Yohanis 14:26 - Suri Latin

²⁶ Nɔng Baba nanu ale ittonnogung Kuloya Nɛnɛ sara ganyu. Na ngakuloytonu anna Irishshongngu igge. Na ale madhdhagung lɔgɔ kumulɔng na chɔɔ bhɛsseung sabbi na kadhdhano lɔga bere koyokkogungu kumulɔng.

Yohanis 14:26 ပူးပေါင်းရင်းမြစ်များ

Matiyos 1:18

Yɔk lɔga bere kùhudhukkonɛa Yesus Kirisos a ɛnɛnggeo, dha bere sedhdheyte kèe Mariyam tɔginɛnɛ :hirre kèe Yoseb. Nɔng ngasedhdheytonu a ngatɛrita ku mama Yesus Kirisosiye rɛ. Na dha bere huna ko hira nɛnɛ kari ngani kɛtɛldao, lɔmmana eri barartina Kuloya Tumu.

Matiyos 1:20

Na nɔng hunaa ngani ɛsɛdhdha ngalɔktaye, koo kunau na aru hira ekkono :Komoruyɔ Tumu. Na hiraa kèkkono sɛɛsɛ nɔng, “Ashaya Dawiy, Yosebe! Bhɛa seni ɔgɛ Mariyam ngaɛngɛrsi! Ngaerita lɔ kɛngɔye anna lɔmmana barartina Kuloya Tumu.

Matiyos 28:19

Na mɛa ago madhtɛsɛ bhorinya kumulɔng lɔga ganyu na kete zuga kɔbhbhanyɛa. Na churu sara Babaa na Tumu ko gaa Eriya Nɛnɛ ko gaa Kuloya Nɛnɛ,

Matiyos 3:11

“Nɔng anye mɛa kuchurrong ma hung ke bhɛaa dhugunɛsɛno Tumu lɔga gu gɛrsa na ujjugɛa. Na nɔng inde ɔnnɛ na jorronony anyeye ale kɔbhbhananydɔ. Nɔng bhɛa nɛnɛ, anye kani na chinynyo ghasura chɔɔ chahaa gɛnyɛ ngakɔlɔgɔniyo. Na ale churrong Kuloya Tumu ko gogiye.”

Markos 12:36

Nɔng Dawiy rɛ, kala bere ajjɛa :Kuloya Tumu lɔgɔ na yokkono, annaa bere senno, ‘Tumu Komoru wa sɛɛsɛa Komoruya nanu, “Anye ko bhee kɔmɔgɛ mirɔga gunyu na koddogɛsɛn ba na allinɛnɛ :inyo, ga tɛ siyɔ sɛtɛna nanu.”’

Markos 13:11

Na hunde ibhtong :zugu na aytɛung bhɛa senno kegendɛ lɔgɔye, igge ngakoleonu ngashurtɛ sabbɔ na se, ‘Na dha kalda kòyokkono giyong?’ Yokto gee yokkonoye hung ke ngaya lɔkte yokkonoye, ga sabbiya gu ngaannɛo na anɛ ga yokkogungu :Kuloya Tumuye.

Yohanis 12:16

Yɔk zuga kɔbhbhɛa nɔng dha bere sabbɔ hunde ngalɔkta kɔ̀gɔdhdhɛsɛn dadabte agga Yesusi na chɔɔ zugo nganga mesɛsɛnɛ nɔngge, ngani kutunggɛsɛo. Na koo ungusɛɛnɛ na kadhdhanɛ halɛ hunaa aleo Yesus banaa rɛsɛyɔ na tɔlɔma dirambe.

Yohanis 14:16

Nɔng anye ale kighini Baba nanu na kittonogung Hira Irishshongngu na tɛldi ko igge kari dhul ko kingi.

Yohanis 14:25

“Yɔk ngalɔkta kumulɔng, a ngagiya wa koyogogungɔ hunde ngani kɛ̀l ko igge kariye.

Yohanis 15:26

“Nɔng anye ale kekkogung Hira ɛlla ko Baba nanu Irishshongngu igge. Nɔng ngandonu a Kuloya kunno bhɛa Babaa nanu na dhugunɛsɛna zugo lɔga ku dhere. Na nɔng hunde ale kunde, kɔbhɛsɛn zugo lɔga ganyu.

Yohanis 16:7

Na nɔng mɛa ga shigitɔ! Nɔng anye ngaya keni kɔ̀gɛye, bhɛa nu a challi. Nɔng hunde ngakɔgɔyoye, bhee ale kunɛ :Hira Irishshongngu ninggɛ. Na nɔng hunde kokkaye, ale kekkon nɔng na assanunggɔ.

