senɛo korro bhoye, dhaa ngani lɔmmo ridhing chi.”

Zuga Kèkko 2:23

Nɔng a hira bere ajjungu ꞉Tumu damiya bere gaana ꞉nɛa na ɛsɛdhdhana sabbɔ. Na igge ko zuga marrɛa Tumu annaa ɛsɛdhto lɔgɔ na ilakto na dhaktɛsɛo sɛnɔ ko jagarɛ muddɛn na erra.

Zuga Kèkko 3:13

Nɔng Komoruya kokonginyaa ga bere Awurahami ko Isaki ko Yaykobi Tumu nɔng dhɔngu hoynɛ Yesus. Na nɔng igge ibhtao na ayɛo Bhilatos na kertɔ. Na chɔɔ Bhilatos huna senno kɔga, igge kɛnggao na tamarto.

Zuga Kèkko 4:28

Yɔk ngalɔkta messɛ ꞉yɔkku na bhugnyɛsɛnɛye, a lɔga bere ɛsɛdhdhani ꞉inyo sabbaa nunu ko barartina nunu sabbɔ.

Yaykob 1:17

Yɔk lɔkte chal tuhinɛ na ɛl hurrte kumulɔng hony surr tumɔ bhɛa Babaa na Tumu, bere ghendono su ko tagi ko munyunya. Nɔng chɔɔ anna ngabhɔdhinɛnao na ziggoo huna rijjuny.

Yaykob 4:17

Nɔng hirre ga lɔga challa kènno keme na ngamessoye, nɔng me lɔga gɛrsa.