Yohanis 14:20 - Suri Latin

²⁰ Na ngakaldonu hunde ale kòrnɛ sɛgɛnde, ale gaoyɔ hunde dhaa anye ko Baba nanu kanno dhɔnɛ, na kɛ̀l ko anye kari na kan dhɔnɛye.

Yohanis 14:20 ပူးပေါင်းရင်းမြစ်များ

Yohanis 10:38

Na nɔng hunde kemessa lɔga messo :nɛaye, ko hunde anye ngayɛbhbhanyu, yɛbhɛ ngalɔkta bu barar kemesiye na aynde ale ungusɛɛno na gayɛo bhɛa anye ko Babaa nanu kanɛo dhɔnɛye.”

Yohanis 14:10

Ngangaye hunde anye ko Baba nanu kanno dhɔnɛye, inye ngayɛbhiyo? Yɔk ngalɔkta koyokkogung :anyoye ga sabbaa nanu ngayo. Agga messo :Babaa nanu. Nɔng chɔɔ a nganda mɛa kɛllo ko anye kari, na ngani me lɔga gɛnyɛye.

Yohanis 14:11

Na mɛa hunde kesennagung, ‘Anye ko Baba nanu kɛllo kari na kanno dhɔnɛye,’ yɛbhtanyu hung! Na chɔɔ ko hunde ngalɔkta koyokkogungge ngayɛbhbho, yɛbhɛ ke ngaya bɔɔ kemesɛ ngalɔkta bu bararte.

Yohanis 16:23

Na ngakaldonu lɔkte ale ogollonyu anye ninggɛ dhul. Na mɛa ga shigitɔ! Yɔk lɔkte hinnono na ogollo Babaa nanu sara ganyuye kumulɔng, ale ajjunggɔ.

Yohanis 16:26

Na ngakaldonu igge ale ogollo Babaa nanu sara ganyu. Na nɔng ngaya kesennagɛung ngangaye, bhɛa kenɛi ale kɛsɛrɛ bhɛa nu na kogoli Baba nanu ngayo.

Yohanis 17:11

Nɔng mɛa anye ale kokka na kassainyɔ inye. Bay gɔrra dirr ale ngani ngakihiyo. Na yɔk zuga ganyu ale ngani bhakkɛ ba gɔrra. Na mɛa Baba Nanu Kullɛna Ridhing Ninggɛninyiye, bhɛk yɔk shɛɛ barartina sara gunyu bere ajjanyi anye, na ko yɔk kete dhɔnɛ ngadamita naye.

Yohanis 17:26

Nɔng anye annaa bere kudhugunɛsɛu yɔk lɔga gunyu na chɔɔ ale ngani kudhugunɛsɛn dirr, na ko yɔk kibhtɛsɛ zugo hinisi ngadamita ibhbhagɛany anyeye. Na kɛ̀tɛldo ko yɔk kari na kèteo dhɔnɛ.”

Yohanis 17:7

Na chɔɔ mɛa bɔɔ takta hunde lɔga bere ajjanyi kumulɔng agga honynyo bhɛa nunuye.

Yohanis 6:56

Nɔng inde am ayuga rɛa nanu na ma nyawaa ganyuye, anye ko nɔng ngakegennɛnoo dhul. Kɛllo kari tii na kanno dhɔnɛ.

1 Yohanis 4:12

Nɔng hirre bere or Tumu chɔɔ dhɔnɛ ninggɛ dhul. Na nɔng agge hunde kìbhtɛ hinisi kɛngɔ, anda kɛ̀l ko Tumu kari ke dhɔnɛ na ajjiy bhɛa kìbhɛsɛna zugo hinisi goore dhogoy hunde nɛnde.