Yohanis 15:16 - Suri Latin

¹⁶ Nɔng igge annaa ngani bɛrtaganyuo. Na nɔng anye annaa bere kɛbɛraungɔ na ago na dhungga kawara bo mɛra ɛlla dhul ko kingi. Hunde messo ngangaye, lɔkte hinnono na ogollo Baba nanu sara ganyuye, kumulɔng ajjunggɔ.

Yohanis 15:16 ပူးပေါင်းရင်းမြစ်များ

Lɔgɔ Sabba 18:18

Nɔng ale ashaa gɛnyɛ a bhora bo ɔnnɛna. Na bhorinya kumulɔng ale tuhinɛnɛ nɔng.

Matiyos 21:22

Na mɛa igge hunde yɛbhɛ Tumu dhere, anda lɔkte ghinno hunde allinɛno ko nɔngge kumulɔng jɔanoyɔ.”

Matiyos 7:7

Ogolo Tumu, na aynde ale ajjung lɔkte ogolloye. Na lɔkte hinno bhɛa nɛnɛye lamitɔ, na aynde ale jɔanoye. Na elitɔ, na aynde ale ossogung tutukte.

Yohanis 13:18

“Yɔk ngalɔkta koyokkonde, ga gu kumulɔng ngayo. Yɔk zuga bere kɛbɛrrani :anyo kaggayɔ. Na yɔk lɔga bere kɔ̀gɔdhdhɛsɛna dadab sennɛa, ‘Hira kumullo tila kari wagagany na te mirogiya nanu’ maya urruknyɛsɛnɛyɔ.

Yohanis 15:19

Igge hunde te zuga marro Tumu dhere, anda yɔk ibhbhagungɛ hinisi huna zuga gɛ. Na nɔng mɛa bhee marrɛungɛ :yɔkkuye, a ngaya bere kɛbɛrranɛung bhɛa nɛ na anɛo zuga ganyuye.

Yohanis 15:5

“Nɔng anye kani woyn bhɛa ku banggurra na igge anno hana ku lɛwanya. Na hirre kɛllo ko anye kari na ngakegenɛnooye, nɔng ale dhungngana kawarte mɛri. Na ko igge hunde dhɔttanyu na kari ngani ngakɛlloye, lɔkte messo bhichang ninggɛ dhul.

Yohanis 6:70

Na Yesus yagɛsɛ na sɛɛsɛ, “Igge bhɛa anɛo tɔmmɔn ko ramman bere kɛbɛrranungu :anyo. Na nɔng mɛa bhɛa nu kona a Moldoy.”

Zuga Kèkko 1:24

Na alliyɛ ko Tumu na se, “Komorue, inye ani na gayi lɔga ɛsɛdhdhɛa ꞉zugu hinisichinne kumulɔng. Na mɛa bhɛa ngazukta ku rammande, ga dhɔlagiy inde bɛrran ꞉inyo na seni kɛsɛrɛ bhɛa Yihudha na keme lɔga gunyu bortɔ dhɔtta huna kɔa bhɛa bɔɔ hinno na rɛsaye.”

Zuga Kèkko 1:8

Na nɔng hunde ale ngɔssagung ꞉Kuloya Tumuye, jɔano barartin na anno zuga yokko lɔga ganyu Yerusalemɔ ko baa Yudha ko baa Samariya kumulɔng ko bhee uturronɛ ba.”

Zuga Kèkko 10:41

Na huna bere dhɔllana rɛ, zugo kumulɔng ngani kargito. Bere korro ꞉aggeu sɔng, zuga bere bɛrraniy ꞉Tumu sabbɔ. Na chɔɔ huna Yesus bansana rɛsɛyɔ, agge kanno zuga bere kɛllo ko nɔng na kumulnɛno kari.

Zuga Kèkko 22:14

“Na seagany, ‘Inye wa bɛrayinyɔ ꞉Komoruya kokonginyaa ga na tak lɔga sennana ꞉nɛa na ar Hira Ridhing Ningginɛna na shik lɔga yokkono ꞉tuga nɛnɛ.

Zuga Kèkko 9:15

Na nɔng Komoru sɛɛsɛ, “Ay! Ogo assa! Nɔng a hira bere kɛbɛrrani ꞉anyo na koyogɛsɛ bhorinyaa anaa ko komortɛna gɛ ko zuga Isirayeli sara ganyu.

1 Timotiyos 2:7

Na ngagiya a lɔkte bere kìbhbhanɛany anye na kàjjɛany buyna koyogɛsɛni zugo kamannaa challa na kòjjɛany ke hira ekonyi :Yesusi, kamadhɛsɛni bhorinyaa anaa bhɛa kɛ̀yɛbhɛa kamannaa challa ku dhere dibte. Nɔng anye koyokkon lɔga ku dhere, butomo ngakɛmɛzziiyo.

2 Timotiyos 1:11

Na chɔɔ ko anye annaa bere kɛ̀bɛrtaanyɔ na ketewa hira kɔɔbhɛsɛni zugo lɔgɔ ko na kèkkonyi na kamadhɛsɛni zugo ngakamannaya chalde.

2 Timotiyos 2:2

Na lɔga bere shikkani bhɛa nanu huna bere kamadhɛsɛni zugo ga mɛra, ko inye madhɛsɛ gee yɛbhi anda gaɛ bhɛa madhɛa zugoye.

Tito 1:5

Huna bere kɔdhɔttinyi Keritɔ, annaa kajjinyi lɔgɔ na keni dheya lɔga bere dhɔynɛna na kɛtɛldi dib. Na bɛra zugo bhɛa zuga yɛbhbhɛa kamannaa Yesusi oree oree na kete zuga bibiyo lɔmmɛa zuga yɛbhbhɛa Yesus.

Yaykob 3:18

Nɔng hira ɛngɛriseo zuga ɛkkɛnyannɛna na hinisi ɛllanɛa bay, heo hira dukko dugua challa. Na ngaduguonu dukte ale chillɛa na eggissonɛa kawara challa ridhing ningginɛna.

1 Yohanis 4:10

Nɔng ngaya ibhbhagɛiy :Tumu hiniye, ke bhɛa bere kìbhɛsɛna :aggeu hinisi ngayo. A ngaya ibhbhagɛiy :nɛa hini na ittonnonɛ Eriya Nɛnɛ na sɛrɛɛ bhɛa lɔga ga gɛrsa na kàttiyɛ na rɛsɛiy aggeye.

1 Yohanis 4:19

Nɔng Tumu annaa bere ibhagiyɔ hini sabbɔ, na aynde mɛa ko agge kìbhɛsɛn nɔng ko zugo hinisiye.