Yohanis 18:11 - Suri Latin

¹¹ Na Yesus nɔng sɛɛsɛ Betiros, “Yagɛsɛ masha shebbel! Inye seni chɔllaa bere ajjanyi :Babaa nanu na kɔ̀chɔllayɛi, ale ngakɔchɔllanɛno ka?”

Yohanis 18:11 ပူးပေါင်းရင်းမြစ်များ

Matiyos 20:22

Na nɔng Yesus sɛɛsɛ erroa ngatɛritonu, “Ngalɔkta ghinnonyuye imaggoyɔ. Ngangaye ahaye ale kamayi kombiyɔye, ko igge ale matto na ɔanoyɔ?” Na yɔk igommo na se, “Ee, ale kɔanoyɔ!”

Matiyos 26:39

Na nɔng sɛyɛ ko rɛna bhe chinyi na dhagɛ rɛ ba ke shura na mumɔ tɔgɔdhɛ ba na alliyɛ ko Tumu na seu, “Babae! Hunde ɔande, isogɛ ngakombita chɔllaunyde bhɛa nanu. Na nɔng any kubhugnyɛsɛ :lɔga sennani :inyo. Ga kesennani :anyo ngabhugnyɛsɛnɛ.”

Matiyos 26:42

Na koo wagu sɛgɛn, na alliyɛ ko Tumu na seu, “Baba nanuye! Hunde bhee isogɛ ngakombita chɔllaunyde bhɛa nanu ninggɛ na maya dhaa kamayi ahaye ɛl toyeye, any kete damite sennanɛ :inyoye hung.”

Yohanis 15:10

Nɔng hunde mesigi lɔga kajjungu :anyo, anda kɛ̀l kari na kibhbhagung hini ngadamita bere ko anye kemesɛ lɔga ajjanyi :Babaa Nanu na ko mɛa toye ngani ibhbhagɛany hiniye.

Yohanis 17:24

“Na mɛa Babaye, ngazukta bere ajjanyde keni kɛ̀tɛldo ko anye kari bhɛa kihɛi na kargi dirama nanu bere ajjanyi :inyo ke ngaya bere ibhbhagɛany anye hini huna ba ko tumu ngani kètegenydoayoye.

Yohanis 18:36

Na nɔng Yesus sɛɛsɛ, “Buyna nanu kanɛi komoru, na ajjanyɛa :zugu bay ngaya ngayo. Anna bere kugunɛi bhokkonnɔ. Nɔng hunde kete na bere kàjjanyi bay ngaya, anda zuga ganyu kachanyɛa wa tɔgɔndɛ ko gulsachina Ayhudhi na chɔɔ mɛa anda ngani kibhtonyo.”

Yohanis 20:17

Na sɛɛsɛ :Yesusi, “Ga ngaibhbhonyi ke ngaya mɛa bhɛa Babaa nanu ngani kàbanɛo na kɔ̀gɛoye. Na nɔng mɛa ga ok na yogɛsɛ gochonginyaa ganyu na sɛɛsɛ, ‘Wa seaganyɔ, “Mɛa anye kani nganda kabansi na kɔgɔ bhɛa Babaa nanu ko naa nuye, ko bhɛa Tumu Komoruya nanu ko naa nuye.”’”