Yohanis 14:13 - Suri Latin

¹³ Na lɔkte ogollo bhɛa Tumu sara ganyuye kumulɔng, anye ale kurrugɛsɛn ke ngaya Eriya Tumu kèe kɔdhɔngɛ Chɔgɔnɛ na kɔtɔlɔmɛ dirambe.

Yohanis 14:13 ပူးပေါင်းရင်းမြစ်များ

Matiyos 21:22

Na mɛa igge hunde yɛbhɛ Tumu dhere, anda lɔkte ghinno hunde allinɛno ko nɔngge kumulɔng jɔanoyɔ.”

Matiyos 7:7

Ogolo Tumu, na aynde ale ajjung lɔkte ogolloye. Na lɔkte hinno bhɛa nɛnɛye lamitɔ, na aynde ale jɔanoye. Na elitɔ, na aynde ale ossogung tutukte.

Markos 11:24

Na mɛa kennagung ɛnɛnggeo, hunde allinɛno ko Tumu na ogolloye, lɔkte ogolloye kumulɔng yɛbhɛ huna naa bɔɔ teya na aynde ale ajjɛung dhereye.

Yohanis 10:30

Anye ko Baba nanu Tumu kanno dhɔnɛ.”

Yohanis 12:44

Na koo Yesus yogo lɔgɔ goore na seu, “Nɔng inde yɛbhbhany anyeye, ngangaye yɛbhu chɔɔ hira bere ekkononyi. Anye sɔng ngayɛbhbhanyo.

Yohanis 13:31

Na hunaa Yihudha kɔaye, Yesus nɔng seu, “Mɛa Hiri Hoynɛ wa tɔlɔma diram na ko nɔng Tumu tɔlɔma diram ke ngaya Hiri Hoynɛ bhugɛsɛn lɔga hinnono :Tumuye.

Yohanis 14:14

Na hunde chɔɔ ogoldonyu lɔk gena sara ganyu, anye kurrugɛsɛndɔ.

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 15:16

Nɔng igge annaa ngani bɛrtaganyuo. Na nɔng anye annaa bere kɛbɛraungɔ na ago na dhungga kawara bo mɛra ɛlla dhul ko kingi. Hunde messo ngangaye, lɔkte hinnono na ogollo Baba nanu sara ganyuye, kumulɔng ajjunggɔ.

Yohanis 15:7

Na nɔng igge hunde kɛ̀tɛldi ko anye kari na tɔlɔmɔ lɔga ganyu hinisichinne, anda lɔkte hinnono na ogollo Tumuye kumulɔng, ajjunggɔ.

Yohanis 16:23

Na ngakaldonu lɔkte ale ogollonyu anye ninggɛ dhul. Na mɛa ga shigitɔ! Yɔk lɔkte hinnono na ogollo Babaa nanu sara ganyuye kumulɔng, ale ajjunggɔ.

Yohanis 16:26

Na ngakaldonu igge ale ogollo Babaa nanu sara ganyu. Na nɔng ngaya kesennagɛung ngangaye, bhɛa kenɛi ale kɛsɛrɛ bhɛa nu na kogoli Baba nanu ngayo.

Yohanis 16:7

Na nɔng mɛa ga shigitɔ! Nɔng anye ngaya keni kɔ̀gɛye, bhɛa nu a challi. Nɔng hunde ngakɔgɔyoye, bhee ale kunɛ :Hira Irishshongngu ninggɛ. Na nɔng hunde kokkaye, ale kekkon nɔng na assanunggɔ.

Yohanis 4:10

Na nɔng Yesus yagɛsɛ na sɛɛsɛ, “Hunde tag lɔga ɛsɛdhdhana :Tumu na senno kaynɛ zugo hɔlɔng ko ngahirra mɛa ogolliny maye, anda chɔɔ ogoli :inyo na ajjiny maa basseyny.”

Yohanis 4:14

Na nɔng inde ma maye kajjɛ :anyoye, ale huny sɛgɛn ngani ngadhakko dhul. Chɔɔ maye kajjɛ nɔngge ale heo maa ku kawari na dhudhuttanɛ kɛnga nɛnɛ toye ke basseya iho dhul.”

Yohanis 5:19

Na Yesus yagɛsɛ na sɛɛsɛ, “A challi, ga shigitɔ! Lɔkte me :Eriya Tumu bhichang ninggɛ. Nɔng me lɔga orrono bhɛa Chɔgɔnɛ sɔng. Yɔk lɔkte me :Chɔgɔnɛye ko nɔng messɔ.

Yohanis 7:37

Na kala dheshinyanɛa :gibiriyɔ na zugo duriyɛa goore, Yesus koo chilu doraa Tumu barara tu kɛngɔ na yogo lɔgɔ goore na seu, “Hunde lɔ inde dhak :hunyde, sɛɛ kugo bhɛa nanu na kirrɛ.

Yaykob 1:5

Na nɔng bhɛa nu hunde hir kona imag bhoye, any kogol Tumu na aynde ale kàjjɛ bhɛa gayɛa bhoye. Nɔng Tumu a Komoruya challa hini ngangɔayo ɛdhdhɛttana zugo lɔkke kumulɔng.

Yaykob 5:16

Na mɛa dhugundɛ lɔga gu gɛrsa kɛngɔ na ogolo Tumu na kibbaysiyɛunggɔ. Nɔng hira ridhing ningginɛna hunde allinɛ ko Tumuye, shik :Tumu na ajjɛ barartin na me lɔga bo dhandala.

1 Yohanis 3:22

Na chɔɔ lɔkte kìghin nɔngge kumulɔng ajjiy ke ngaya kɛ̀bhɛgɛ lɔga bere ajjiy :nɛa na kèmesɛ lɔga hinnono :nɛa na hinisa nɛnɛ anɛ hɔliye.

1 Yohanis 5:14

Nɔng agge hunde kàllinɛ ko Tumuye, bhee bho ngakɛ̀ngɛrsɛoye, a ngaya hunde kògol lɔga hinnogiy :nɛaye, shikkɛiyte.