Yohanis 16:30 - Suri Latin

³⁰ Na mɛa wa katakto hunde inye dhaa ani hira gai lɔgɔ kumulɔng, na chɔɔ bhee ghinnɛinynyɛ :zugu lɔga lɔmmɛa hinisichinne ninggɛye. Na ngaya gaɛ lɔgɔ ngangaye, wa dhugunogiyɔ bhɛa bere kunɛi bhɛa Tumu na kɛyɛbhto.”

Yohanis 16:30 ပူးပေါင်းရင်းမြစ်များ

Yohanis 16:17

Na zuga kɔbhbhɛa nɔng gena rɛgɛ :lɔkku na ghindɛ kɛngɔ na se, “Na mɛa dha ngaya senɛ, ‘Nɔng ale kɛllana kari bhe chinyi na ngaorronyuo. Na ale ɛllano bhe chinyi na orronyu sɛgɛnde’ ko ngaya senɛ, ‘A ngaya anye ale kɔgɔɛ bhɛa Babaa Nanuye,’ dha a bhɛa senno keseɛ ɛnɛng?”

Yohanis 16:23

Na ngakaldonu lɔkte ale ogollonyu anye ninggɛ dhul. Na mɛa ga shigitɔ! Yɔk lɔkte hinnono na ogollo Babaa nanu sara ganyuye kumulɔng, ale ajjunggɔ.

Yohanis 16:26

Na ngakaldonu igge ale ogollo Babaa nanu sara ganyu. Na nɔng ngaya kesennagɛung ngangaye, bhɛa kenɛi ale kɛsɛrɛ bhɛa nu na kogoli Baba nanu ngayo.

Yohanis 16:31

Na nɔng yagɛsɛ na sɛɛsɛ, “Yee! Na kèe mɛa dhaa yɛbhtanyu!

Yohanis 17:8

Nɔng anye annaa bere kaynɛu yɔk lɔga bere ajjanyi :inyo na ko yɔk tɛhɛnda na takta bhɛa bere kugunɛi bhɛa nunu dhere na chɔɔ yɛbhta bhɛa bere ekkonɛanyi :inyo.

Yohanis 2:11

Yɔk ngalɔkta barar me :Yesusi ngaɔrra kèe Kana i baa Gelilaye agga bere sabbune. Na hunaa messa ngalɔktaye, dhɔlɛsɛ zugo dirama nɛnɛ na zuga kɔbhbhɛa nɔng yɛbhɛyɛ.

Yohanis 21:17

Na koo tɔrɛ ke jagarɛ kɛngi sizzi na ghinu sɛgɛn na sɛɛsɛ, “Eriya Yona Simone, ngangaye ibhbhagany hini chi dha?” Na nɔng Betiros munyuu ke ngaya kìghinɛ jagarɛ kɛngi sizzi na kèsenɛsɛn, “Ngangaye ibhbhagany hini chi dhaye?” Na yagɛsɛ na sɛɛsɛ, “Komorue, inye ani na gai lɔgɔ kumulɔng na chɔɔ hunde kibhbhaginy hiniye, gayɔ.” Na sɛɛsɛ :Yesusi, “Ee, hunde a ngangaye, iwo mɛdɛrniya ganyu na bhɛk shɛɛ ni!

Yohanis 5:20

Nɔng Baba Tumu ibhɛsɛn Eriya Nɛnɛ hini na dhɔlɛsɛn lɔga messo kumulɔng. Na chɔɔ ale dhɔlɛsɛn lɔga bo jorronɛa ngalɔkta na iwachinɛnoyɔ.

Yohanis 8:42

Na sɛɛsɛ :Yesusi, “Hunde Tumu kete Baba nu, anda ibhbhaganyu hinisi, ke ngaya bere kugunɛ bhɛa nɛnɛ na mɛa kihɛ ngayaye. Anye bere ekkononyi :nɛa. Sabbaa nanu ngani kèseayo na kùgoo.