Yohanis 18:20 - Suri Latin

²⁰ Na nɔng Yesus yagɛsɛ na sɛɛsɛ, “Anye bere kudhugunɛsɛni zugo kumulɔng lɔgɔ dib bhɛa sɛrɔ ɔdhdha. Na huna taa kamadhi zugo doriyoa madhinɛnɛa zuga Ayhudhi lɔga Tumu ko doraa Tumu barara bhɛa ɛlɛa :zuga Ayhudhi kumulɔng, lɔkte koyogɛsɛn zugo dari, ninggɛ dhul.

Yohanis 18:20 ပူးပေါင်းရင်းမြစ်များ

Matiyos 24:26

Na hunde seagung :hir konnɔ, ‘A ngandonu i korugiye ngonuye,’ igge ngahɛo. Na hunde chɔɔ keseagung, ‘Aynda i dorigiye toyeye,’ igge ngayɛbhbho.

Matiyos 26:55

Na koo Yesus sɛɛsɛ ngazuktonu bu mɛrte, “Na ngangaye wa lɔgɔndao mashachina ko lurginya na muktiyao na ibhtonyu huna hira kani chimtay? Anye nɔng annaa taa kihi tu kɛnga doraa Tumu barara bay na kamadhi zugo, na igge ngani ibhtonyuo.

Matiyos 26:65

Na gɔldanga bo doraa Tumu barara dɛbu na ɛrrɛyu ruma nɛnɛ na sɛɛsɛ zugo, “Na kèe nɔng wa dhɔmma Tumu! Na agge bhee kàlamɛɛ zuga orronɛa lɔgɔ kawarreye, a ore? Ga argitɔ! Nɔng igge annaa shiktao nyabha hunde dhɔm Tumuye.

Matiyos 4:23

Nɔng Yesus bere woo baa Gelila kumulɔng na madhdha zugo doriyoa gɛ madhinɛnɛa lɔga Tumu, na kɔbhɛsɛna kamannaa challa ale lɔmɛa :Tumu zugo. Na chɔɔ bere ibbayseo zuga ilagassɛa mutanyoga bhiy bhiy ko ga chɔllaa bhoyɔ kumulɔng.

Matiyos 9:35

Nɔng Yesus bere woo ori toye kumulɔng na madhɛsɛna zugo lɔga Tumu doriyoa gɛ madhinɛnɛa zuga Ayhudhi, na kɔbhɛsɛna kamannaa challa ale lɔmɛa :Tumu zugo. Na bere ibbayseo chɔɔ zuga ilagassɛa mutanyoga bhiy bhiy kumulɔng.

Markos 8:32

Na nɔng dhugunɛsɛ yɔk ngalɔkta hologun dib dib. Na nɔng Betiros yagu Yesus dheyyɔ na wologu ke ngaya dhugunnonɛ lɔgɔ ngangaye.

Yohanis 18:21

Na mɛa inye ghinony kɛ ɔng? Ok na ghin zuga bere shikkɛa lɔga kamadhɛsɛni. Yɔk hunde bɔɔ keseni ɛnɛngge, gaɛyɔ.”

Yohanis 6:59

Yɔk ngalɔkta agga bere yokkono kala bere madhɛa zugo doraa madhinɛnɛa zuga Ayhudhi lɔga Tumu iho Kibiromɔ.

Yohanis 7:14

Na Yesus hunaa saniwa Yerusalemɔ ungo wush na tewa ushaye, koo ogu doraa Tumu barara tu kɛngɔ na madhu zugo.

Yohanis 7:26

Nɔng mɛa a nganda yokkono lɔgɔ bhɛa sɛrɔ ɔdhdha na chɔɔ ngazuktonu nɔng hun kona ngani keseyɛsɛoye. Na gulsachina hunde a ngagiya gunynyɛ dhɛɛye, yɔk dha sennɛ a Kirisos dhere ka?

Yohanis 7:28

Na Yesus hunaa ngani madhdha zugo doraa Tumu barara tu kɛngɔye, koo yogo lɔgɔ goore na seu, “Anye hunde kani hir inong na bere kichillan oriye, igge gaoyɔ. Nɔng anye sabbaa nanu bhichang ngani kèseayo na kùgoo. Hira bere ekkononyi anye ihe. Nɔng anna ku dhere na igge imaggoyɔ.

Yohanis 7:4

Hirre se kete hira toynɛnaye, lɔgɔ dari ngamesso. Na mɛa inye hunde mesi ngalɔkta bu dhandalde, maya dhɔlɛsɛn zuga bhakkɛa ba kumulɔng.”

Yohanis 8:2

Na bhorroyɔ shaw waga na ogu doraa Tumu barara tu kɛngɔ. Na zugo kumulɔng muktiyaa na assa nɔng. Na nɔng tɛa bay na kamadhtɔ.

Yohanis 8:26

Yɔk lɔkte kɔlɔmi :anyo na keni kòyogogung na kùjjugayɛungge a mɛri. Na nɔng hira bere ekkononyi a hira yokkono lɔga ku dhere. Na lɔga bere kishikkani bhɛa nɛnɛ, anye mɛa koyogɛsɛn zuga bhakkɛa ba kumulɔng.”

Zuga Kèkko 26:26

Yɔk ngalɔkta bere me ꞉Yesusiye ko nɔng Komoru Agiriba gayɔ na aynde koyokkonɛ tokte. Agga bere messo bhɛa zugo mɛra. Lɔkte me dari ngayo.