Yohanis 14:12 - Suri Latin

¹² A challi, ga shigitɔ! Inde yɛbhbhany anyeye, ko nɔng ale me lɔkte kemesi :anyoye. Na chɔɔ ale me ga jorronɛa ngagiya kemesi :anyoye ke ngaya anye ale kɔgɔɛ bhɛa Babaa nanuye.

Yohanis 14:12 ပူးပေါင်းရင်းမြစ်များ

Matiyos 21:21

Na yagɛsɛ :Yesusi na sɛɛsɛ, “Ga shigitɔ! Hunde yɛbhɛ Tumu na ko hinisi ngadhaginɛno, anda messo lɔga hɛtta ko ngagiya wa kème bhɛa ngachamochitaye. Na chɔɔ anda hunde senɛsɛno ngakutulda, ‘Bɔchiyaa ngaya na ngɔyɛsɛ yirisi toyeye,’ buchinya na kɔyɔ.

Markos 11:13

Na koo dharɛsɛ chamochite labh ko rɛna. Na ogo na kɔgɔny hunde kesea lɔ kawarɛye. Na hunaa kɔa na dokko ngonuye, aru hunde kawarɛ ninggɛ dhul na labh nganga hung ke ngaya dha bere kolea dhunggɛa :chamochau ngaanɛoye.

Markos 16:17

Yɔk zukte yɛbhbhɛ ngakamannayaye, ale messɛ lɔga bo barara na obhonisionɛ mɛnɛnga sara ganyu na mɛzziɛ tugiya imaggɛa.

Yohanis 14:28

“Yɔk ngalɔkta wa koyokkogung na kesennagung, ‘Nɔng anye ale kɔgɔ na kowokkon na kassanungge’ annaa shikto. Igge hunde te zuga ibhbhaganyu hinisi dhere, anda ngaya keni kɔ̀gɛ bhɛa Babaa nanuye hinisiya gu a hɔli ke ngaya Baba nanu anɛ na jorrononyi anyeye.

Yohanis 16:7

Na nɔng mɛa ga shigitɔ! Nɔng anye ngaya keni kɔ̀gɛye, bhɛa nu a challi. Nɔng hunde ngakɔgɔyoye, bhee ale kunɛ :Hira Irishshongngu ninggɛ. Na nɔng hunde kokkaye, ale kekkon nɔng na assanunggɔ.

Yohanis 4:37

Yɔk ngalɔkta yokkɛ :zugu na sennɛ, ‘Hir kona duk liwa, na suneono :konnɔye’ a dhere.

Yohanis 5:20

Nɔng Baba Tumu ibhɛsɛn Eriya Nɛnɛ hini na dhɔlɛsɛn lɔga messo kumulɔng. Na chɔɔ ale dhɔlɛsɛn lɔga bo jorronɛa ngalɔkta na iwachinɛnoyɔ.

Yohanis 7:33

Na nɔng Yesus sɛɛsɛ zugo, “Anye ale kɛllana ko igge kari bhe chinyi na kɔgɔ bhɛa Tumu, hira bere ekkononyi.

Yohanis 7:39

Nɔng Yesus dha bere hunde se ngangaye, dhugunɛsɛn zugo lɔga Kuloya Tumu, ale kàjjɛa zuga yɛbhbhɛa nɔng. Na dha bere ngakoleonu Tumu Kuloya nɛnɛ zugo ngani kaynɛo, ke ngaya kolea Tumu ajjɛa Yesus diram ngani keteyɛoye.

Zuga Kèkko 10:46

Lɔkte iwachinɛnɛ ꞉yɔkkuye, a ngaya shigɛ zugo hunde mɛzzɛɛ tugi genne na eterrisanɛ Tumuye. Na Betiros seu,

Zuga Kèkko 16:18

Na mesu nganga ungge mɛri. Na kali kona Bhaulos dɛbu na budhɛ na sɛɛsɛ mɛnɛngi, “Kesennaginy sara Yesus Kirisosi bhona bhɛa ngasedhdheyta na ogo!” Na bhona ke tiri.

Zuga Kèkko 19:12

Na chɔɔ ruma kìdharɛa nɔng hunde kɛ̀hɛyɛ na kidharɛ zuga ilagassɛaye, bassɛ na mɛnɛnga bhonsanɛyɔ.

Zuga Kèkko 2:33

Na nɔng annaa kàytɛa tumɔ na tɛwa bhɛa Tumu sɛtɛn. Na aynɛ ꞉Tumu Kuloya Nɛnɛ damiya bere bhiigɛsɛna lɔgɔ na ko nɔng Yesus ayiy agge. Na ngalɔktonu a ngagiya shikkano nyabha na orrono kawarreye.

Zuga Kèkko 2:41

Na zuga yɛbhbhɛa lɔgaa madhɛsɛna yɔk churtɛ ma. Na ngakaldonu zukte aynde ku 3,000 yɛbhɛ ngalɔkta na tɔrɔ ga bere yɛbhbhanɛa Yesus sabbɔ.

Zuga Kèkko 4:33

Na zuga ekko ꞉Yesusi yɔk tɔlɔmɔ barartina Tumu na koo madhtɛsɛ zugo lɔga bere bansanɛa ꞉Yesusi rɛsɛyɔ. Na te ga bo tuhinɛna na chirbhiseo ꞉Tumu kumulɔng.

Zuga Kèkko 4:4

Na yɔk zuga shikkanɛa ngalɔkta madhɛsɛnɛ ꞉yɔkkuye ga yɛbhbhanɛa te mɛri. Na hunde kòtoy zuga maya sɔng ngani yɛbhbhanɛaye, heo anda a 5,000.

Zuga Kèkko 5:15

Na chɔɔ zuga orony dha bere ngorronɛ zuga ilagassɛa na ɛhɛɛsɛnɛ hayachina ganggoye. Se hunde Betiros dho ngonuye, kɔsɔgɔ ꞉rimboya nɛnɛ na kibbaysiyɔ.

Zuga Kèkko 6:7

Na lɔga Tumu tɛhɛtɛy ko ba. Na zuga yɛbhbhanɛa lɔga Yesusi Yerusalemɔ ago na te mɛri. Na gɔldangɛa doraa Tumu barara ga bo mɛra ko yɔk yɛbhɛ kamannaa Yesusi.

Zuga Kèkko 8:7

Na mɛnɛnga bhonda bhɛa zuga bo mɛra na ara wuy goore. Na ko yɔk anyakuwandaa bo mɛra ko zuga chudhinɛna baya.

Zuga Kèkko 9:34

Na sɛɛsɛ ꞉Betirosi, “Ɛniyaye! Wa ibbayseinyɔ ꞉Yesus Kirisosi. Na ga bana tɛhɛ hayaa nunu!” Na nɔng bana ke tiri.

Zuga Kèkko 9:40

Na nɔng Betiros obhonisiu zugo kumulɔng bhɔ. Na tɔgɔdhu kɔmma na alliyɛ ko Tumu. Na gɔnyu hiraa rɛsa na eliu na sɛɛsɛ, “Tabitaye! Bana!” Na nɔng Ngatabita ɔda kawarɛ. Na hunaa orro Betirose, bana na liginu tunɔ.