Yohanis 15:15 - Suri Latin

¹⁵ Na igge kalda wurtɔ anye gaymanya ngani ngakeleungo ke ngaya gaymay lɔga messo :gulsaa nɛnɛ imagɛye. Na mɛa anye keleung dehunyɛa ganyu ke ngaya wa kudhugunnogɛung lɔga bɔɔ kishikkani bhɛa Babaa nanu kumulɔngge.

Yohanis 15:15 ပူးပေါင်းရင်းမြစ်များ

Matiyos 13:11

Na nɔng yagɛsɛ na sɛɛsɛ,“Yɔk bhee kɛ̀lɛhɛnɛsɛn lɔgɔye, a ngaya igge bhɛa gayɛo lɔga munnɛna lɔmɛa :Komoruya tumony zugo, bere kàungɔ, na yɔk ngani kàyɛoye.

Yohanis 12:26

Inde kachanyde, any kɔɔbhany anye. Na aynde ko nɔng ale i bhee kihɛ :anyoye. Nɔng hirre kachanyde, ale dhɔng :Babaa nanu na ajjɛ diram.

Yohanis 13:16

A challi, ga shigitɔ! Bhɛa gaymayuny, bu komoruya nɛnɛ. Na ko nɔng bhɛa hira kèkko, bu hira eginɛna.

Yohanis 15:20

Ga tunggɛsɛ lɔga bɔɔ koyokkogungu na kesennagungu, ‘Bhɛa gaymayuny, bu komoruya nɛnɛ.’ Yɔk hunde kete zuga bere bhɛkkɛa lɔga ganyu, anda ko yɔk bhɛkkɛ lɔga madhɛsɛno :iggeu. Na hunde agga bere hanganyɛa anyeye, ko igge ale hangungɛ nganga.

Yohanis 16:12

“Nɔng anye ngani kɔlɔmi lɔga bo mɛra dhogoy keni kòyogogungɔ. Na nɔng mɛa hunde kòyogogungɔ, bhee ungusɛɛno na gayɛo ninggɛ.

Yohanis 17:26

Nɔng anye annaa bere kudhugunɛsɛu yɔk lɔga gunyu na chɔɔ ale ngani kudhugunɛsɛn dirr, na ko yɔk kibhtɛsɛ zugo hinisi ngadamita ibhbhagɛany anyeye. Na kɛ̀tɛldo ko yɔk kari na kèteo dhɔnɛ.”

Yohanis 20:17

Na sɛɛsɛ :Yesusi, “Ga ngaibhbhonyi ke ngaya mɛa bhɛa Babaa nanu ngani kàbanɛo na kɔ̀gɛoye. Na nɔng mɛa ga ok na yogɛsɛ gochonginyaa ganyu na sɛɛsɛ, ‘Wa seaganyɔ, “Mɛa anye kani nganda kabansi na kɔgɔ bhɛa Babaa nanu ko naa nuye, ko bhɛa Tumu Komoruya nanu ko naa nuye.”’”

Yohanis 4:19

Na tɛri seu, “Komoru, inye hunde ani hira yogɛsɛni zugo lɔga dhugunono :Tumuye, wa kataginyɔ.

Yohanis 8:26

Yɔk lɔkte kɔlɔmi :anyo na keni kòyogogung na kùjjugayɛungge a mɛri. Na nɔng hira bere ekkononyi a hira yokkono lɔga ku dhere. Na lɔga bere kishikkani bhɛa nɛnɛ, anye mɛa koyogɛsɛn zuga bhakkɛa ba kumulɔng.”

Zuga Kèkko 20:27

Anna bere kudhugunogungɔ lɔga hinnogungu ꞉Tumu kumulɔng na lɔkte kɛmɛsɛung igge na kɔdhɔyi ninggɛ dhul.

Silimona 1:16

Na nɔng hunde kalda wurtɔ ale bhakko kariye, gaymay ngani ngaanno. Na chɔɔ ale jorrono bhɛa bere anɛa gaymay na heo ko gochonga nunu ku tull. Nɔng chɔɔ ko hunde bhɛa nanu kete gochonga kibhinɛno hinisi, inye kalda jaraany anye na ibhtɛ hinisi goore ke ngaya ale anɛo dehunyɛa na chɔɔ bhɛa Komoru Tumu anɛo gochonginyaye.

Yaykob 1:1

Ngadadabta kɔgɔdhdhagung :anyo Yaykobi, hira kagayi Tumu ko Komoru Yesus Kirisos. Na kittonnogung igge, ngagettoya ku 12 bere bhassanyɛsɛno ba kumulɔngge. Na kissaunggɔ, anno challi hung?

Yaykob 2:23

Dadaba lɔga Tumu annaa senno, “Awuraham yɛbhu Tumu. Na yɛbhaa nɛnɛ gɔnyu :Tumu na bhɛa nɛnɛ te hira bo hɔla ridhing ningginɛna.” Na ngalɔkta urruknyɛsɛ na ko mɛa toye Awuraham keli “Dehunya Tumu.”

2 Betiros 1:1

Ngadadabta kɔgɔdhan :anyo Simon Betirosi, hira kagayi Yesus Kirisos, bere bɛrrananyi :nɛa na ekonyi. Na kɔgɔdhdhagung igge, ngazukta bɔɔ ngani yɛbhbhano Yesus Kirisos damiya bere nayoye. Nɔng Yesus Kirisos Komoruya na Ibbayseiy agge, anna ridhing ningginɛna. Na aynde bere ajjɛiy bhɛa kɛ̀yɛbhɛa nɔngge.

Yihudha 1:1

Ngadadabta kɔgɔdhan :anyo Yihudha, hira ku gochonga Yaykobi kagayi Yesus Kirisos. Na kɔgɔdhdhagung igge, zuga bere ibhbhagungu :Babaa Na Tumu hini na eleongu na bhɛkkungu na ale lɔmmungu :Yesus Kirisosi.