Yohanis 2:22

Na hunaa iho oynya gena na koo rɛsa na bansanaye, zuga kɔbhbhɛa nɔng katta ngalɔkta bere yokkonoye. Na koo yɛbhɛ lɔga bere kɔ̀gɔdhdhɛsɛna Dadaba Lɔga Tumu ko ga bere yokkono :nɛa.

Yohanis 20:22

Na hunaa yogoa ngalɔkta na tewa ushaye, hɔngɛsɛ na sɛɛsɛ, “Tɔlɔmɔ Kuloya Tumu.

Yohanis 6:45

Yɔk lɔga bere kɔdhdhɛsɛnɛa :zuga yogɛsɛnɛa zugo lɔga dhugunono :Tumu dadab annaa sennɛa, ‘Zugo kumulɔng ale madh :Tumu.’ Na ga kàmadhɛsɛna na shikkɛa lɔga Babaa Nanu kumulɔng ale hony gɔra nanu.

Yohanis 7:39

Nɔng Yesus dha bere hunde se ngangaye, dhugunɛsɛn zugo lɔga Kuloya Tumu, ale kàjjɛa zuga yɛbhbhɛa nɔng. Na dha bere ngakoleonu Tumu Kuloya nɛnɛ zugo ngani kaynɛo, ke ngaya kolea Tumu ajjɛa Yesus diram ngani keteyɛoye.

Zuga Kèkko 1:4

Na kali kona hunaa ɛlla kari bhɛa aminɛnɛaye, aynɛ lɔgɔ na sɛɛsɛ, “Tɛldi Yerusalemɔ ngaya dirr ko bhee ajjɛung ꞉Babaa Nanu Kuloya Nɛnɛ damiya bere bhiikkagungu ꞉nɛa na koyokkogungu ꞉anyo.

Zuga Kèkko 1:8

Na nɔng hunde ale ngɔssagung ꞉Kuloya Tumuye, jɔano barartin na anno zuga yokko lɔga ganyu Yerusalemɔ ko baa Yudha ko baa Samariya kumulɔng ko bhee uturronɛ ba.”

Zuga Kèkko 11:16

Na kagadhau lɔga bere yokkono ꞉Komoruyɔ na sennɛa, ‘Yohanis annaa churnɛna ma. Na nɔng igge ale kùchurrong Kuloya Tumu.’

Zuga Kèkko 13:2

Na kali kona yɔk hunaa ngani eterrisannɛa Komoru na chibbɛa rɛhi hozzoye, yogɛsɛ ꞉Kuloya Tumu lɔgɔ na sɛɛsɛ, “Ibhtaganyu Barnabas ko Saol na kemesigi zinggoa bɔɔ kelisɛni na kaynɛ.”

Zuga Kèkko 13:4

Na Barnabas ko Saol yɔk egu ꞉Kuloya Tumu na ago chɔɔ Selekiya. Na Selekiyagiye ngonu banda na ago gonggulɔ chɔɔ Kobhoros.

Zuga Kèkko 15:28

Na wa kamarakto na bhɛa Kuloya Tumu ko bhɛa nayo, heo a challi hunde lɔkte mɛri ngakamargeongngoye. Agge kènno kòyoktogung ngalɔkta sɔng na bhɛgɛtɔ.

Zuga Kèkko 15:8

Na Tumu, Komoruya gaa zugo hinisi, dhɔlɛsɛ bhɛa hinɛa yɔk na aynɛ Kuloya nɛnɛ damiya bere ajjɛiy agge.

Zuga Kèkko 16:6

Na Bhaulos ko Silasi se kago oriya ɛlla Isiyagiye na kamadhtɛsɛ zugo lɔga Tumu. Na yɔk taganyɛ ꞉Kuloya Tumu na ngaoreonu lɔgɔ ngamadhɛɛnɛ. Na yɔk dhɔyɔ na ago na dha oriya ɛlla Bhirgiyagiye ko Galatiyagiye.

Zuga Kèkko 2:33

Na nɔng annaa kàytɛa tumɔ na tɛwa bhɛa Tumu sɛtɛn. Na aynɛ ꞉Tumu Kuloya Nɛnɛ damiya bere bhiigɛsɛna lɔgɔ na ko nɔng Yesus ayiy agge. Na ngalɔktonu a ngagiya shikkano nyabha na orrono kawarreye.

Zuga Kèkko 2:4

Na yɔk ɔgɛsɛ ꞉Kuloya Tumu kumulɔng. Na aynɛ yɔk bhɛa mɛzziyɛa tugiya imaggɛa na mɛzzi bhiy bhiy.

