Yohanis 16:5 - Suri Latin

⁵ “Nɔng mɛa anye keni kòk bhɛa hira bere ekkononyi, na chɔɔ bhɛa nu hirre ghinnony na sennagany, ‘Kɔ ori?’ ninggɛ.

Yohanis 16:5 ပူးပေါင်းရင်းမြစ်များ

Yohanis 13:3

Na Yesus nɔng hunde a hira ajjɛa :Babaa nɛnɛ buyna lɔkkuny kumulɔng na kunno bhɛa Babaa nɛnɛ na ale wokko sɛgɛnde, dha bere gayɔ.

Yohanis 13:36

Na Simon Betiros ghinu Yesus na sɛɛsɛ, “Komorue, ngangaye seni ok ori?” Na nɔng Yesus yagɛsɛ na sɛɛsɛ, “Mɛa gɔrre kɔgɔɛye, bhee kɔbhbhɛanyi ninggɛ. Na nɔng ale halɛ kɔbhbhany chi.”

Yohanis 14:28

“Yɔk ngalɔkta wa koyokkogung na kesennagung, ‘Nɔng anye ale kɔgɔ na kowokkon na kassanungge’ annaa shikto. Igge hunde te zuga ibhbhaganyu hinisi dhere, anda ngaya keni kɔ̀gɛ bhɛa Babaa nanuye hinisiya gu a hɔli ke ngaya Baba nanu anɛ na jorrononyi anyeye.

Yohanis 16:10

Na sɛgɛn bhee ale dhugunɛsɛn bhɛa imagɛa hira ridhing ningginɛnaye, a ngaya anye ale kɔgɔɛ bhɛa Babaa Nanu na igge sɛgɛn ngaorrɛanyuoye.

Yohanis 16:16

“Nɔng ale kɛllana kari bhe chinyi na ngaorronyuo. Na ale ɛllano bhe chinyi na orronyo sɛgɛn.”

Yohanis 16:17

Na zuga kɔbhbhɛa nɔng gena rɛgɛ :lɔkku na ghindɛ kɛngɔ na se, “Na mɛa dha ngaya senɛ, ‘Nɔng ale kɛllana kari bhe chinyi na ngaorronyuo. Na ale ɛllano bhe chinyi na orronyu sɛgɛnde’ ko ngaya senɛ, ‘A ngaya anye ale kɔgɔɛ bhɛa Babaa Nanuye,’ dha a bhɛa senno keseɛ ɛnɛng?”

Yohanis 16:28

Nɔng anye annaa bere kabansani bhɛa ihɛa Babaa nanu na kuguni chɔɔ ba. Na mɛa ale kɔdhɔyi ba na kowogi bhɛa Babaa nanu sɛgɛn.”

Yohanis 17:13

“Nɔng mɛa anye kani nganda keni kòk na kàssainy inyeye. Na nɔng bhee koyokkogɛiny ngalɔkta hunde ngani kihi bay gɔrraye, a ngaya keni ngazukta ganyde keteɛ ga bo hinisi hɔla hunde nande.

Yohanis 17:4

Nɔng anye wa kɔdhɔnginyɔ na kɔdhɔlɛsɛu zuga bany kumulɔng dirama nunu ke ngaya kurrugɛsɛn lɔga bere ajjanyi :inyoye.

Yohanis 6:62

Na igge hunde mɛa argi Hiri Hoynɛ hunde bana na wok gɔra bere kunɛaye, anda senno se ɛnɛng?

Yohanis 7:33

Na nɔng Yesus sɛɛsɛ zugo, “Anye ale kɛllana ko igge kari bhe chinyi na kɔgɔ bhɛa Tumu, hira bere ekkononyi.