Yohanis 17:4 - Suri Latin

⁴ Nɔng anye wa kɔdhɔnginyɔ na kɔdhɔlɛsɛu zuga bany kumulɔng dirama nunu ke ngaya kurrugɛsɛn lɔga bere ajjanyi :inyoye.

Yohanis 17:4 ပူးပေါင်းရင်းမြစ်များ

Yohanis 12:28

Na mɛa Babaye, dhɔng sara gunyu na kɔtɔlɔmɔ diram!” Na koo lɔk gen hoya tumɔ na se, “Sara ganyu annaa bere kaynɛu diram na ale ngani kajjɛ diram sɛgɛn.”

Yohanis 14:13

Na lɔkte ogollo bhɛa Tumu sara ganyuye kumulɔng, anye ale kurrugɛsɛn ke ngaya Eriya Tumu kèe kɔdhɔngɛ Chɔgɔnɛ na kɔtɔlɔmɛ dirambe.

Yohanis 14:31

Nɔng anye kemesi lɔga bere ajjanyi :Babaa nanu na kurrugɛsɛn dib ke ngaya keni zuga bhakkɛa ba kumulɔng kataktɛ bhɛa kibhɛsɛni Baba Nanu hini dhereye. “Mɛa banda kago!”

Yohanis 15:10

Nɔng hunde mesigi lɔga kajjungu :anyo, anda kɛ̀l kari na kibhbhagung hini ngadamita bere ko anye kemesɛ lɔga ajjanyi :Babaa Nanu na ko mɛa toye ngani ibhbhagɛany hiniye.

Yohanis 19:28

Na Yesus hunaa tagga hunde lɔga bere ajjɛa :Babaa nɛnɛ mɛa dhaa urruknyɛsɛ kumulɔng na te ushaye, seu, “Dhagany :huny.” Nɔng bhee bere senɛ ngangaye, a ngaya se kubhugnyɛsɛ :lɔga bere kɔ̀gɔdhdhɛsɛna dadabinyaa Lɔga Tumuye.

Yohanis 19:30

Na nɔng hunaa torroye, seu, “Mɛa wa urruknyɛsɛa.” Na bhiiga ngo na ere.

Yohanis 4:34

Na nɔng yagɛsɛ na sɛɛsɛ, “Anye hunde kigomɛsɛn hira bere ekkononyi na kurrugɛsɛn lɔga gɛnyɛ bere ajjanyiye, ngandonu a amissɛte nande.

Yohanis 5:36

“Na nɔng anye kɔlɔmi lɔga bere korroni na keni kɔ̀ɔbhɛsɛ zugo jorronɛa lɔga bere kɔbhɛsɛna :Yohanisi zugo. Yɔk a lɔga bere ajjanyi :Babaa nanu Tumu na kùrrugɛsɛyɔ. Na ngalɔkta kemesi :anyo mɛa toyeye, dhɔllanɛ bhɛa bere ekkononyɛanyi :Babaa nanu Tumu.

Yohanis 9:3

Na nɔng yagɛsɛ na sɛɛsɛ, “Ngahirra bhee kawarɛ anɛ chagiye a ngaya Tumu se kɔdhɔlay lɔga messo :nɛa bhɛa nɛnɛ na kargi :zuguye. Ke bhɛa bere messɛa :nɛa oo :zuga gɛnyɛ lɔga gɛrsa ngayo.

Zuga Kèkko 20:24

Lɔga bere ajjanyi ꞉Komoruyɔ Yesusi na kòyogɛsɛ zugo kamannaa Tumu challa chirbhisiny ko bhee kedheshshanɛ, ngakadasiiyo. Na chɔɔ hunde ko kadaga lɔkte gɛrsi, lɔgɔ ninggɛ.

2 Timotiyos 4:7

Nɔng anye annaa bɔɔ kɛmɛnyɛsɛu lɔga hinno :Kirisosi kɛr na kemessa goore dhogoy huna bansanaya mɛdhdhana. Na kurrugɛsɛu lɔga bere ajjanyi :nɛa huna hira kɔrɔginɛno ko zugo, na kedheyau. Na kɛyɛbhbha kamannaa challa na kɛbhɛkka shɛɛ kɛr.