Zuga Kèkko 20:28

Na igge bhɛgɛ rɛhiya gu. Na zuga bere ajjungu ꞉Kuloya Tumu iwo shɛɛ huna bea gu ikɔlnɛna ke ngaya bere udhuyɛ ꞉eriya Tumu nyawa na yakkanɛ ke zuga gɛnyɛye.

Zuga Kèkko 20:35

Na agge maya keme zinggo goore na kɛ̀anɛ zuga tɔlgɔnya damiya bere kemesɛi ꞉anyo na kɔdhɔllagɛungu. Ga, kàgata lɔga bere yokkono ꞉Komoruyɔ Yesusi na sennɛa, ‘Hira ajjɛa hiri aha, bhɛa ngahirronu ajjɛ na kɔɛye, nɔng a tuhinɛ.’”

Zuga Kèkko 28:25

Na nɔng Bhaulos hunaa madhɛsɛna lɔgɔye, yɔk kɛngɔ ngani ngashiginɛo na se kegendɛyɔ. Na hunaa ngani kegendayoye, Bhaulos madhɛsɛ zugo lɔgɔ sɛgɛn na sɛɛsɛ, “Lɔga bere yokkono ꞉Kuloya Tumu na yogɛsɛna hira yogɛsɛna zugo lɔga dhugunono ꞉Tumu kèe Isayas na ko nɔng yogɛsɛna kokonginyaa gu, dha bere a dhere. Na ngalɔktonu agga bere sennɛa,

Zuga Kèkko 5:3

Na koo sɛɛsɛ ꞉Betirosi, “Hananiyaye, wa tɔlɔ ɔng igomɛsɛu Moldoy na kɔbhɔdh hinisa nunu na tab Kuloya Tumu na birinyaa bɔɔ tallano ba gen ullugunyde?

Zuga Kèkko 7:51

“Igge ngaanno dɛmnyogaa bo hinisi dhandala! Bho ngashikkoo dhul! Marro Kuloya Tumu huna bere kokonginyaa gu kali kali.

Zuga Kèkko 7:55

Na nɔng aynɛ ꞉Kuloya Tumu gidhdhing na gɔnyu tumu churr na aru dirama Tumu. Na aru Yesus hunde chil bhɛa Tumu siyɔ sɛtɛnde.

1 Tɛsɛlongke 4:8

Na nɔng hirre mar ngalɔkta na kɛye, hiri ngakɛyo. Nɔng kɛ Tumu hira ajjungu Kuloya nɛnɛ kɛnginyana barara.

2 Timotiyos 1:14

Na lɔga kamannaa challa bere yɛbhbhaginyi :Tumu, any kɛyainy :Kuloya Nɛnɛ kɛ̀lla ko agge kari na bhɛk shɛɛ.

2 Betiros 1:21

Yɔk ngalɔkta kumulɔng, ga ɛsɛdhdhanɛa zuga yogɛsɛna zugo lɔga dhugunono :Tumu sabbiya gɛ, na yokkonɛa ngayo. A lɔga ɛsɛdhdhana :Tumu na yokkonɛa hunde kɔsɛn :Kuloya Tumu na madhɛsɛnde.

1 Yohanis 2:20

Na nɔng igge annaa bere kùhudhtongngɔ Kuloya Hira Kullɛna na lɔga ku dhere gao kumulɔng.

1 Yohanis 2:27

Nɔng igge anno zuga bere kùhudhtongngɔ Kuloya Hira Kullɛna na ngani ɛllo ko nɔng kari ke dhɔnɛ na bhee madhdhɛung :hir konnɔ ninggɛ. Nɔng ngakuloytonu madhdhagung lɔgɔ kumulɔng. Na lɔkte madhdhagungge agga ku dhere, ga ku butomo ngayo. Na mɛa igge tɛldi ko Kirisos kari ke dhɔnɛ damiya bere dhugunnogɛungu :Kuloya Tumu.

1 Yohanis 5:7

Nɔng bhɛa kàggayɛa lɔga Yesusi bhɛa anɛa dhere, a gaminya sizzi,

Yihudha 1:20

Na mɛa ngazukta gany kibhbhagung hiniye, igge nɔng annaa bere yɛbhto lɔga Tumu kullɛna jorronɛa lɔgɔ kumulɔng. Na mɛa mɛtta nganga dirr na iriytɛ ngalɔkta Tumu ngani yɛbhbhoye na alliyɛ ko Tumu damiya madhdhagɛungu :Kuloya Nɛnɛ.