Yohanis 14:9 - Suri Latin

⁹ Na Yesus yagɛsɛ na sɛɛsɛ, “Yee! Bhilibhos, kèe bere kɛllana ko igge kari kingi na ko mɛa toye imagganydɔ? Nɔng inde orrony anyeye, ngangaye aru :Baba nanu. Na mɛa inye sennagany, ‘Ga dhɔlagiy Baba nunu’ ɛnɛng?

Yohanis 14:9 ပူးပေါင်းရင်းမြစ်များ

Lɔgɔ Sabba 26:9

Na egu hiri na kelɛɛsɛ Isak. Na hunaa kunnoye, ghinu :komoruyɔ na sɛɛsɛ, “Ngaribika dha a tɛriya nunu so! Inye huna bɔɔ seni a ngonu, bɔɔ seni kɛ ɔng?” Na nɔng yagɛsɛ na sɛɛsɛ, “Bhee bɔɔ kesenɛ a ngɔnaye, a ngaya anɛ sedhdheya bo challa lɔmma ɛs na kɛngɛrsɛ zugo na keni ngakɔgɔndɛanyde.”

Markos 9:19

Na yagɛsɛ :Yesusi na sɛɛsɛ, “Ngatenyda Tumu ngayɛbhbhooye, ngangaye anye ale kàbhak kari dirr chɔɔ ore? Na lɔga gu ale kinyimi chɔɔ ore? Ga ayaganyu eri se!”

Yohanis 1:14

Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 10:30

Anye ko Baba nanu Tumu kanno dhɔnɛ.”

Yohanis 12:45

Na ko nɔng inde orrony anyeye, ngangaye aru chɔɔ hira bere ekkononyi.

Yohanis 14:20

Na ngakaldonu hunde ale kòrnɛ sɛgɛnde, ale gaoyɔ hunde dhaa anye ko Baba nanu kanno dhɔnɛ, na kɛ̀l ko anye kari na kan dhɔnɛye.

Yohanis 14:7

Nɔng hunde taktanyu anye dhere, anda ko nɔng Baba nanu bɔɔ takto. Na mɛa wa arto na takto. Na chɔɔ ale ngani gaoyɔ.”

Yohanis 8:19

Na yɔk ghini na seyɛsɛ, “Na chogonuye nunde i ori?” Na nɔng yagɛsɛ na sɛɛsɛ, “Anye ko Baba nanu igge ngagayiyyo. Nɔng hunde bɔɔ taktanyu anye, ko nɔng Baba nanu anda bɔɔ takto.”

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.