Yohanis 14:6 - Suri Latin

⁶ Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 14:6 ပူးပေါင်းရင်းမြစ်များ

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Yohanis 1:14

Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 1:17

Nɔng Damiya Tumu annaa bere kàjjɛa Muse na koo ajjiy agge. Na yɔk lɔga Tumu ku dhere ko bhɛa ɛdhdhɛttannɛiy :nɛa annaa dhɔlagiyɔ :Yesus Kirisosi.

Yohanis 1:4

Na Lɔgɔ a ɛnaa basseyny dhɔnɛnɛ. Na basseya nɛnɛ a hɔldina zugony.

Yohanis 10:28

Na kajjɛ basseya iho dhul na ngagarsɛ. Na chɔɔ inde ale mayichchonony bhɛa ɛlɛa siya nanu, ninggɛ dhul.

Yohanis 10:7

Na koo Yesus tɔrɛ sɛgɛn na sɛɛsɛ, “A challi, ga shigitɔ! Kartina tenya mɛdɛrniuny kani :anyo.

Yohanis 10:9

Nɔng waran kani :anyo. Na inde dhoony anyeye, bassɔ. Na chɔɔ tunnuk toye na bhono bhɔ. Na jɔana bhɛa ihɛa shɛɛ na ghɛnɛ ke na bo challa.

Yohanis 14:19

Nɔng anye ale kihon ungge muchugi na zuga marrɛa Tumu sɛgɛn ngaorronynyɛo dhul ko kingi. Na nɔng igge ale orronyu sɛgɛn. Na ko igge ale ɛllo basseyɔ ke ngaya anye kihɛ basseyɔye.

Yohanis 15:1

“Kɛya ku woyna ku dhere kani :anyo. Na nɔng Baba nanu a hira ulalnɛna.

Yohanis 18:37

Na nɔng Bhilatos sɛɛsɛ, “Yee! Noo, dhaa ani Komoru!” Na nɔng yagɛsɛ na sɛɛsɛ, “Ee! Nɔng ngaya sennagɛany Komoruye, seni shɛɛ chi. Nɔng anye bhee bere kìrrittonɛany na kugunɛ baye, kèe kɔ̀ɔbhɛsɛ zugo kumulɔng lɔga ku dhere. Na gee hinnɛ lɔga ku dhereye kumulɔng, lɔga koyokkoni :anyo shikkɛyɔ.”

Yohanis 5:21

Na ngadamita Baba Tumu dhɔngnganɛ zuga rɛsɛa na ajjɛ basseyte ko nɔng Eriya Nɛnɛ zukte hinnonoye, ajjɛ basseya iho dhul.

Yohanis 6:33

ke ngaya ngatilaya Tumuye anɛ na kunno tumɔ na ajjɛa zuga bhakkɛa ba kumulɔng basseyte.”

Yohanis 6:51

Tilaa basseyny bere kuguni tumɔ kani :anyo. Na inde am ngatilayaye kàjjɛ basseya iho dhul. Nɔng ngatilaya a ngaayukta nan ale kajjɛ zuga bhakkɛa ba kumulɔng na kɔtɔlɔmɔ basseyte.”

Yohanis 6:57

Na damiya bere ekkonɛanyi :Babaa Nanu lɔmma basseya iho dhul na ajjanyi ngabasseytonu, ko nɔng inde am ayuga rɛa nanuye, ale kajjɛ basseya iho dhul.

Yohanis 6:68

Na Simon Betiros yagɛsɛ na sɛɛsɛ, “Komorue, anda ale kɛhɛo bhɛa nini? Lɔga ajjiyɛa basseya iho dhul lɔmi :inyo.

Yohanis 8:32

Na hɛo na ale gao lɔga ku dhere. Na ngalɔktonu ku dhereye ale bhelekkogungɛ bhɛa hɔla.”

Yohanis 8:51

A challi, ga shigitɔ! Inde bhɛk lɔga ganyuye ale ko kingi ngani ngarɛsso dhul.”

Zuga Kèkko 3:15

Na ibhtao hira ajjiy bassey na indo. Na Tumu nɔng dhɔnga rɛsɛyɔ. Nɔng agge kanno zuga bɔɔ korrono ngalɔkta kawarre.

Zuga Kèkko 4:12

“Hira bere ekkono ꞉Tumu na kabayɛ ꞉zugu a Yesusi dhɔnɛnɛ. Sarre bassɛ ꞉zugu lɔga gɛ gɛrsa bay ngaya, gena ninggɛ dhul.”

Zuga Kèkko 9:2

Na ghinu na kɔgɔdhɛsɛ dadab na kɔgɛ na kayɛsɛ zuga ɛlla doriyoa madhinɛnɛa zuga Ayhudhi lɔga Tumu Dɛmaskogiye. Na hunde jɔana zuga kɔbhbhɛa Ganggua Yesusiye, kibh ga maya ko ga ngaha kari na kɔgɛ doraa chibinuny iho Yerusalemɔ.

1 Yohanis 1:8

Na ko hunde kèse, “Agge ridhing ninggɛnniyɔ,” nɔng kìtabh rɛhiya ga na chɔɔ lɔga ku dhere bhɛa na dhaa ninggɛ dhul.

1 Yohanis 2:23

Yɔk zukte imaggɛ Eriya Tumu tɔllɔngge kumulɔng, bhee ɛlɛ ko Baba Na Tumu kari ke dhɔnɛ ninggɛ. Na yɔk gee yɛbhbhɛ Eriya Nɛnɛye ɛl ko Baba Na Tumu kari ke dhɔnɛ.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.

1 Yohanis 5:6

Nɔng Yesus Kirisos a hira bere kunno ba na kùchurro ma na koo hunaa kìlakkaye kalgallayɔ. Na huna bere kunno ba, bhee bere kunɛ na kùchurɛ ma sɔng ngayo. Bere kunno na kùchurro ma na koo iho na kìlakka na kalgallayɔ. Na lɔga gɛnyɛ zugo kɔbhɛsɛn :Kuloya Tumu ke ngaya Kuloya Tumu anɛ na ku dhereye.

2 Yohanis 1:9

Yɔk zukte sɛchchɛ lɔga Yesusi na tɔrɛ ga sabbiya gɛ na lɔga bere madhinɛnɛa :nɛa ngamessɛo na mɛdhdhanɛoye kumulɔng, bhee ɛlɛ ko Tumu kari ke dhɔnɛ ninggɛ. Na yɔk gee ngani messɛ lɔga gɛnyɛ na mɛdhdhanɛye, ɛl ko Baba Na Tumu ko Eriya Nɛnɛ Yesus kari ke dhɔnɛ.