Yohanis 15:1 - Suri Latin

¹ “Kɛya ku woyna ku dhere kani :anyo. Na nɔng Baba nanu a hira ulalnɛna.

Yohanis 15:1 ပူးပေါင်းရင်းမြစ်များ

Matiyos 15:13

Na nɔng yagɛsɛ na sɛɛsɛ, “Yɔk kɛnde Baba nanu iho tumɔ ngani kimmoye kumulɔng, ale kùbuchchono ko sindaye kari.

Matiyos 20:1

Yɔk lɔga lɔmɛa :Komoruya tumony zugo hɛt ko lɔkte dha bere me :hirre lɔ gua woynunyde. Nɔng dha bere bansana bhorroyɔ shaw na lameono zuga senno kagadhi na kemesɛ gua nɛnɛ.

Matiyos 21:33

“Na mɛa ga kɛ̀lɛhɛnagung lɔk gena sɛgɛn. Dha bere lɔ hirre lɔ gua woynuny. Na koo luk dhey dhey kumulɔng na bhɔgɛsɛn loga ale kùchudhdhanɛa. Na kɔdhdhɛsɛn chɔɔ hayua kɛ̀bhɛgɛa. Na koo dhɔyɛsɛn zuga kɔhinɛna gena na kɛbhɛgɛ na ale kagadhi ahaa suneonɛa gena. Na nɔng kɔ ɔr konnɔ rɛna.

Markos 12:1

Na koo ɛlɛhɛnɛsɛ lɔk gena na sɛɛsɛ, “Hir kona bere lɔmma gua bo goore na immo woyn na lukko sari na kɔdhdhɛsɛna hayua kɛ̀bhɛgɛa na bhɔkkana loga ale kùchudhɛa. Na koo dhɔyɛsɛ zuga kɔhinɛna gena na kɛbhɛgɛ na ale kagadhi ahaa suneonɛa gena. Na nɔng ogu ɔr konnɔ rɛna.

Yohanis 1:17

Nɔng Damiya Tumu annaa bere kàjjɛa Muse na koo ajjiy agge. Na yɔk lɔga Tumu ku dhere ko bhɛa ɛdhdhɛttannɛiy :nɛa annaa dhɔlagiyɔ :Yesus Kirisosi.

Yohanis 1:9

Nɔng hɔldina ku dhere bhelegɛsɛna zugo ganggua basseyny dha bere anna bo kunno na senno kassa zuga bhakkɛa ba kumulɔng.

Yohanis 15:2

Na kedhdhana lɛwanyaye ujjonɛ bhɛa nanu na kawarɛ ngadhungnganɛoye bhoy na ujjuktɔ. Na yɔk gee dhungnganɛ kawarɛye, me shɛɛ na kedhdhana na kɔshɔyay :lɛwanya genne na keggiyo kawarte mɛri jorronɛ ga bɔɔ sabbune.

Yohanis 6:32

Na nɔng Yesus sɛɛsɛ, “A challi, ga shigitɔ! Ngatilaya ku dhere kòhonyɛ tumɔye ajjung :Babaa Nanu. Muse ngani kaungo

Yohanis 6:55

ke ngaya ayuga rɛa nanu anɛ amissɛa ku dhere na nyawaa ganyu anɛ gala kàmatta ku dhereye.

1 Yohanis 2:8

Na yɔk ngagiya kɔgɔdhdhagung mɛa toye na kajjungge, agga ngani ɛrrinyana. Yɔk ngalɔkta agga ku dhere bere korro :aggeu bhɛa Yesusi ko bhɛa nu kari. Bhee anɛ dhereye a ngaya kɔrrɔyn bhɛa nu dha bɔɔ kɔ̀ggɔytay na goore tawalɛ :hɔldina Tumu ku dhereye.