Yohanis 17:23 - Suri Latin

²³ Nɔng ngaya kesenɛ ngangaye, a bhɛa kenɛi anye kɛllo ko yɔk na kanno dhɔnɛ na inye kɛ̀l ko anye na kan dhɔnɛ. Na mɛa aynɛ yɔk bhɛa anɛa dhɔnɛ dhul na zuga marrinyɛa kataga hunde bere ekkonony :inyo na chɔɔ ibhɛsɛn zuga kɔbhbhanyɛa anye hini damiya bere ibhbhagɛanyi anyeye.

Yohanis 17:23 ပူးပေါင်းရင်းမြစ်များ

Yohanis 10:38

Na nɔng hunde kemessa lɔga messo :nɛaye, ko hunde anye ngayɛbhbhanyu, yɛbhɛ ngalɔkta bu barar kemesiye na aynde ale ungusɛɛno na gayɛo bhɛa anye ko Babaa nanu kanɛo dhɔnɛye.”

Yohanis 13:35

Na hunde ibhinɛno hinisi ngangaye, zugo kumulɔng ale gaungɛ hunde anno zuga kɔbhbhanyu anyeye.”

Yohanis 14:10

Ngangaye hunde anye ko Baba nanu kanno dhɔnɛye, inye ngayɛbhiyo? Yɔk ngalɔkta koyokkogung :anyoye ga sabbaa nanu ngayo. Agga messo :Babaa nanu. Nɔng chɔɔ a nganda mɛa kɛllo ko anye kari, na ngani me lɔga gɛnyɛye.

Yohanis 14:23

Na yagɛsɛ :Yesusi na sɛɛsɛ, “Nɔng hirre ibhbhagany hini dhereye, a inde bhɛk lɔga ganyuye. Na ko nɔng Baba nanu ale ibhɛsɛn nɔng hini. Na anye ko Baba nanu ale kasano nɔng na kabhakko kari.

Yohanis 15:9

“Na damiya bere ibhbhagɛanyi :Babaa nanu hini, ko anye annaa bere kibhagungngɔ hini. Na mɛa kìbhtɛ hinisi na kɛ̀tɛldi kari ke dhɔnɛ.

Yohanis 16:27

Anye bhee kesenɛ ngangaye, a ngaya Baba nanu ibhbhagung igge hini ke bhɛa bere ibhbhagɛanyu hinisi na yɛbhɛo bhɛa bere kugunɛi bhɛa nɛnɛye.

Yohanis 17:11

Nɔng mɛa anye ale kokka na kassainyɔ inye. Bay gɔrra dirr ale ngani ngakihiyo. Na yɔk zuga ganyu ale ngani bhakkɛ ba gɔrra. Na mɛa Baba Nanu Kullɛna Ridhing Ninggɛninyiye, bhɛk yɔk shɛɛ barartina sara gunyu bere ajjanyi anye, na ko yɔk kete dhɔnɛ ngadamita naye.

Yohanis 17:21

Na mɛa Babaye, lɔkte kogollɛinyde a ngaya keni yɔk kete dhɔnɛ ngadamita ko agge kɛ̀lɛ kari na kànɛ dhɔnɛye. Na ko yɔk kɛ̀tɛldi ko agge kari na kète dhɔnɛ na zuga marrinyɛa kɛyɛbhɛ bhɛa bere ekkonɛanyi :inyo.

Yohanis 17:24

“Na mɛa Babaye, ngazukta bere ajjanyde keni kɛ̀tɛldo ko anye kari bhɛa kihɛi na kargi dirama nanu bere ajjanyi :inyo ke ngaya bere ibhbhagɛany anye hini huna ba ko tumu ngani kètegenydoayoye.

Yohanis 17:26

Nɔng anye annaa bere kudhugunɛsɛu yɔk lɔga gunyu na chɔɔ ale ngani kudhugunɛsɛn dirr, na ko yɔk kibhtɛsɛ zugo hinisi ngadamita ibhbhagɛany anyeye. Na kɛ̀tɛldo ko yɔk kari na kèteo dhɔnɛ.”

Yohanis 17:3

Nɔng basseya iho dhul hunde a bhɛa kèsenɛa ɛnɛngge, dhuguninya hunde zugo gainyɛ inye, Tumu Komoruya ku dhere dhɔnɛna, ko anye, Yesus Kirisos hira bere ekkononyi :inyoye.

Yohanis 17:8

Nɔng anye annaa bere kaynɛu yɔk lɔga bere ajjanyi :inyo na ko yɔk tɛhɛnda na takta bhɛa bere kugunɛi bhɛa nunu dhere na chɔɔ yɛbhta bhɛa bere ekkonɛanyi :inyo.

Yohanis 3:17

Nɔng huna bere ekkono eriya nɛnɛ ba, bhee bere ekonɛ na kujjuga zugo ngayo. Bere ekkono na kibbaysiyɔ.

Yohanis 6:56

Nɔng inde am ayuga rɛa nanu na ma nyawaa ganyuye, anye ko nɔng ngakegennɛnoo dhul. Kɛllo kari tii na kanno dhɔnɛ.

1 Yohanis 1:3

Na ngalɔkta bere korrono kawarre na kishikkano nyabhaye kɔ̀ɔbhbhagung na ko igge yɛbhɛ na kète zuga dhɔnɛna ke ngaya kɛ̀lɛ ko Baba Na Tumu ko Eriya Nɛnɛ Yesus Kirisos kariye.

1 Yohanis 3:1

Ga gɔnyigi ngaya ibhbhagɛiy :Babaa Na hini na yellɛiy goore na ojjiy na kèliyey erroa Tumuye! Nɔng ngadamita bere ojjɛiy :nɛaye, agge kan erroa gɛnyɛ dhere! Na nɔng bhee imaggɛiyɛ :zuga marrɛa Tumuye, a ngaya imagɛ Baba Na Tumuye.

1 Yohanis 4:19

Nɔng Tumu annaa bere ibhagiyɔ hini sabbɔ, na aynde mɛa ko agge kìbhɛsɛn nɔng ko zugo hinisiye.