Yohanis 18:37 - Suri Latin

³⁷ Na nɔng Bhilatos sɛɛsɛ, “Yee! Noo, dhaa ani Komoru!” Na nɔng yagɛsɛ na sɛɛsɛ, “Ee! Nɔng ngaya sennagɛany Komoruye, seni shɛɛ chi. Nɔng anye bhee bere kìrrittonɛany na kugunɛ baye, kèe kɔ̀ɔbhɛsɛ zugo kumulɔng lɔga ku dhere. Na gee hinnɛ lɔga ku dhereye kumulɔng, lɔga koyokkoni :anyo shikkɛyɔ.”

Yohanis 18:37 ပူးပေါင်းရင်းမြစ်များ

Matiyos 26:64

Na nɔng Yesus yagɛsɛ na sɛɛsɛ, “A ngagiya seniye chi. Na nɔng mɛa anye kesennagung ɛnɛnggeo, igge ale orro Hiri Hoynɛ hunde i siyɔ sɛtɛna Tumu, Komoruya Bo Ɔnnɛna na kun tumɔ na bo woono idhogiyeye.”

Matiyos 27:11

Na koo Yesus kàytɛ bhɛa komoruya ngabaonu. Na hunaa ngani chillo tunɔ bhɛa komoruynyde, ghinu :komoruyɔ na sɛɛsɛ, “Komoruya zuga Ayhudhi ani :inyo?” Na nɔng yagɛsɛ na sɛɛsɛ, “A ngadamita senɛ :inyoye.”

Markos 14:62

Na nɔng Yesus yagɛsɛ na sɛɛsɛ, “Ee! Kani nɔng chi. Na nɔng igge ale orro Hiri Hoynɛ hunde i siyɔ sɛtɛna Tumua Bo Ɔnnɛna na kun tumɔ na bo woono idhogiye toyeye.”

Markos 15:2

Na Bhilatos ghinu Yesus na sɛɛsɛ, “Komoruya zuga Ayhudhi ani :inyo?” Na yagɛsɛ :Yesusi na sɛɛsɛ, “Ee, a ngadamita senɛye.”

Yohanis 1:14

Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 1:17

Nɔng Damiya Tumu annaa bere kàjjɛa Muse na koo ajjiy agge. Na yɔk lɔga Tumu ku dhere ko bhɛa ɛdhdhɛttannɛiy :nɛa annaa dhɔlagiyɔ :Yesus Kirisosi.

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 3:32

Nɔng yokkono lɔga orrono kawarre ko ga shikkana nyabha na yɔk zukte hinnɛ lɔga gɛnyɛ ninggɛ.

Yohanis 7:17

Na hunde lɔ hirre se keme lɔga hinno :Tumu na kurrugɛsɛye, ale gayɔ hunde ngalɔkta kamadhɛsɛn zugoye agga bere ajjanyi :Tumu oo hunde agga sabbaa nanuye.

Yohanis 8:14

Na nɔng Yesus yagɛsɛ na sɛɛsɛ, “Anye ko hunde chɔɔ kɔ̀ɔbhagung lɔga sabbaa nanu, ngalɔkta kɔɔbhbhagungge a dhere ke ngaya anye kaggaɛ bhɛa bere kugunɛi ko bhee ale kɔgɔyɛye. Nɔng anye hunde bere kuguni ori na ale kɔgɔ oriye, igge imaggo dhul.

Yohanis 8:45

Na nɔng igge anye ngayɛbhbhanyuo ke ngaya koyokkonɛ lɔga ku dhereye.

Yohanis 8:46

Na mɛa bhɛa nu inde kesea bere orrogony hunde kemesi lɔga gɛrsa na se kichillɛanyde, a nɛng? Ninggɛ. Na anye hunde kani nganda koyokkon lɔga ku dhereye, lɔ ɔng ngayɛbhbhanyuoye?

Yohanis 8:47

Nɔng inde ku eriya Tumuye, a inde shik lɔga Tumuye. Na nɔng igge bhee lɔga Tumu ngashigɛoyoye, a ngaya erroa gɛnyɛ ngaanɛoyoye.”

1 Timotiyos 6:13

Nɔng anye koyokkoginy ngalɔkta bhɛa kɛ̀lɛa ko Tumu, Komoruya ajjɛa zugo ko aha kumulɔng bassey, ko bhɛa kɛ̀lɛa ko Kirisos Yesus, hira bere dhugunɛsɛna Bhenti Bhilatos lɔga ku dhere,

1 Yohanis 2:21

Nɔng anye bhee kɔgɔdhdhagɛung ngalɔktaye, ke bhɛa imagɛo lɔga ku dhere ngayo. Kɔgɔdhdhagung ke ngaya gayɛo lɔga ku dhere ko bhɛa lɔga ku dhere ko ga ku butomo anɛ ga imaginɛnɛaye.

1 Yohanis 3:14

Nɔng agge kan zuga kìbhɛsɛna zuga kɛ̀yɛbhbha Yesus kari hinisi. Na ngaya kèmesɛ ngangaye, dhugunnogiy bhɛa kèteyɛa zuga bere kàjarta rɛsɛ na kàyta gɔra basseya iho dhul. Na nɔng inde hira yɛbhbha Yesus hini ngaibhɛsɛnnoye, ngani a hira ɛlla ko rɛsɛ kari ke dhɔnɛ.

1 Yohanis 3:19

Hunde kème ngangaye, kàggayɔ hunde kàn zuga kèmesso lɔga ku dhere na kɛ̀lla ko Tumu na hinisiya ga ɛllanɛa bayte.

1 Yohanis 4:6

Nɔng agge kanno zuga Tumu. Na zukte gaɛ Tumuye, lɔga gayo shikkɛyɔ. Na yɔk gee zuga Tumu ngayoye, agge ngashikkeyɛo. Ngaya a bhee kàggaɛ lɔgɔ hunde agga kuloya ku dhere oo hunde agga kuloya ku butogiye.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.