Yohanis 14:4 - Suri Latin

⁴ Nɔng gangguye kɔ bhee kɔgɔɛ :anyoye, igge gaoyɔ.”

Yohanis 14:4 ပူးပေါင်းရင်းမြစ်များ

Yohanis 10:9

Nɔng waran kani :anyo. Na inde dhoony anyeye, bassɔ. Na chɔɔ tunnuk toye na bhono bhɔ. Na jɔana bhɛa ihɛa shɛɛ na ghɛnɛ ke na bo challa.

Yohanis 12:26

Inde kachanyde, any kɔɔbhany anye. Na aynde ko nɔng ale i bhee kihɛ :anyoye. Nɔng hirre kachanyde, ale dhɔng :Babaa nanu na ajjɛ diram.

Yohanis 13:3

Na Yesus nɔng hunde a hira ajjɛa :Babaa nɛnɛ buyna lɔkkuny kumulɔng na kunno bhɛa Babaa nɛnɛ na ale wokko sɛgɛnde, dha bere gayɔ.

Yohanis 14:2

Doraa Babaa nanu hana kàbhakka a mɛri. Yɔk ngalɔkta hunde dhere ngaani, anda bere koyogogungɔ. Na mɛa anye ale kijimi sabbɔ na kojjogung hana bhakko kɔk.

Yohanis 14:28

“Yɔk ngalɔkta wa koyokkogung na kesennagung, ‘Nɔng anye ale kɔgɔ na kowokkon na kassanungge’ annaa shikto. Igge hunde te zuga ibhbhaganyu hinisi dhere, anda ngaya keni kɔ̀gɛ bhɛa Babaa nanuye hinisiya gu a hɔli ke ngaya Baba nanu anɛ na jorrononyi anyeye.

Yohanis 14:3

Na hunde kokka na kojja hana bhakko kɔk na te ushaye, ale kɔmɔttanung na kɔgɔyɛung na kàbhak bhee kihɛ :anyoye kari.

Yohanis 14:5

Na ghinu :Tomasi na sɛɛsɛ, “Komorue, agge gɔrre kɔɛye, kimaggoyɔ. Na gangguye dhoye, ale kaggao ɛnɛng?”

Yohanis 16:28

Nɔng anye annaa bere kabansani bhɛa ihɛa Babaa nanu na kuguni chɔɔ ba. Na mɛa ale kɔdhɔyi ba na kowogi bhɛa Babaa nanu sɛgɛn.”

Yohanis 3:36

Na hirre yɛbh Eriya nɛnɛye, lɔ basseya iho dhul. Nɔng inde Eriya nɛnɛ ngayɛbhbhoye, bassey ngajɔanao ke ngaya ngani lɔmɛɛn :Tumu lɔgɔye.”

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”