Yohanis 15:26 - Suri Latin

²⁶ “Nɔng anye ale kekkogung Hira ɛlla ko Baba nanu Irishshongngu igge. Nɔng ngandonu a Kuloya kunno bhɛa Babaa nanu na dhugunɛsɛna zugo lɔga ku dhere. Na nɔng hunde ale kunde, kɔbhɛsɛn zugo lɔga ganyu.

Yohanis 15:26 ပူးပေါင်းရင်းမြစ်များ

Yohanis 14:26

Nɔng Baba nanu ale ittonnogung Kuloya Nɛnɛ sara ganyu. Na ngakuloytonu anna Irishshongngu igge. Na ale madhdhagung lɔgɔ kumulɔng na chɔɔ bhɛsseung sabbi na kadhdhano lɔga bere koyokkogungu kumulɔng.

Yohanis 16:7

Na nɔng mɛa ga shigitɔ! Nɔng anye ngaya keni kɔ̀gɛye, bhɛa nu a challi. Nɔng hunde ngakɔgɔyoye, bhee ale kunɛ :Hira Irishshongngu ninggɛ. Na nɔng hunde kokkaye, ale kekkon nɔng na assanunggɔ.

Yohanis 8:42

Na sɛɛsɛ :Yesusi, “Hunde Tumu kete Baba nu, anda ibhbhaganyu hinisi, ke ngaya bere kugunɛ bhɛa nɛnɛ na mɛa kihɛ ngayaye. Anye bere ekkononyi :nɛa. Sabbaa nanu ngani kèseayo na kùgoo.

Zuga Kèkko 1:4

Na kali kona hunaa ɛlla kari bhɛa aminɛnɛaye, aynɛ lɔgɔ na sɛɛsɛ, “Tɛldi Yerusalemɔ ngaya dirr ko bhee ajjɛung ꞉Babaa Nanu Kuloya Nɛnɛ damiya bere bhiikkagungu ꞉nɛa na koyokkogungu ꞉anyo.

Zuga Kèkko 15:8

Na Tumu, Komoruya gaa zugo hinisi, dhɔlɛsɛ bhɛa hinɛa yɔk na aynɛ Kuloya nɛnɛ damiya bere ajjɛiy agge.

Zuga Kèkko 5:32

Na Tumu bɔɔ aynɛa zuga igomɛsɛnɛa nɔng Kuloya nɛnɛ. Na agge ko Kuloya Tumu kanno ga bɔɔ korrono ngalɔkta bansanɛ ꞉Yesusi rɛsɛyɔye kawarre na koyogɛsɛno zugo.”