Yohanis 15:18 - Suri Latin

¹⁸ “Na hunde tamartung :zuga marrɛa Tumuye, tagatɔ hunde a zuga bere marrananyɛa anye kingiye.

Yohanis 15:18 ပူးပေါင်းရင်းမြစ်များ

Matiyos 10:22

Na zugo kumulɔng ale marrungɛ ke ngaya yɛbhbhɛanyu anyeye. Na nɔng inde iriynɛ na yɛbhbhany anye ko bhee jagarɛ rɛsɛye, ale bassɔ.

Matiyos 24:9

Na igge ale ibhbhongɛ :zugu na hɛyɛungɛ bhɛa chɔllayɛa zugo na nissongɛyɔ. Na bhorinya kumulɔng ale marrungɛ ke ngaya yɛbhbhɛanyu anyeye.

Matiyos 5:11

“Na ko igge hunde dhɔmmungɛ :zugu na maggagungɛ lɔga bo mɛra ku kuhu na hangngungɛ ke bhɛa kɔbhbhɛanyu anyeye, anno tuhinɛ.

Markos 13:13

Na zugo kumulɔng ale marrungɛ ke ngaya yɛbhbhɛanyu anyeye. Na nɔng inde ujjɛsɛn hini bɛ na yɛbhbhany anye ko bhee jagarɛ rɛsɛye, ale bassɔ.

Yohanis 16:1

“Anye bhee koyokkogɛung ngalɔkta kumulɔngge, keni yɛbhtanyu anye na hunde illobbungɛ :genneye, ngadhɔyɔ ngaya yɛbhbhɛanyuye.

Yohanis 16:33

Na ngaya koyokkogɛung ngalɔktaye keni tɔlɔmɔ zany na tɛldi ke na bo challa ke ngaya yɛbhbhɛanyu anyeye. Nɔng hunde ngani bhakko ba ngayaye, ale chɔllanɛno goore. Na chɔyɛsɛ hinisi bɛna na te dhandali! Nɔng anye wa kɔmɔgga barartina bany kumulɔng.”

Yohanis 3:20

Yɔk zuga messɛa kuhuyamo kumulɔng marrɛ hɔldin. Se lɔga gɛ gɛrsa ngakudhugundiyaa na aynde gɔra hɔldinuny ngahonynyɛoye.

Yohanis 7:7

Yɔk zuga bhakkɛa ba bhee marrɛungɛ igge ninggɛ. Nɔng anye marranyɛ ke ngaya kudhugunɛsɛn lɔga messɛa :yɔkku ku kuhuyamoye.

Zuga Kèkko 14:22

na kiriyi zuga bɔɔ yɛbhbhɛa Yesus na kete dhandali. Na madhtɛsɛ lɔgɔ na seyɛsɛ, “Hunde kèe kago bhɛa Tumu na kɔtɔlɔmiy ꞉nɛaye, maya kinyim chɔlla goore.”

Yaykob 4:4

Ngazukta sabbi dhittinɛ hɛtto ko tɛrroa messɛa lollumoye, ngaya ganɛnɛo ko lɔga banyde, hunde a bhɛa marnɛnɛo ko Tumuye, imaggoyɔ dha? Hirre se kete dehunya zuga marrɛa Tumu nɔng a mirogiya Tumu.

1 Yohanis 3:1

Ga gɔnyigi ngaya ibhbhagɛiy :Babaa Na hini na yellɛiy goore na ojjiy na kèliyey erroa Tumuye! Nɔng ngadamita bere ojjɛiy :nɛaye, agge kan erroa gɛnyɛ dhere! Na nɔng bhee imaggɛiyɛ :zuga marrɛa Tumuye, a ngaya imagɛ Baba Na Tumuye.

1 Yohanis 3:13

Ngazukta kɛ̀yɛbh Yesuse, hunde tamartung :zuga marrɛa Tumuye, igge ngadɛɛsso.

1 Yohanis 3:3

Na gee ibhɛsɛnɛ ngalɔkta hinisiye kumulɔng onynyonɛ ridhingɛa gɛ na a zuga hɔla ridhing ningginɛna ngadamita Kirisosiye.