Yohanis 15:2 - Suri Latin

² Na kedhdhana lɛwanyaye ujjonɛ bhɛa nanu na kawarɛ ngadhungnganɛoye bhoy na ujjuktɔ. Na yɔk gee dhungnganɛ kawarɛye, me shɛɛ na kedhdhana na kɔshɔyay :lɛwanya genne na keggiyo kawarte mɛri jorronɛ ga bɔɔ sabbune.

Yohanis 15:2 ပူးပေါင်းရင်းမြစ်များ

Matiyos 13:12

Nɔng inde ga bhoye, ale kɔ̀tɔrɛ bhɛa gayɛa bho na ga goore. Na nɔng inde bho ngagayoye, chɔɔ lɔkte kesea gaye, kɛ̀hɛyɛyɔ.

Matiyos 13:33

Na ɛlɛhɛnɛsɛ lɔk gena sɛgɛn na sɛɛsɛ, “Lɔga lɔmɛa :Komoruya tumony zugo hɛt ko bhoguma ibhbhana :tɛriyɔ na gachiyɛa gutumaa anda kàmankeono gɛla kɛngi hayna ko bhee gutuma ɛbbɛginɛnɛ kumulɔng.”

Matiyos 15:13

Na nɔng yagɛsɛ na sɛɛsɛ, “Yɔk kɛnde Baba nanu iho tumɔ ngani kimmoye kumulɔng, ale kùbuchchono ko sindaye kari.

Matiyos 21:19

Na koo daga chamochi kona ganggu dheyyɔ, na ogo jaa na gɔnyu na aru hunde lɔ nyawa sɔng na kawarɛ ninggɛ dhulde. Na sɛɛsɛ, “Ngakɛta, kalda wurtɔ kawarɛ sɛgɛn ngadhungngani dhul ko kingi!” na chamochiyaa gina dhɔrɔgu ke tiri.

Matiyos 25:29

Anye bhee kesennagɛung ngangaye a ore go, hirre lɔ ahaye, nɔng ga gɛnyɛ kɔ̀tɔrɛ na a mɛri. Na nɔng inde ngalɔmmoye, chɔɔ gee kesea lɔmbe kìbhbhana na kɛ̀hɛyɛyɔ.

Matiyos 3:10

Nɔng chɔɔ mɛa wa ojja bheya nɛnɛ kɔk na kɛtɛngɛdhay kɛnde kawara challa ngadhungnganɛoye. Na hunde tɔlɔ gee kawara challa ngadhungnganɛoye, kedhdhana rang na chɔgɛ go.

Matiyos 3:12

Nɔng chɔɔ mɛa toye galiya ɛbbɛgɛa liwa lɔ siyɔ, na ale ɛbbɛk liwaa gɛnyɛ na kayeono na kawarɛ oy balanggigiye na hunggoga chɔgɛ goa ngadhittinɛnao dhul ko kingi.”

Matiyos 7:19

Na kɛnde kawara challa ngaeggissonɛoye kumulɔng, kègedhdhana na kɔ̀chɔgɛ go.

Markos 4:20

Na ko yɔk gen hɛt ko ngaduguya ngɔsɛnɛ bhɛa mɔdhɔsaye. Yɔk ngazukta ku ngangaye hunde shikkɛ lɔga Tumuye, lɔmmɛ hinisichinne na eggissonɛ shɛɛ. Na kona eggiyo gee ku 30, na kona eggiyo gee ku 60, na kona eggiyo gee ku 100.”

Yohanis 15:1

“Kɛya ku woyna ku dhere kani :anyo. Na nɔng Baba nanu a hira ulalnɛna.

Yohanis 15:16

Nɔng igge annaa ngani bɛrtaganyuo. Na nɔng anye annaa bere kɛbɛraungɔ na ago na dhungga kawara bo mɛra ɛlla dhul ko kingi. Hunde messo ngangaye, lɔkte hinnono na ogollo Baba nanu sara ganyuye, kumulɔng ajjunggɔ.

Yohanis 15:3

Na igge mɛa ɛllo hurr ke ngaya yɛbhɛo lɔgaa kamadhdhagungu :anyoye.

Yohanis 15:6

Nɔng hirre ko anye kari ngakɛllooye, heo lɛwaya kùjjukko na dhɔrɔgɔsa. Yɔk lɛwanyaye ku ngangaye, kùmukkana na kujjugɛsɛn go toye na ambɔ.

Yohanis 15:8

Na hunde dhungga kawarte mɛri na dhɔlda bhɛa anɛo zuga kɔbhbhanyu anye dhere, anda ajjɛo Baba nanu diram.

Yohanis 17:12

Anye huna bere kɛllo ko yɔk kari annaa kɛbhɛkka barartina sara gunyu bere ajjanyi kɛr. Na bhɛa zuga bere ajjanyi chɔɔ dhɔnɛ ngani kiggarisiyo dhul. Nɔng inde keninya na garase a eriya ku kuhuyagiya bere kènno kurruknyɛsɛ :lɔga bere kɔ̀gɔdhdhɛsɛna Dadabinyaa Lɔga Gunyu.

Tito 2:14

Nɔng anna bere rɛsɛiy agge na kibbayseiy lɔga gɛrsa kumulɔng na kète zuga gɛnyɛ ridhing ningginɛna na hinisiya ga kɔshɔya na kèmesigi lɔga challa hinno :nɛa.

1 Yohanis 2:19

Yɔk ngazukta ku mirɔga Kirisosiye bere anna zuga ga kàgachcha Tumu kari. Na koo dhɔttiy na ago ke ngaya dha bere zuga ga dhere ngaanɛoye. Yɔk hunde bere kete zuga ga kàgachcha Tumu kari dhere, anda bɔɔ ngadhɔttiyɛo na hɛyo. Na yɔk ngaya bɔɔ dhɔttɛiyɛ na hɛɛye, dhugunnono bhɛa yɔk zuga ga kàgachcha Tumu kari dhere ngaanɛayo.