Yohanis 15:5 - Suri Latin

⁵ “Nɔng anye kani woyn bhɛa ku banggurra na igge anno hana ku lɛwanya. Na hirre kɛllo ko anye kari na ngakegenɛnooye, nɔng ale dhungngana kawarte mɛri. Na ko igge hunde dhɔttanyu na kari ngani ngakɛlloye, lɔkte messo bhichang ninggɛ dhul.

Yohanis 15:5 ပူးပေါင်းရင်းမြစ်များ

Matiyos 13:21

Na koo ɛllanɛa bhe chinyi ke ngaya sinda shɛɛ ningginɛnɛye. Na hunde chɔllanɛnɛa lɔga Tumu oo kàhangɛa lɔga Tumuye, dhɔttɛa ngalɔkta yɛbhbhɛye shaw hung.

Yohanis 12:24

A challi, ga shigitɔ! Hunde gɔraya ku duguy dhɔnɛ ba ngani kɔngɔɛsɛo na kumujjuyooye, i ke ngakawaritonu dhɔnɛnɛ. Na nɔng hunde mujjuaye, dhumuttana na eggissono kawarte mɛri.

Yohanis 15:16

Nɔng igge annaa ngani bɛrtaganyuo. Na nɔng anye annaa bere kɛbɛraungɔ na ago na dhungga kawara bo mɛra ɛlla dhul ko kingi. Hunde messo ngangaye, lɔkte hinnono na ogollo Baba nanu sara ganyuye, kumulɔng ajjunggɔ.

Yohanis 5:19

Na Yesus yagɛsɛ na sɛɛsɛ, “A challi, ga shigitɔ! Lɔkte me :Eriya Tumu bhichang ninggɛ. Nɔng me lɔga orrono bhɛa Chɔgɔnɛ sɔng. Yɔk lɔkte me :Chɔgɔnɛye ko nɔng messɔ.

Yohanis 9:33

Na hunde ngahirra Tumu ngaekkono na kuni, anda bhee messɛ lɔkte ku nganga ninggɛ.”

Zuga Kèkko 4:12

“Hira bere ekkono ꞉Tumu na kabayɛ ꞉zugu a Yesusi dhɔnɛnɛ. Sarre bassɛ ꞉zugu lɔga gɛ gɛrsa bay ngaya, gena ninggɛ dhul.”

Yaykob 1:17

Yɔk lɔkte chal tuhinɛ na ɛl hurrte kumulɔng hony surr tumɔ bhɛa Babaa na Tumu, bere ghendono su ko tagi ko munyunya. Nɔng chɔɔ anna ngabhɔdhinɛnao na ziggoo huna rijjuny.

2 Betiros 3:18

Na igge mɛdhta na iriytɛ lɔga bere ɛdhɛttanɛiy :Komoruya na Ibbayseiy agge Yesus Kirisosi, ko lɔga gayɛo nɔng. Na mɛa diram any kete na nɛnɛ, na kɔtɔlɔ dhul ko kingi, Amen.