Yohanis 16:13 - Suri Latin

¹³ Nɔng Kuloya Tumu madhɛsɛna zugo lɔga ku dhere hunde ale kunde, dhugunnogung bhɛa lɔga Tumu anɛa dhere na gao kumulɔng. Na nɔng ale yokkono lɔga shikkana bhɛa nanu sɔng. Ga sabbaa nɛnɛ ngayokkonoo dhul. Na chɔɔ ale yokkogung lɔkte ale ngani ɛrrinyaye.

Yohanis 16:13 ပူးပေါင်းရင်းမြစ်များ

Yohanis 12:49

Anye huna bere koyogɛsɛni zugo lɔgɔ, ga sabbaa nanu ngani kòyogɛsɛo. Bere koyogɛsɛni ga ajjanyi :Babaa nanu ekkononyi sɔng. Na ngalɔktonu hunde a lɔk giyong na kèe kòyogɛsɛ ɛnɛngge bere madhdhaganyi :nɛa na ajjanyiyɔ.

Yohanis 14:17

Nɔng ngandonu a Kuloya Tumu dhugunnono lɔga ku dhere. Na yɔk zuga marrɛa Tumu ale marrɛ nɔng ke ngaya ngaorɛo na imagɛye. Na nɔng igge gaoyɔ ke ngaya ɛlɛo ko nɔng kari na anɛo dhɔnɛye.

Yohanis 14:26

Nɔng Baba nanu ale ittonnogung Kuloya Nɛnɛ sara ganyu. Na ngakuloytonu anna Irishshongngu igge. Na ale madhdhagung lɔgɔ kumulɔng na chɔɔ bhɛsseung sabbi na kadhdhano lɔga bere koyokkogungu kumulɔng.

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 15:26

“Nɔng anye ale kekkogung Hira ɛlla ko Baba nanu Irishshongngu igge. Nɔng ngandonu a Kuloya kunno bhɛa Babaa nanu na dhugunɛsɛna zugo lɔga ku dhere. Na nɔng hunde ale kunde, kɔbhɛsɛn zugo lɔga ganyu.

Yohanis 16:12

“Nɔng anye ngani kɔlɔmi lɔga bo mɛra dhogoy keni kòyogogungɔ. Na nɔng mɛa hunde kòyogogungɔ, bhee ungusɛɛno na gayɛo ninggɛ.

Yohanis 3:32

Nɔng yokkono lɔga orrono kawarre ko ga shikkana nyabha na yɔk zukte hinnɛ lɔga gɛnyɛ ninggɛ.

Yohanis 8:38

Yɔk ngalɔkta koyokkogungge agga bere korroni huna kɛllo ko Baba nanu. Na ko igge messo lɔga bere shikkano bhɛa babaa nu.”

Zuga Kèkko 11:28

Na bhɛa nɛ toye hirre kèe Agabhos bana na yogo lɔga ajjɛa ꞉Kuloya Tumu na seu, “Ale baa Rome kumulɔng ba a hozzoa bo.” (Yɔk ngalɔkta dha bere hɛ na bhugnyɛsɛnɛ bɛrgua bere Kilawdi anɛa komoruya Rome.)

Zuga Kèkko 20:23

Yɔk oree kɔgɔɛye kumulɔng hunde ale kìchibbony na kɔchɔllanɛnde Kuloya Tumu nɔng wa ibbayanyɔ. Gee kagga ꞉anyoye a ngagiya.

Zuga Kèkko 27:24

na seaganyɔ, ‘Bhaulose! Bho ngaɛngɛrsi! Maya ale chili bhɛa Komoruya Rome bo sabbɔ, na aynde Tumu chirbhisɛɛ ngazukta dheo kari na ale ibbaysɛɛye.’

2 Tɛsɛlongke 2:12

na aynde Tumu kedhdhɛ lɔga ngazuktonu bu dɛllɛ lɔga gɛrsa na ga ku dhere ngayɛbhɛoye kumulɔng na attiɛye.

2 Tɛsɛlongke 2:3

Alala! Na ngakitabhtung :zugu lɔk genne. Nɔng ngakoleonu hunde ngani kubhugnyɛsɛoye, ale zuga bo mɛra dhɔttɛ Tumu na Hira Marra Tumu ko damiya nɛnɛ dhuguninya na kàgayɔ. Nɔng ngahirronu ale iggarisi :Tumu,

1 Yohanis 2:20

Na nɔng igge annaa bere kùhudhtongngɔ Kuloya Hira Kullɛna na lɔga ku dhere gao kumulɔng.

1 Yohanis 2:27

Nɔng igge anno zuga bere kùhudhtongngɔ Kuloya Hira Kullɛna na ngani ɛllo ko nɔng kari ke dhɔnɛ na bhee madhdhɛung :hir konnɔ ninggɛ. Nɔng ngakuloytonu madhdhagung lɔgɔ kumulɔng. Na lɔkte madhdhagungge agga ku dhere, ga ku butomo ngayo. Na mɛa igge tɛldi ko Kirisos kari ke dhɔnɛ damiya bere dhugunnogɛungu :Kuloya Tumu.

1 Yohanis 4:6

Nɔng agge kanno zuga Tumu. Na zukte gaɛ Tumuye, lɔga gayo shikkɛyɔ. Na yɔk gee zuga Tumu ngayoye, agge ngashikkeyɛo. Ngaya a bhee kàggaɛ lɔgɔ hunde agga kuloya ku dhere oo hunde agga kuloya ku butogiye.

1 Yohanis 5:6

Nɔng Yesus Kirisos a hira bere kunno ba na kùchurro ma na koo hunaa kìlakkaye kalgallayɔ. Na huna bere kunno ba, bhee bere kunɛ na kùchurɛ ma sɔng ngayo. Bere kunno na kùchurro ma na koo iho na kìlakka na kalgallayɔ. Na lɔga gɛnyɛ zugo kɔbhɛsɛn :Kuloya Tumu ke ngaya Kuloya Tumu anɛ na ku dhereye.