Yohanis 18:17 - Suri Latin

¹⁷ Na nɔng dhogoleya bhɛkka waran koo ghinu Betiros na sɛɛsɛ, “Inye ngaaniyo hira kɔbhi Yesus rɛ?” Na nɔng Betiros yagɛsɛ na sɛɛsɛ, “Aa! Aa! Anye ngakaniyo.”

Yohanis 18:17 ပူးပေါင်းရင်းမြစ်များ

Matiyos 26:33

Na sɛɛsɛ :Betirosi, “Chɔɔ yɔk kumulɔng hunde kɔdhɔttiny na kabhasayɛ ke ngaya orɛ lɔga dokkoni :inyoye, nɔng anye ngakɔdhɔttinyo dhul.”

Yohanis 18:16

Na Betiros nɔng bere renɛna waranɔ bhɔ. Na nɔng ngahirronu ga :gɔldanga bo doraa Tumu bararaye, waga waran na yogɛsɛ dhogoleya bhɛkka waran na kigomɛsɛ Betiros na kutunnugo tu kɛngɔ toye.

Yohanis 18:25

Na Simon Betiros hunaa ngani chillo ngonu na soo goye, seyɛsɛ :zug genne, “Ngangaye bhɛa zuga kɔbhbhɛa Yesus, kona ngaaniyo :inyo rɛ dha?” Na nɔng timagu na seu, “Aa! Aa! Ngakaniyo!”

Yohanis 18:5

Na yɔk yaktɛsɛ na seyɛsɛ, “Kalameo hira Nazireti kènno Yesus.” Na nɔng sɛɛsɛ, “Kani :anyo rɛ.” Nɔng bere Yihudhaa kɔdhdhɛsɛna nɔng mirɔga chillɛa ko ngazuktonu kari.

Yohanis 18:8

Na nɔng sɛɛsɛ, “Na kèe annaa keseagungɔ, ‘Kani :anyo rɛ.’ Yee! Hunde lameonyu anyeye, ayɛ ngazukta yɔk kago.”

Yohanis 21:15

Na yɔk hunaa ussa tila na tewa ushaye, nɔng Yesus ghinu Simon Betiros na sɛɛsɛ, “Eriya Yona Simone, ngangaye ibhbhagany hini goore na chɔɔ ngalaluguya jorrondɔ?” Na nɔng yagɛsɛ na sɛɛsɛ, “Mmm! Komoru, anye hunde kibhbhaginy hini gooreye, inye gayɔ.” Na sɛɛsɛ :Yesusi, “Ee, hunde a ngangaye, bhɛk mɛninyaa ganyu na iwo shɛɛ ni!”

Zuga Kèkko 12:13

Na nɔng ko na chilu waranɔ bhɔ na elɛɛ. Na sedhdheyte mesinɛ dorigiye ngonu kèe Ngarodaye ogu na kichirar hirre elinɛye.