Yohanis 14:17 - Suri Latin

¹⁷ Nɔng ngandonu a Kuloya Tumu dhugunnono lɔga ku dhere. Na yɔk zuga marrɛa Tumu ale marrɛ nɔng ke ngaya ngaorɛo na imagɛye. Na nɔng igge gaoyɔ ke ngaya ɛlɛo ko nɔng kari na anɛo dhɔnɛye.

Yohanis 14:17 ပူးပေါင်းရင်းမြစ်များ

Matiyos 10:20

ke ngaya inde yokkono lɔgɔ tugiya guye anɛ :Kuloya Babaa nu na :iggeu ngayokkonooye.

Yohanis 14:16

Nɔng anye ale kighini Baba nanu na kittonogung Hira Irishshongngu na tɛldi ko igge kari dhul ko kingi.

Yohanis 14:23

Na yagɛsɛ :Yesusi na sɛɛsɛ, “Nɔng hirre ibhbhagany hini dhereye, a inde bhɛk lɔga ganyuye. Na ko nɔng Baba nanu ale ibhɛsɛn nɔng hini. Na anye ko Baba nanu ale kasano nɔng na kabhakko kari.

Yohanis 15:26

“Nɔng anye ale kekkogung Hira ɛlla ko Baba nanu Irishshongngu igge. Nɔng ngandonu a Kuloya kunno bhɛa Babaa nanu na dhugunɛsɛna zugo lɔga ku dhere. Na nɔng hunde ale kunde, kɔbhɛsɛn zugo lɔga ganyu.

Yohanis 16:13

Nɔng Kuloya Tumu madhɛsɛna zugo lɔga ku dhere hunde ale kunde, dhugunnogung bhɛa lɔga Tumu anɛa dhere na gao kumulɔng. Na nɔng ale yokkono lɔga shikkana bhɛa nanu sɔng. Ga sabbaa nɛnɛ ngayokkonoo dhul. Na chɔɔ ale yokkogung lɔkte ale ngani ɛrrinyaye.

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

2 Timotiyos 1:14

Na lɔga kamannaa challa bere yɛbhbhaginyi :Tumu, any kɛyainy :Kuloya Nɛnɛ kɛ̀lla ko agge kari na bhɛk shɛɛ.

1 Yohanis 2:27

Nɔng igge anno zuga bere kùhudhtongngɔ Kuloya Hira Kullɛna na ngani ɛllo ko nɔng kari ke dhɔnɛ na bhee madhdhɛung :hir konnɔ ninggɛ. Nɔng ngakuloytonu madhdhagung lɔgɔ kumulɔng. Na lɔkte madhdhagungge agga ku dhere, ga ku butomo ngayo. Na mɛa igge tɛldi ko Kirisos kari ke dhɔnɛ damiya bere dhugunnogɛungu :Kuloya Tumu.

1 Yohanis 3:24

Yɔk zukte bhɛkkɛ lɔga ajjiy :nɛaye, ɛl ko nɔng kari ke dhɔnɛ. Na inde dhugunnogiy agge bhɛa kɛ̀lɛa ko nɔng kari ke dhɔnɛye, a Kuloya Nɛnɛ bere ajjiy.

1 Yohanis 4:4

Na mɛa ngaerroya ganyde, igge anno erroa Tumu. Na annaa bere tamarto lɔga ngazukta ku butogaye dhul na dhɔtto, ke ngaya Kuloya Tumu lɔmmo :iggeu anɛ na jorrono ɔnneya ngakuloyta allinɛnɛ zuga marrɛa Tumuye.

1 Yohanis 4:6

Nɔng agge kanno zuga Tumu. Na zukte gaɛ Tumuye, lɔga gayo shikkɛyɔ. Na yɔk gee zuga Tumu ngayoye, agge ngashikkeyɛo. Ngaya a bhee kàggaɛ lɔgɔ hunde agga kuloya ku dhere oo hunde agga kuloya ku butogiye.

1 Yohanis 5:7

Nɔng bhɛa kàggayɛa lɔga Yesusi bhɛa anɛa dhere, a gaminya sizzi,